الاعــزاء....في مجالس العــــز
 

الأعزاء ...في مجالس العز

اهديكم هذه المشاعر المتواضعه

وهي رسالة موجهه لكل صديق لم يراعي حقوق

الصداقه..ويحترم مواثيق الوفاء

اتمنى ان تحوز على رضاكم



حـان الـوداع ولابقـى للعتـب دور. . . . . . الله لنـا وفجـوج ربـك وسـاعـي
دام الصداقه ماهي احسـاس وشعـور. . . . . ماللصداقـه بعـد هااليـوم داعــي
قلبي على المقفيـن ماهـو بمقهـور. . . . . من بـاع للعشـره مصيـره يباعـي
رح واعتبرنفسـك مسامـح ومعـذور. . . . .قلبي على كثـر الخطـا مااستطاعـي
انا علـى فرقـاك بالعكـس مسـرور. . . . .مثلك خسـاره فيـه دمـع الوداعـي
وش عاد لو خاطرك ضايق ومكسـور. . . .مـادام خيبـت الرجـاء والمساعـي
ماكنت اصدق فيـك ياضايـع الشـور. . . . . دايـم وانـا دونـك مكثـف دفاعـي
كانك علـى ماقيـل منهـي ومامـور. . . . . بدري على شـرواك لويـت ذراعـي
فنجالك اللي سقت مـن يـدك منثـور. . . . لاصـار مانتـه للصداقـه مـراعـي
من يخـدم الانـذال ماهـو بمشكـور. . . . . ومن يزرع الصبخا جـداه الضياعـي
تـوّي لقيـت لعلّـة النـذل دكـتـور. . . . . . البعد عـن شوفـه يزيـل الصداعـي
مافيه داعـي ينفضـح كـل مستـور. . . . . عيني تشوف الدرب والقلـب واعـي
نور الحقيقـه بـان والعلـم مخبـور. . . . . شفت السباع وشفـت روس الافاعـي
افلح قبل يضربك رمحي على الزور. . . . وتلقـى شبيهـك ياخبيـث الطباعـي
عين بكت فرقاك تحـرم مـن النـور. . . . لاتنتظـر بعـد الـوداع اجتمـاعـي

عبود على الحدود

الله يعزك ونورت المنتدى

وكفو والله ومافيه اجمل من الصداقه الصادقه

ولاهنت ولاهان من على الطيب رباك

وقصيده رايعه كروعتك يالغلاـــ

لك كل الود

وكن بخير