|
كل عام والوطن بألف خير "78"
السلام عليكم ورحمة الله وبركاته ومساكم الله بالخير
ابارك لكم جميعاً أولاً بمناسبة عيد المسلمين عيد الفطر المبارك بعد ايام قليلة وثانياً بمناسبة عيد المملكة وأحتفالها بيومها الوطني هذه قصيدة وتعبير بسيط عن مافي داخلي تجاه وطني الذي أحتظني منذ ولادتي والذي لم ابرحه ولم استنشق هواء غير وهواءه ولم أعش تحت سماء غير سماءه أبيات متواضعة ولكن عزائي هو أنني مهما حاولت وشحذت هممي الشعرية واستدعيت كل إلهاماتي لن أبلغ نقطة من بحر حبي له وولائي له لكم القصيدة ولي الشرف بالمتابة في وطني
ألف وثلاث ميّة وواحد وخمسين= تاريخ ما ينسى لشبه الجزيرة فيه أتحدنا من بعد فرقة وبين =بحكم المليك اللي حكم كل ديرة أقصد أخو نورة سليل السلاطين= من غيره اللي أقصده مين غيره عبد العزيز اللي رفع راية الدين =بالعزم والعز والسيوف الشطيرة عزم وعمره دون خمسة وعشرين =صغير وعزومة كبيرة كبيرة يرد حكمٍ إنتهى قدله سنين =ويواصل بحكم السعود المسيرة معْه أربعينٍ فعلهم فعل ألفين= كل واحدٍ يسوى لحاله عشيرة من الكويت أقبل إلى قرب يبرين=وعينه على شوفة رياضه سهيرة وبعده هجدها والمخاليق ممسين =وبعد الفجر صاحت صواتٍ جهيرة الحكم لله ثم حكم الميامين=وزال الظلام وجاك منهو ينيره حارب على كل أتجاه وميادين =مايركب البوينج يركب بعيره معه رجالٍ في الملاقا شجيعين=ماهمهم حر اللهيب وهجيره حارب وحارب وأجتهد وأجتهد لين=وحد نجد ثم الحجاز وعسيره ماحاد عن دينه وشّرع قوانين =خلا كتاب الله دايم شويره الله يرحم شيخنا قولوا آمين=يالله عسى جنات ربي مصيره واليوم واليوم مرت له ثمنية وسبعين =وحنا نعيش بوسط عزة وخيره في ظل أبو متعب حبيب الملايين =اللي جمع حوله حشودٍ غفيره شيخ التواضع والدٍ للمساكين =حليف من يشكي الزمان ونصيره بحر العطا بحر السخا للفقيرين=ماجف لو جفت بحورٍ غزيرة يشفق على شعبة ويبغاله الزين=ويحن حتى لو بأمورٍ صغيرة لاقال طال ولاوعد يوفي الدين=يديه في الملزوم ماهي قصيرة مايل عقال وعادلٍ فالموازين=جابر كسير وكاسر له جبيرة يعوين منهو يزعله منه يعوين= من بطش أبو متعب من اللي يجيره صقر العروبة يالخبل أعرفه زين =لاجابوا أسمه فأدع لك بالستيرة أنشهدٍ إنه عندي أغلى من العين=والله يعلم ماتكن السريرة ماني لحالي كلبونا وفيين=لادق ناقوس الخطر مع نذيرة نفدى ابو متعب كبار وصغيرين=لاجردوا سيف الحرب من جفيرة ولأرض الوطن حنا دروعٍ حصينين=والموت أخير من حياة المعيرة حبيت أخلد بالشعر والدواوين =سيرة بطل ماهي مثل أي سيرة مرت على ذكره ثمنية وسبعين =ماأظنها تنسى فشبه الجزيرة وسلامتكم أخوكم الشاعر عبد الرحمن سعد الدوسري حزين الحرف |
حزين
الحرف صح لسانك لاهنت يستاهل الوطن وكل عام وانت بخير والوطن بالف خير |
كل عام والمملكه بخير وعيد وطني سعيد ويوم فخر وعز لكل فرد من افراد هذا الوطن الغالي ويوم عزيز وغالي على كل عاشق عشق المملكه وترعرع حبها في قلبه ,,, ويعطيك الف عافيه حزين الحرف على هذا الموضوع ومو غريب متعودين على مواضيعك المميزه ,,, وسال الله يديم على هذه البلاد نعمه الامن والامان وان يعز حكامها وشعبها وكل عاااااااااام وبلادنا بالف خير |
عندما يكتب شاااعرنا ومبدعنا حـزين الحرف لا يسعناااا سوووى الوقوف والتصفيق له بحراره دمت لنا بالف خير |
عزيزي : حزين الحرف _______________ كلماتك راقت لي ، لأنها خرجت من جوف مواطن أحب بلده حتى العظم وانتهز هذه المناسبة : ان اتقدم من خلالكم ، بأجمل التهاني والتبريكات باليوم الوطني لشعبكم العربي السعودي ولحكومتكم الرشيدة بقيادة : خادم الحرمين الشريفين مع تمنياتنا لبلادكم ، مزيداً من التقدم والإزدهار وكل عام وانتم تنعمون بالأمن والإستقرار 0 دمتم بخير ، وخواتم مباركة |
دمعة وله
يسعدني ويشرفني أن تكوني اول من يرد علي كل عام ووطننا بألف خير |
أخواني اعذروني على التأخير سوف أأجل الرد عليكم إلا ان ارجع من مكة المكرمة
لاتوصون حريص بدعيلكم |
حزين شاعرنا حفظ الله ارض الحرمين وحفظ الله الامه الاسلاميه كلها بادره وطنيه نقيه من شخص يحب وطنه شكرا لطرحك الاكثر من رائع تحياتي وودي حلااااا |
نوف صح بدنك ولاهنتي
الوطن يستاهل اكثر وأكثر لك ودي |
استاذي الشاعر عمر البايح
صح بدنك ولاهنت بيض الله وجهك على هالكلام الجميل لك الشكر الجزيل |
| الساعة الآن 01:42 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون