أفخر بربعي عتيــــبة
 

بسم الله الرحمن الرحيم


السلام عليكم ورحمة الله وبركاته :-


اول قصيدة لي بهذا المنتدى :






هاض العتيبي نوض برق يخايله
وانهل من صدره عجايب مثايله

أبدع بها مارضى بها النقص والهفى
واليا تكدر خاطري قمت أحايله

مرت سنين وكل مرقاب أويق به
أرقب نجوم الليل والنفس مايله

عيت على حب البني تدرج رحاها
من عقب من عني تباعد شمايله

وامسيت بالونات نفسي تجرها
أجري ورى حظي ولا ني بنايله

يلومني خبل مع الناس صيفته
ما سر ربعه يوم هذي خصايله

أسند له الحجه ويتبع حدورها
واليا انقصر عنها فلاني بسايله

نفسي على العزه تلامع نجومها
ماهي على غرات غيري مذايله

وربعي عتيبه مستعز بشانها
ولا تنقصر روس مع الوقت طايله

أحشم بحشمتهم وتشهد فعولنا
يوم الدما في ساحة الحرب سايله

هذا وانا عندي علوم أكنها
باقصى الحشا واليوم جات متهايله

أسبح بحور للجواهر والدرر
أفزع لها والبحر تفجع هوايله

أميز الكلمه واوضح حروفها
والضعف مالي رغبة في مقايله

واليا نشدت الحبر قال استهاض بي
براق مزن والعتيبي يخايله







وسلااااااااامتكم



خالد العتيبي

والنعم فيك وفي ربعك ولاهنت وصح الله لسااانك اخوي ويعطيك العافيه على هالكلام الحلو النابع من احساااس الصاادق تجااه ربعك ونتطلع لجديدك معنا وياهلا ويا مرحبا في منتدى دمعة وله.
ولك تحياتي"""""""

والنعم فيك وفي ربعك ولاهنت وصح الله لسااانك اخوي ويعطيك العافيه على هالكلام الحلو النابع تجااه ربعك ونتطلع لجديدك معنا وياهلا ويا مرحبا في منتدى دمعة وله.
ولك تحياتي"""""""

شكرا اخوي خالد على الكلام الحلو ويعطيك العافيه

صح لســـــانك .. ..

والنعم فيك وفي قبيله عتيبه وفي كل القبايل العزيزه .. ..


ننتظر مزيدك ..

تقبل سلامي..