منتدى دمعـــة ولـــه - يووم ما انساااه طول عمري

في يوم مستحيل انساه >> لانهم فشلوها بهاليوم رحت مع مامي
وحمود ولد اختي ودلوووع البيت وعمره سنه ونص وانا في البدايه
كنت مصره على وجوده حرااااام يكسر الخاطر كل ما شافنا طالعين
تعلق فينا وتم يصيح المهم اخيراً اقنعت امه يطلع معانا الجمعيه كله إلا
مشوار قريب وما بنتأخر وياليت خيتوو ما وافقت فضحني اول ما وصلنا
قلت لمامي انا باخذ قاري خاص فيني وباخذ اغراض تخصني ومحتاجتها
وخذت حمود معاي << وربي ندمت قعدت الف ع الاقسام وحمود ففشلنا
كل أي قسم امره يسحب الاغراض وانا احايل فيه واكلمه بالزين ما يسمع الكلام والناس عيونها علينا (اكيد يقولون هذولا مو شايفين خير موليه) بس
عديناها لحمود هالمره وطول الوقت انا وحمود هواااش لانه عنيد ما ادري
طالع ع منو هذا وانا امشي قربت اخلص الاغراض اللي جايه مخصوص
عشانها لاني ادري بها الماما مستحيل ترضى تاخذها لي لو وصيتها عليها
وكانت محتويات القاري 2 علبه سيريلاك بالقمح << جنوني وكولا وجالكسي وسنيكرز << متعتي وادماني وبرنقلز وكورن فليكس وآخر شي
سبب زعلي وفضيحتي في الجمعيه اخذت علبة آيس كريم بعدها تذكرت اهم شي مصاص بعلك رحت اخذت علبه لاني احبه وخاصه بنكهة الكرز
يااااااي روووعه لما خذت العلبه بحطها بالقاري صرخ حمود مميه >> يقصدني عصبت وكلمته كأنه عوود يفهم قلت له قصر حسك فضحتنا طبعا حمود ما سوا أي عتبار لكلامي وسحب مني العلبه وقال مالي عصبت اكثر
وسحبتها منه ضرب ايدي تنرفزت كله ولا المصاص ياخذ القاري باللي فيه
إلا المصاص يتركه دنيت له همست حبيبي تبي حواوا >> شرات ما يقولها
هز راسه بمعنا ايه قلت له عطني ايدك ماصدق مد ايده بغى يبط عيني عظي صبعه وقلت ترى اللي تسويه غلط >> مسكين ما يفهم طاح بيدي
فاجأني برفسه برجوله ع بطني جد تعورد ودزيت القاري بعيد من الالم في
نفس الوقت كنت اسمح ضحكة واااحد يمنا انا كنت ملاحظه من دخلنا وهو
ماشي ورانا لكن قلت حراااام يمكن قاعد يتشرى حاله حالنا بس اتضح لي
العكس انه ماشي ورانا ويضحك ع فضايحي انا وحمود والدليل انه شغلته
ماشي ورانا وماشي اغراض معاه شنو يبي من الجمعيه ما ادري طنشته ورحت اراضي حمود اللي فضحنا ولم علينا الناس وصياحه آخر الشارع
واصل فتحت العلبه مع اني للحين ما دفعتها فشيه >> احسن عشان تضطر
مامي توافق اخذها طلعت له حبه وعطيته اياها حذفها بعيد وعطاني كف وانا اللي كنت ببوسه اراضيه خلاني اندم فشيله واخيرا سكت ورضى بعد
ما فضحني وتحلفت فيه ما آخذه معاي مره ثانيه توووبه شوي إلا مامي
جايه ع حس حمود لما شافت اغرض بنتها اللي جايه مخصوص عشانها
سوت لي محاضره طويله عريضه انتي كبرتي على هالاشياء وهاذي للي
بعمرحموود ومتى بتكبرين فلشتيني وين اودي وجهي من الناس وامرتني
آخذ غيرها ولا ما بتخليتي آخذها قلت لها على بالي بترضى انا اللي بدفع
ليش معصبه ومايخصني بالناس زعلت وقالت انتي تدرين اني ما رفضتها
لاني اللي بدفع ما تشوفين اللي قاعده تسوينه فشليه منتي ماخذه منها شي قدامي اشووف >> هنا احترق وجهي كيف ارجعها انا بحياتي بهالموقف
كله من حمود الخايس قلت لها بترجي مامي انتي تدرين اني اقدر ادفع قيمتها دبل خليني آخذها هالمره ما تشوفين الناس اصرت ما بتحرك من
هنا إلا لما ترجعينها يعني ماشي فايده كنت بدفعها وباخذها ركض السياره
قبل تشوفني مامي بس كله من حمود اوريه قلت لها وهذا آخر امل انها ترضى مامي تدرين بيقولون رجعتها لان ما معها تدفع رفضت طلعت
معصبه وماده البوز شبرين وتركت حمود والقاري وحذفت المحفظه ع الارضوقلت اخذيها مالي فيها لزمه دام ما اقدر استفيد منها وآخذ اللي بخاطري وطلعت كانت تناديني بس طلعت لاني عارف ما بتسمح لي آخذ اللي ابيه والله مو انا الوحيده اللي تاكل هالاشياء صحيح ان بعضها مخصص للاطفال بس شسوي اموووت فيها واعرف كثير شراتي بس
وين تصدق مامي لما وصلت السياره ما لقيت الدريول الخايس اكيد شاف
شلة بو هنود وراح معاهم مطعم او ما ادري وين ذلف جلست ع الصيف
تقول طراره طاردينها تميت اصيح من الاحرج من الموقف اللي حطتني
فيه مامي وحمود وقلت الحمد لله اني لابسه نقاب وما شافوا الناس تعابير
وجهي وطال انتظاري ومامي والدريول لاطعيني برع بالحر إلا واسمع
حس واحد كاتم الضحكه وكأنه موجه كلامه صوبي قالي خل اخوج يرحمني تراه عذااااااب وخاصه لين عصب بس ياليت يعطيني فيس وما
يعظني هنا ما قدرت استحمل قلت له بدون ما اطالعه انت ما يخصك واذلف
عني وخلني في حالي >> وهذا شنو عاجبه في حمود العله والله لو يقعد معاه شوي يغير رايه بيطفشه رد الحقير قالي طيب ليش تصيحين الاهل
مشو عنك تبني اوصلك >> اووونه ما يدري ولا قاعد يتطنز حضرته ما رديت عليه لانه بيمصخها معاد إلا هي يوصلني رحت ركض ووقفت عند
سيارتنا وأخيرا وصل الدريول برد حرتي فيه هاوشته ليما صدع راسه وما
قام يرد علي ههههههههه ادري اذيته لكن من القهر وزادها هذا اللي يستخف دمه قال ايش حمود عذاااب استغفر الله ما ابي ادعي عليه ومن
هذاك اليوم تووبه ما اروح مع مامي او حمود لو يموت من الصايح ما باخذه خله يتوووب عن حركاته البايخه والله ما انحسد ع الموقف اللي
حطتني فيه مامي وحمود وما اتمنى يصير لاحد وربي فشيله .. بس احلا
شي صاار رغم كل هذا ان مامي فاجأتني انها جابت لي الاغراض اللي
كانت رافضه آخذها شكلي كسرت خاطرها ادري ما اهوون عليها >> احلا
يالواااثق ههههههههه فديتها مامي والله لا يحرمني منها ومن الحره ما عطيت حمود ولا مصاص وتم يبكي يستاهل اللي سواه فيني مو شويه