|
الزمن ما تغير ,, الناس اللي تغيروا ؟؟
الزمن ما تغير الناس اللي تغيروا ؟ جمله نسمعها كثير و حبيت اطرحها هنا للنقاش فهل صحيح الناس الحين تغيروا ؟؟ او الزمن اللي تغير ؟؟ موضوع للنقاش اتمنى من الجميع المشاركه تحيـااااااتي وحيــ الدرب ــــد |
وحيد فعلا مو الزمان الي يتغير
شوف كيف الزمن يتغير (تغيير في الطبيعه في المجارت ...خسوف كسوف )) هذا تغير الزمن اما الانسان هو الي يغير في الزمن فلما يشع الحب مكان الكره والحقد يصير الزمن ولا اروع واذا شاع الكره والحقد مكان الحب يتغير الزمن تنتشر الاحقاد ارجوا اني ماكون ثقل عليكم تقبلوا مروري دمتم بود |
أختي عيون الليل
فعلا اختي الزمن بيضل مثل ماهو بس الناس تغيروا مو مثل الناس أول اللي الواحد منهم لو ما يشوف جاره في اليوم راح له بيتهم وسئل عنه , اما الحين بعض الاخوان ما يشوفوفون بعضهم الا يمكن في السنه مره أو في المناسبات .. اللــه لا يهينك أختي الكريمه ... تقبلي خالص شكري وتقديري وحيـــد |
نعيب زماننا والعيب فينا ومالــزماننا عيب سوانا من المستحيل ان يتغير الزمان ابد بدليل : شمس تشرق كل يوم وتغرب فصول تتعاقب السنة لاتتأخر ولاتتقدم ليل يتليه نهار بحار وأنهار جبال وسهول صحاري وغابات حياة متوازنه بين شتى الاطراف تدب في كل مكان وكل زمان ......... الى اخره التغير اخوي وحيد فينا نحن ياسلالة البشر من عهد ابونا آدم الى وقتي الذي اكتب فيه ردي على موضوعك وللأسف تغير خلّ بتوازن عيشنا مع بعض وتوافقنا مع بعض اعلم ان هنالم تغيراً محمودا مثل العلم والتكنلوجيا الا ان هنالك تغيرا مذموماً وهو ما آلت اليه اوضاع بني البشر في الصراعات والحروب والاباده ناهيك عن التغير الخاص وهو الداخلي والقاعده الركيزه بداخل كل شخص فينا والتي حث عليها واوصى ديننا الحنيف في كتابه الكمريم وحديثه الشريف بالترابط والتئاخي والمحبه الى اخره اشكرك جزيل الشكر على طرحك هذا الموضوع للنقاش لاتحرمنا جديدك لك تحياتي |
أخوي نايف
كل الشكر لك على مرورك العطر وعلى تواصلك المستمر واللــه يعطيك الف عافيه .. فعلا أخوي الزمن ما أعتقد انه تغير بس التطور هذا اللي الله يكفينا شره , هو اللي غير النفوس وترك الواحد ما يفكر الا في نفسه وبس وينسى حتى اقرب الناس له .. لا هنت يا الغالي وحيـــد |
نعيب زماننا والعيب فينا .. ومالزماننا عيب سوانا.. الزمن ماتغير بس اهل الزمن متغيرين رحمتك رحمتك يامعين ولكن ما تلاحظون أن زي ما الناس تغيرو ، الزمن تغير بعد .. و المعنى واضح .. يعني ناس أول غير ألحين .. و اللي كان سهل منول ... الحين صار صعب ... اشكرك مشرفنا العام ..موضوع اكثر من رائع موضوع فعلا يستحق النقاش. |
اختي روان اول شي ابيك توضحين وش قصدك باللي كان سهل من اول والحين صار صعب ؟؟ لو تجيبينه على سبيل المثال وبالنسبه لكلامك انه مثل ماتغيرو الناس الزمن تغير ! انا مو معك في النقطه هذي الزمن هو هو ماتغير الناس هم اللي تغيرو وبتغيرهم تغير مجرى الحياه في الزمان لا الزمان بنفسه كيف ؟ ووشلون ؟؟ انا اقولك اختي الفاضله لو تلاحظين اول وليس بالبعيد يمكن قبل 80 او 100 سنه كيف كانت حياة الناس ؟ كانو مثلنا في مجرى حياتهم الشخصيه بس طريقة تعايشهم بالحياه كانت صعبه لقلة الاماكنيات والاعتماد على النفس في كل شي طلب الرزق السفر الزرع طلب العلم الصحه والتدواي كل هذول كانت صعبه جدا جدا جدا ومن صعبوته الا انهم متعايشين عليها ومتعودين انا الحين على سبيل المثال موظف بالمنطقه الشرقيه واهلي وربعي وقبيلتي في اخر نجد جهت الحجاز بيني وبينهم 1400 كيلو امشي من هنا الصباح بدري ومايحطون الغداء الا انا مشاركهم وجالس بينهم شوفي اول لو اني عايش معهم ذاك الوقت كان امشي السبع او الثمان ساعات بشهر او شهرين وعلى وسيلة سفر متعبه وشاقه مثل الابل والا الخيل وهذا مثال بسيط اقوله لك ولا يخفاك طبعا بس ابي ابيّن لك يا اختي ان التغير قام على تغير البشر وبس الحين زمن التقدم على قولتهم لا والجاي بعد اهول من كذا وصدقيني نسولف الحين بالناس اول وكيف كانت حياتهم وراح يجي بعدنا ناس في اجيال قادمه يرثون على حالنا وراح يستغربون مثل ماحنا جالسين نستغرب من ظروف عيشة الناس اول هذا هو الزمن ساعات تمر وايام وسنين وقرون تجري بعلم الرحمن وهي لاتتغير لكن التغير باللي عايشين فيها يغيرون مجرى الحياه بس مايقدرون يغيرون الحياه نفسها وانا اقصد الزمن يعني مهما وصلو من علم ماراح يطولون النهار ساعه ولا راح ينقصون من الليل ثانيه خلاصة الكلام اذا هنالك تغير طرئ فهو في من عاش بالزمان لتغير الامكانيات بسبب التطور والتقدم لكن يبقى الزمن هو الزمن من خلقنا الا ان يبعثون اسف على الاطاله والموضوع مطروح للنقاش ومفتوح في نفس الوقت اذا فيه اضافات او اخطاء في طرحي فا الكامل وجه الله سبحانه اتمنى ان تنبهوني لها اشكرك روان والعذر والسموحه لك تحياتي |
أختي روان
يعطيك الف عافيه على هالمشاركه الرائعه وانا معاك في معظم الكلام اللي ذكرتيه تقبلي خالص شكري وتقديري وحيـــد |
اختي روان اول شي ابيك توضحين وش قصدك باللي كان سهل من اول والحين صار صعب ؟؟ لو تجيبينه على سبيل المثال ==================== اخوي نايف... على سبيل المثال الزواج كان في الماضي سهل وميسر والحين صار صعب لو فكر الشاب يتزوج في الوقت الحالي اللي جاي يخطب ابشر برجال يا عمي رد عليه عمه وقال المهر 150000 مية وخمسين الف ... خوذ مثل واحد خاطب وبدو يتزوج هالإنسان المفروض يكون من أسعد الناس بس إذا بتحكي معو بتلاقي عم يحسب حساب الذهب والصالة والضيافة والمهر والبيت والفرش وإرضاء أهل العروس والعروس ووووووووووو... فأي بسط وأي سعادة هي .طبعا هذا مثال من بين أمثلة كثيرة عن تأثيرات حياتية بتغطي على شغلات حلوة. وتجاوز عمر الشاب الثلاثين وهو لسه ماتزوج.... اما زمن اول كانت الحياة بسيطه وكل شي رخيص وميسر ان شاءلله ا كون وصلتلك المعلومه.:) نرجع للزمن اكيد الزمن يتغير لو توقف الزمن عند غيرنا ماوصل لنا.. واسفه اخوي نايف طولت عليك.. واشكرك على تفاعلك مع الموضوع ياليت كل الاعضاء يشاركونا.. |
| الساعة الآن 07:16 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون