|
ˆ° قالت غشيمة °ˆ
السلام عليكم ورحمة الله وبركاته
اطرح بين ايدكم هالقصيده وكلي امل ان تنال اعجابكم °ˆ~*¤®§(*§*)§®¤*~ˆ° قالت غشيمة °ˆ~*¤®§(*§*)§®¤*~ˆ° قالت غشيمه في الهوى وانت دكتور ..............وابيك تشرح لي عن الحب كلمات هل فيه للعشاق والحب دستور ..............منهاج عشق ٍ ثابت ٍ طول الاوقات وابيك تشرح لي عن العدل والجور ...............والبعد هل هو في بعيد المسافات قلت الهوى لعبه وكل ٍ وله دور ...............والفايز اللي مايجي فيه صدمات احد ٍ يعيش الحب ضحكات وسرور ...............واحد ٍ يعيشه هم واحزان واهات قالت يقولون الهوى كله بحور ...............قلت اي نعم هذي حقيقه لها اثبات ان الهوى راعيه في بحره يدور ...............يبغى السلامه مير مامن سلامات راعي المحبه طول الاوقات مقهور ..............ويشاف في خده من الحزن دمعات قالت واذا حبيت لي شخص مغرور ...............مثل الذي نقرا عنه في الروايات ابيك تعطيني نصيحه ومشكور ..............تراي اخاف من الهوى والعلاقات قلت الغرور يحوّل الحب لقبور ..............مثله مثل من يعشق انسان قد مات والحب وش هو غير احاسيس وشعور .............واحساس غامض يربط الذات بالذات وقلبين ينبت وسطهن ورد وزهور .............ووقت الوصل تصبح حـدايق وجنات وساعة جفا في حسابها عدة شهور ..............والثانيـه عنـد المفـارق بسـاعـات وسكت ماكمّلت يوم ٍ بدا النور ...............واشوفها مني تدنّت بخطوات قالت علامك قلت يابنت مجبور ..............من جرّب الفرقا يجي فيه لوعات قالت مفارق قلت عاشق ومهجور ............وشوفي على خدي من الدمع رسمات قالت اشوفك خاطرك دوم مكسور ...............ودايم عن الفرقا تغني لك ابيات قلت ايــه خلّي خافي الحال مستور ................انا تراني عايش ٍ في معانات ياما بنيت من الهوا صرح وقصور ..............وانهـدّ كـل اللـي بنيتـه بلحظـات لكن تراي انسان منهي ومامور .............ولانيب ندمان ٍ على كل مافات وان كان ودّك في الهوى نبني جسور ............واعيش من عقب العذاب المسرات قالت غشيمه في الهوى وانت دكتور .............وابيك ترسم لي طريق البدايات وتقبلو تحياتي حززين الحرف |
رد: ˆ° قالت غشيمة °ˆ
احد ٍ يعيش الحب ضحكات وسرور واحد ٍ يعيشه هم واحزان واهات الله الله الله على الابداعات يالغالي صح لسان قائلهـا وسلمت يمين ناقلهــا لاهنت يالغالي يعطيك الف الف عافيــة لك خالص احترامي وتقــديري |
رد: ˆ° قالت غشيمة °ˆ
راعي المحبه طول الاوقات مقهور ..............ويشاف في خده من الحزن دمعات قصيـــــــده جميلـــــه وصــــــــــــــح لسـانك وما قصـــرت اخوووي على القصيده الرائعه مثلك وانا اشهد انك شاااعر :thumbs_up: |
رد: ˆ° قالت غشيمة °ˆ
اقتباس:
يعطيك الف عافيه |
رد: ˆ° قالت غشيمة °ˆ
الله يعطيك العافية
أنا عاجزة عن وصف هذه روعت كلماتك والدقة في كتابتك وأنا معجبة جدا بإختيارك لعذب معاني كلماتك |
رد: ˆ° قالت غشيمة °ˆ
قالت اشوفك خاطرك دوم مكسور
...............ودايم عن الفرقا تغني لك ابيات قلت ايــه خلّي خافي الحال مستور ................انا تراني عايش ٍ في معانات صح لسانك اخوووي حزين ابيات جميله تقبل مروري |
| الساعة الآن 03:54 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون