منتدى دمعـــة ولـــه - طريقة الـــــــبلـــــــيله الــحــجــازيه

السلام عليكم ^_^

~ الـــــــبلـــــــيله الــحــجــازيه ~

البليله اكله معرووفه في اوسااط الحجاز ودااايم وجوده ونكهته ^_^ ..

ولا تخلوا حااره حجازيه من بسطه بليله بيتسلوا عليها الصغار وهما بيلعبوا بربر وفريره ..

مقاديرها سهله وطريقتها اسهل ..

المقادير :

بليله حب نجيبها من عند العطار ... المعلبه ماتنفع مااالها طعم ومصبره ...
وخل اسود او ابيض حسب الرغبه .. كمووون مطحووون اهم حاجه ... وملح ..
وبنجر وشطه وجزر مبشور زيني حسب ماتحبي ..

الطريقه :

ننقع مقدار كاس بليله حب في مويه بعد غسله ونتركه ليله كاامله ..

http://img02.arabsh.com/uploads/imag...474d60f70d.jpg

http://img02.arabsh.com/uploads/imag...474d60f70c.jpg

بعد ما ننقعه طول الليل نحطه بقدر الضغط مع مويه فقط ونطبخه انا تقريبا خليته نص ساعه
اوحسب الحبه اذا استوت او لا تختلف احيان تكون قاسيه تحتاج وقت اكثر ..
نسيت اصوره وهو بالضغط ^_^

صارت البليله مستويه احفظيها بالتلاجه ممكن لمده يومين ... ماحتخرب لانه مافيها لا ملح ولا غير ..

ولا ترمين مويتها اللي غليتيها فيها ..

بنحضر البليله حسب الطلب مانحط الملح والخل لكل الكميه يخرب .. انا حضرت زبديتين ..

احط بليله بقدر صغير مع شوي من مويته واسخنه ..

http://img02.arabsh.com/uploads/imag...474d60f605.jpg

واحط بصحن خل اسوود او ابيض حسب ماتحبي واخففه بمويه خصوصا الاسود
لازم له تخفيف نكهته قويه واضيفه على البليله بعد ماتسخن واحط الملح والكمون ..

http://img02.arabsh.com/uploads/imag...474d60f607.jpg

http://img02.arabsh.com/uploads/imag...474d60f606.jpg

http://img02.arabsh.com/uploads/imag...474d60f604.jpg

زينيها بالبنجر او الجزر المبشور وحطي لها شطه ويمممممي يممممممي ولا اطييييييييب ..
مازينتها مافيني احوس بالمطبخ ماصدقت اغسل اواني الفطوور ^_^

http://img02.arabsh.com/uploads/imag...474d60f601.jpg

http://img02.arabsh.com/uploads/imag...474d60f600.jpg

http://img02.arabsh.com/uploads/imag...474d60f603.jpg

واتحدى فيها كشك بليله زمان على كورنيش جده الجميله ...