|
صدر الشمالي !!!!
يقولون العرب صـدر الشمالـي مـا يضيـق بسـاع
وأنـا أقـول الصـدور اليـوم مـا عـادت شماليـه بدت في داخلي ضيقـة عجـزت ألقـى لهـا مطـلاع تغيب...وترجع....وترجـع تغيـب ومالـهـا نـيـه عمتني كلمة (ن ) جتني وضقت وضاق صـدر القـاع ألا يالله لا تـجـزي غشـيـم ( ن ) قالـهـا فـيـه لاهوصفـاع يـا ربـي ولا هـو للـعـرب نـفـاع بلانـي وإبتلـى حالـه ....وبعـض النـاس مبليـه نهيتـه قبـل هالمـرة يخـلـي سيـرتـي مـاطـاع ألا يـا لعـن أبـو جـد القصيـد ولعـن أبـو بيـه ضعيف النفس نسونجي.....يشـوف بعينـه الأطبـاع يحسـب إنـي مثـل ربعـه يسـوق بضاعتـه ليـه أنا أشري لا بغيـت أشـري ولانـي مسـاوم البيـاع إلا مـن قـال لـي ميـة عطيـتـه فوقـهـا مـيـه أنا أكتب لأجل من يقرأ......ولاأرجي من يقول : إبداع وأبـد لا تحسـب إن مثلـك يشكـل لــي أهمـيـه ترى ياهيـه لامنـي نويتـك؟؟ بـس أطـق إصبـاع يجينـي ألـف شيطـان ووراهــم ألــف جنـيـه أجرك من طرف حرفـك وأرد الصـاع ميـة صـاع جنـون القـاف أرقصهـم علـى راسـك هجائـيـه ياويلـك لـو توليتـك وربــي مـالـك الشـفـا ع يجيك من القصيد إحسب....ثلاث مية ...ثـلاث ميـه ولكـن خلـك بحالـك مـدام إن الصـدور وســاع تـرى للحـيـن ماضـاقـت ولساعـهـا شمالـيـه المبدع / خلف المشعان |
ولكن خلك بحالك مدام ان الصدور وساع
ترى للحين ماضاقت ولساعها شماليه اخي العزيز لقد ابدعت في هذه القصيده دمت لنا ودامت اناملك اختـــــــــــــــــــــــــك/ هتيـــــــــــــــــــــف |
هتيـــــــــــــــــــــف
اشكر ذائقتك الشعريه والله يعطيك العافيه ولاهنتي على مرورك العذب لك كل ودي وكوني بخير |
مدري وش أقول تأثرت حزنت
مدري وش سوت فيني هالقصيدة قريتها مرات تألمت منها بس تظل روعة روعة روعة في كل شيء اخي العراقي تسلم . على النقل اللي يدل على ذوقك الرفيع لك خالص ودي |
المشرفه المتألقه
انجـــــــــــــال الروعه في مرورك والله لايهينك ويارب يسعدك لك كل ودي وكوني بخير (لاكون) |
الاخ العزيز / العراقي
سلمت انا ملك وسلم لنا قلمك المبدع الغني عن الوصف ولاهنت وصح لسانك اخوي والله يعطيك الصحه والعافيه دمت لنا ابا ومشرفا نستفيد منه في حياتنا ولك كل احترامي وتقديري ولك تحيـــــــــــــــــــاتــــــــي |
غلا الروح
ردك يعني لي الكثير وصح بدنك يالغالي ويارب يعافيك ويسلمك وعيوني لكم وابشر باللي اقدر عليه والله يديم التواصل والمحبه واتمنى لك التوفيق والنجاح ولك كل ودي وكن بخير لأكون |
|
الأمير / سعود بن سعد
خـــــــــــــــــــــــــــــــالــي اول شي انا ماني اخوك خلو منا العلمانيه انا ولد اختك يالغلاــ وانا لي الشرف انك خالي ولا ابكفخك ترا واستقيل بعدين انت تامر على روحي وابشر بعزك يالغالي لاتعب نفسك والعراقي موجود تدري ماني مطولها معاك ولاني راد عليك (((استلم هذي ))) وش هقوتك ؟؟ .. يا ساير .. الصدر لا ضاق ..!! هـو ينفعـه .. لاقلـت : .. خـلـك شمـالـي لــو القصـايـد .. كلـهـا .. مجـامـل أذواق مـا طـاح .. دمـع .. ولا تذكـرت .. غـالـي عينـي تـراوغ دمعهـا .. وسـط الاحــدااااق وأخــاف أغمضـهـا .. يـطـرز .. قبـالـي لا حـدهـا زفــره .. ولا ردهــا اشـهـاق الله يخـرب .. بيـت أبـو .. طيـب .. فـالـي جـرحٍ خفيـف وجـرح ساطـي .. بالأعـمـاق وجـرح يهـد اقصـاي .. وانخـى .. خـوالـي كل ما اختصـرت الوقـت .. يضربنـي طـراق وارجـع وأعيـد حسـاب .. وقــتٍ مضـالـي ماجيـت ابشكـي لـك .. سواليـف عـشـاق . ولا جـيـت امـثـل دور .. شـاعـر مثـالـي مشتـاق .. ؟ إي والله .. وانـا اخـوك مشتـاق لـو مااتصالـك .. كـان جــاك .. اتصـالـي شـف كيـف جفنـي للسـهـر .. كـنـه رواق مبعـد عـن العـالـم .. وجـالـس .. لحـالـي المشكلـه ؟؟ يـا سايـر .. الصـدر لا ضــاق مــا ينفـعـه لا قـلـت خـلـك .. شمـالـي للإستماع .. http://www.movn.net/5alf_almash3an.htm http://www.shathaaya.com/qseed/show...hp?threadid=940 وارد عليك بعدين اشوف جوابك يالقرم |
| الساعة الآن 03:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون
