عبادي 04-30-2008 06:30 AM سبّـــــة غيـابي   عندما يطول الجرح يكون النزيف شعراً ، هذا ما عودتنا عليه الشاعرة الاستثنائية «الراسية» والتي حضرت اليوم بقصيدة جديدة تختلف عما سبقها من قصائد أبي عشقٍ يبعثرني ويزعزع فالحياة ركون ابيك تحس لو برحل وش اللي يصير بغيابي قسم بالله ما تلقى ربع حبي بهذا الكون قسم بالله إن تبطي تدور جرة اركابي غريبه ترخص بوصلي لجل عذالك يقولون وانا اللي كنت احسبنك تبيع الناس لاسبابي مدام الناس هم همك تموم بحسرتك مغبون وانا باكر بيجي وقتٍ يجف الدمع بأهدابي كثير الناس لاموني فحبك والهوى ملعون وحشا لله ما رخيت إذني لأقرب أحبابي انا ما اكذب عليك ان قلت قليل اللي يبي يضحون وحسبتك واحدٍ منهم وخذلني منك حسابي ولا بندم ولا بأسف ولا باقول انا مطعون بوكل أمري لربي وببرد حرقة أعصابي واذا مر الزمن باكر وفر الخافق المسجون تذكر كل ما قلته فحقي وانته ادرابي واذا جربت لك غيري فغيرك بالعدد مليون بتندم قد ماتقدر وتذكر سبّة غيابي

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون