هي لهم كل الأماكن لا غـدا قـدري مكـان!!!
 

هي لهم كل الأماكن لا غـدا قـدري مكـان
التعب لأرقابهم لا صـرت بالصـف الأخيـر
وإن ضحك وجه البنفسج وأستمال الخيـزران
في ثنايا الجـرح جـرح ومابقـا إلا الكثيـر
طال عمرك ؟؟ يالليالي مانبي غيـر الامـان
في نهار ٍ لو رضينا مارضى باللـي يصيـر
طال عمرك ؟؟ وش بيدنا ؟؟ دام كوكبنا جبان
ماقدر يكـون شمـس ولا قمـر دايـم ينيـر
ليت أنا لي يالثريـا مثـل جـوف السيسبـان
كان لي قلب ٍ ضحوك وقلب مجروح وكسيـر
ماعلي لو عذربوني .. دام في راسـي جنـان
والله انـا آخـذ بيمنـا ماتحـوش إلا الكبيـر
قالو الدنيا ملز ؟؟ وقلت أنا شعـري حصـان
وادري اني لـو لهيـت ولا تمالكتـه يطيـر
آه يـا أذن المسانـد ليـت للمركـا لـسـان
كان تلعن ثم تلعـن كـل مـن داس الحريـر
والسفيـه اللـي مـرده لـو تعلّـى للطمـان
لا يهمك والله إنه لو نفـص عينـه ضريـر
لعنبوها رجل ساقـت راعـي العـز لهـوان
ولعنبو من شبـه سبـاع الصمايـل بالحميـر
راح علم وجاك علم وكل خافـي لـه بيـان
هرجةٍ قلنا وتمت ..من ورا خشمـك تصيـر
من عوايدنا الصلافه لو نعـم وجـه الزمـان
ومن يحقر الناس عند الناس هو أصلا ً حقير
ودعك يالجرح نزفي من جت الساعـه ثمـان
ونامت عيون الأوائل.. صرت انا الحلم الأخير




للشاعر" عبدالمحسن بن سعيد"

http://www.mzayan.com/vb/images/uplo...61a3e12e8e.jpg

رد: هي لهم كل الأماكن لا غـدا قـدري مكـان!!!
 

رد: هي لهم كل الأماكن لا غـدا قـدري مكـان!!!
 

رد: هي لهم كل الأماكن لا غـدا قـدري مكـان!!!
 

رد: هي لهم كل الأماكن لا غـدا قـدري مكـان!!!
 

طال عمرك ؟؟ وش بيدنا ؟؟ دام كوكبنا جبان
ماقدر يكـون شمـس ولا قمـر دايـم ينيـر

صح لسان قايلها سلمت اخي على النقل المتميز صحيح وش بيدينا دام كوكبنا جبان بالفعل قد وصف الدنيا وكيف انها لا تسوى شي
مشكور اخي مره اخرى وواصل ابداعك في هذا المنتدى المتميز
تقبل مروري / الهنوف

رد: هي لهم كل الأماكن لا غـدا قـدري مكـان!!!
 

رد: هي لهم كل الأماكن لا غـدا قـدري مكـان!!!