منتدى دمعـــة ولـــه - يا دار حاتم طـي يـا دار الاكـرام

السلام عليكم ورحمه الله وبركاته

اخواني اخواتي العزاء

انقل لكم هذهـ القصيده لشاعرساير متعب الشمري

واتمنا ان تنال اعجابكم

هب الشمال وجابلي عطـر الانسـام
ريحه دوى قلـبٍ بـه الفيـن علـه
وانعش حيـاةٍ صايبـه هـم وهيـام
وكل المشاعر صـوب حايـل يتلـه
ما اللام والله يا اهل العرف ما اللام
حب الوطن واجب علـى كـل ملـه
يا دار حاتم طـي يـا دار الاكـرام
ما فيه مثلـك بيـن الاوطـان كلـه
من الجنوب لقاصي الغـرب للشـام
للشرق الاقصـى مـا وجدنـاك لله
غلاك في دمي وبـه خافقـي هـام
وحبك سكن وسط الضمايـر محلـه
(والله يا لولا الارض بسطت للاقدام
اني فـلا اطـا ترابهـا حشمتلـه )
دار الكرم رفف لها بالسمـا اعـلام
ومنـارةٍ مـن شـان ضيفـه يدلـه
تاريخها اللي ما وفت فيـه الاقـلام
حازت على الامجـاد دقـه وجلـه
الطيب مبداها قبـل عهـد الاسـلام
لاصحابهـم تدمـح ثمانيـن زلــه
دار الطنايـا مرويـة صنـع الاروام
يـوم اللقـا عاشـوا اعداهـم بذلـه
عـدو شمـر دايـم الـدوم منظـام
يقضـي حياتـه والنكـد سقمتـلـه
شمر خيار القـوم مـع مـر الايـام
وصلوا مكانٍ ما بـه احـدٍ وصلـه
شمر هل النخوة مـع الحـق جـزام
ريف الضعيـف ولنضهـد فزعتلـه
رديهم كنـه علـى الضـد ضرغـام
ترهـب صناديـد العـدا صيحتلـه
والـمـر يامـنـه بصنديـدهـم زام
ليـا آمـر صـم الصفـا طاوعلـه
يرعب مناعيـر النشامـا ليـا قـام
وترجف مناصيب الـدول هيبـةٍ لـه
شمر ليا ذكروا هـل الملـك حكـام
خصص لهم سطر الذهب بالسجلـه
وشمر بنوا في قمة المجـد مرسـام
بصروح مـن فـوق الثريـا تعلـه
امجادهـم تـزداد عـامٍ بعـد عـام
والكون يشهـد والبشـر مقنـيٍ لـه
ولا اقول في باقي المخاليـق مثـلام
ولا ازحم عراض الناس خوفاً من الله