منتدى دمعـــة ولـــه

السلام عليكم ورحمة الله وبركاته

اطرح بين ايديكم هالقصيده وارجو انها تنال اعجابكم

][®][^][®][ دلال ][®][^][®][

للدلع اسلوب غيرك يالحبيبة يجهله .. وأنتي استاذة دلع ومعيدة بقسم الدلال

الدلع كنه غدى بأسمك علامه مسجلة .. لك حقوق الطبع محفوظة بلا شك وجدال

والدلال من الصغر وأنتي يابنت مدللة .. أشهد إن أبوك اقدى يوم سماكِ دلال

ليت كل أنسان يحلم حلم يقدر ياصله .. كان والله لآصلك ياحلمي بكل الليالي

انتي شمال أتجاهاتي وقلبي بوصلة .. وين ما وجهت دربي قادني صوب الشمال

من يشوفك ينخطف عقله ويقرى البسملة .. ومو بعيدة لو يهذريبك وياتيه الهبال

لأنك أنتي مذهلة لالا شويّة مذهلة .. إلا آية في الحلا والملح ياشمس الجمال

يعني لارحتي لأي مكان صارت مشكلة .. أدري إنه ماهو منك لأنك بنّية حلال

لكن أنتي جرح إلا شق إلا قنبلة .. طاح سوق أحلى البني بعدك ولا يسون ريال

أتقي عين الحسود وكل ساحر وعمله .. ولاتذبين العباة وألبسي برقع وشال

ودمك الشربات ياخفه وعقلك مثقله .. جامعة مزحٍ وجد وجامعه عقل وخبال

ماخذه من كل شي في البنيات أجمله .. ليش مستغرب؟ كأن لسان حالك جب مثال

بس مثال؟ أبشر أنا بأعطيك عدّة أمثلة .. رغم إني خايف أظلمها وأقصر في الخصال

جب قلم وكتاب وأكتب به هنا من أوله .. الشعر شلالٍ أسود منحدر بين الجبال

وغرّةٍ لمعة سناها تدلل الضايع هله .. وخشم كنه سيف عنتر بالحروب وبالقتال

والحواجب مع بعض كنْها تشكل سلسلة .. والعيون اللي تسولف لي بشيٍ مايقال

والرموش اللي تصيب القلب دوم مسبلة .. وخدها الناعم عليه من الرمش صاير ظلال

وفمها ياويل حالي كن وسطه منحلة .. وريقها الحالي شهد صفاه مبسمها وسال

وعنقها مع رزته دايم يثير الاسئلة .. ووسط مفرق نحرها تلقى جواب لكل سؤال

وظهرها ليّن وناعم والبلا في أسفله .. وصدرغضٍ واقفٍ كنّه يناديني تعال

وخصرها الناحل لشفته قلت أبوها ماابخله .. وإن لمحت البطن ظامر قلت مافيها مجال

بس لامنّك نظرت ردوف كنْها منقلة .. قلت ابوها حاتم الطائي زمانه يارجال

هيه وش فيكم وش اللي صار وش ذالبلبلة .. يمكن إن السالفة أصلاَ خيالٍ في خيال

ولاتزيدوني ترى مانيب ناقص بهذلة .. ولا تضيع السالفة مابين قيل وبين قال

والعذول اللي فضولة في قصيدي مشغلة .. والله إن يبطي عظم ماقول له منهي دلال

وتقبلو تحياتي

حززين الحرف