|
كامري + سكسوكة + الدمعه + عطر+ عشاء = بنـدر
السلام عليكم ورحمة الله وبركاته الــزمـان : يوم الأربعـاء التـاسـعه مسـاءا ً ،،، المكــان : مـدينـه الريـاض ,,, تعريـف لمن تـدور حـوله القضـيه الأســم : بنـدر عمر بنـدر : 23 مهنة بندر : طـالب جامعي كامري بنـدر : اللـون اســود الموديـل 2004 رقم اللوحه ( ص ر ف 100 ) طريقة الدفـع :اقسـاط على (ظهـر) ابو بنـدر عـداد البنزين: تحت الـ E والجـيب مافـيه الا الرخصـه وريـاليـن مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله . بندر وكامري بندر وبطاقة صراف بندر امام الصـرافه اللي بتنـشفط منـها 800 ريـال (كـاش منـي) انشفطـت مكـافأة بندر من بطاقة صراف بنـدر بيـد بنـدر . كامري بندر : (غمـض فتـح) واذا بـ بندر امـام محطـه الوقود بندر : صديق عبي بنزين فـُــل . صديق : اوكى (مع هزة رأس تقلـيــديـه). وبعـد مرور دقيقـه و37 ثانيه امتلء خـزان الوقـود والمـقابل 36 ريـال 800 - 36 = 764 ريال بعـد محـطة الـوقود (فتح غمض) واذا بـ بندر وكامري بندر امـام (التلمـيع السـاطـع) 45 دقيـقه بعد التلمـيع السـاطع كامري تلمـع بنـدر يدفـع 764 - 150 = 614 ريال انتهـينـا من كامري بنـدر سكسوكـة بنـدر : الزمـان : الساعه العاشـره والنصـف مساءا . المكان : تقـاطع شـارع التحليـه مـع شارع التخصصـي بالتحـديد حلاق (هوليـوود) بندر للــ حلاق : حبيب ألبي ابيك تـدلعنـي عندي موعد مهم الليله . الحلاق لـ بنـدر : تكرم عينك مدام انتا بتـدفع احنا نـلمـع . غمض عين سكر عين 150 ريـال لـ حبيب ألب بنـدر .. يعني 614 - 150 = 464 ريال سكسوكه عجــــــيبه الدمـعه جهاز بندر ( دمعة بندر ) : الزمـان : الساعه الحاديه عشر مساءا ً المكان : محـل همســات للأتصـالات - المرسـلات بنـدر يبي يستـبدل دمـعة بنـدر بجهاز ثاني دمـعه بنـدر سعـره بـ 1100 ريال والجـهاز اللي يبـي يستـبدل فيه .. سـعره 1440ريـال يعني بنـدر لازم يـدفع 340 ريـال فرق السعـر .... ودفـــع يعنـي 464 - 340 = 124 ريال غريــب هـ البنــدر ... عـطر بنــدر : الزمــان : الساعه الحاديه عشر وخمسه واربعون دقيقه مساءا ً المكـان : الرواد للمستـلزمـات الرجـاليه - طريق العروبــه وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال . نرجـع للحـاسبه ونقـول 124 - 120 = 4 ريـال فقط عجــب عجــــــاب عشــاء بنـدر : الزمــان : السـاعه الثانيه عشــر منتـصف الليــل . المكـان : بوفـيـه بجــانـب البيـــت باقـي المكـافـأة 4 ريـال و ريـالين في جيب بنـدر هذي 6 ريـال وعشاء بنـدر ثنـين شـاورمـا و واحـد بيبـسي بـ 5 ريال وريــال حطـه في جيبــه للـيوم الأسـود . بالعـافـيه يابنــدر ولاتنســى تسمــي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,, - هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟ -هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟ ام هــي قــاعــدة ((حـلال عمــك لا يهــمك ))؟؟ ام لأن المـال المصــروف ليــس من مجهـــوده ؟؟ - اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟ - ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟ طبعاً منقوووووول محبتكم بـسـمـه |
اختي بسمه الله يعطيك الف عافيه على طرح هذه المشكله والتي قد تحدث في مجتمعنا وبالاخص في من هم حوالينــا لانريد التخصيص ولكن نجعل الحوار عام يستفيد منه اكبر عدد من الشريحه التي تدور حولهم مثل هذه المواضيــع نعـــم اوافقـــك مجريات القصـــه - هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟ فكثير من الشباب ..والشابات يفعلون ماتحكي عنه هذه القصـــه وقد نجد معظمهم يزيد مرتبهم عن مكافئـه ( بندر ) ويفعلون مافعلـــه .............. فـ هاؤلا يفتقر لديهم عنصر الاحساس والتفكير في المستقبل ( al engal ) ........... هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟ ام هــي قــاعــدة ((حـلال عمــك لا يهــمك ))؟؟ ام لأن المـال المصــروف ليــس من مجهـــوده ؟؟ ولكن بعض الشرائــح الاجتماعيــه وهم ذوي الدخل المحدود قــد لايجدون حلول للمستقبل فيعتمدون على الصرف بما هو قليل وليست عندهم الفرصه للأدخار او التخطيط لرسم مشاريع تفيدهم لمواكبه هذا العصر اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟ قد يكون لديــه ولكن المراهقه.. حريه الشباب المزعومه قد لاتساعدهم على التفكير الصحيح او العقلاني ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟ لايعجبني واتمنى من يجد في نفسه هذه الصفه ان يبحث عن حل للأبتعاد عنها والبحث في ماهو لصالحه وتقبلي خالص شكري وامتناني لطرحك هذه المشكله ولك تقديري واحترامي |
السلام عليكم ورحمة الله وبركاته
الأمير سعود الله يعطيك العافيه انا بموضوعي مااقصد التخصيص بس بندر فئه من المجتمع ةفي مثله كثير من الجنسين مشكووور يالغلاا على المرور محبتكم بـسـمـه |
بسووووووومه يعطيج العاااافيه وصاج يا بنت
والله هذا المشكله اغلبيت المجتمعات فيها ولا تقدر تحلها الانه من وجهت نضرى انا اقووول انها لازم تكوون المنشأ من اساس يعنى من التربيه لازم نعلم عيالنا شلووون يجمعوون ويقتصدوون حتى باجر اذا كبر تفيدهم بحياتهم طالع منو يتكلم ههههههههههههههههههههه <<<<<< ماخذه مبذأ اصرف ما بالجيب ياتيك ما بالغيب هههههههههههههههههههههه الله يعافى الوالده والوالد تقبلى مروورى محبتكم |
على ما اعتقد ان ما يسوي هالحركات
إلا واحد حاس بنقص بنفسه او شخصيته وعشان يسد هالنقص اللي حاس فيه يحب يسوي هالحركاااات ما قصرتي اختي بسمه على النقل الراائع تقبلي احتراااااامي |
أختي بسمة .. أشكرك على طرح الموضوع هذا المنتشر كثيرا اذا لم يكن في الكل .. ولكن دعونا نتكلم بواقعية ... الشاب بندر يريد أن يطور من نفسه يريد أن يمتلك فقط مقومات الحياة اليومية .. أشياء وحاجيات هو يحتاجها .. يمكن أنتي لم تذكري مصاريف اللبس والأجهزة وكتب الدراسة وطلعته مع الشباب وكم يصرف فيها .. هذي الأشياء أتوقع إنه بـ 840 على قولتك لن تكفيه شهر واحد .. فأريد أن أسألك سؤال وطبعا إخواني الأعضاء أيضا ... كم سيوفر هذا الشاب من مكافأته وهو يصرفها في أشياء هو محتاجها ؟؟ دعونا نحذف الكماليات ونأخذ الة حاسبة ونجلس نحسب الضروريات فقط .. >> جربها والنتيجة أن الشاب أو الشابة سيكون مديون بالكثير وهي ضروريات .. أتمنى أن تقبلي رأيي وتحياااااتي لك .. دمتي بود .. |
السلام عليكم ورحمة الله وبركاته
كتكت & بيوت القصائد ألف شكر على المرور والله يعطيكم العافيه كتكت نصيحه ادخري ليومك الاسود مثل مايقولون خخخخخخخخخخخخ محبتكم بـسـمـه |
أي واحد يستلم مكأفاة جامعية ( من وجهة نظري )
حالته مثل حالة بندر بس بأختلاف الأسلوب بندر يشتري جوال وغيره يسدد جوال بندر يشتري عطر وغيره يشتري تتن بندر يلمع سيارته وغيره يصلح سيارته يعني بالهوى سوا من كثر هالمكأفاة (( ما توكل عيش )) ومشكوره وما قصرتي بسمة على هالنقله وتقبلوا أجمل تحية |
| الساعة الآن 03:20 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون