منتدى دمعـــة ولـــه - لا ردك الله ولا اطلب تردين

قصيده قرائتها واعجبتني

وحيبت انقلها لكم

.


	لا ردك الله لا ولا اطلب ترديــن=ادعي عليك بعثرة فـي صلاتــي عثرة تشلك ما بعــدها تقـوميـن=يا قاتلتـني يـوم صـرتي حياتـي خدان لك بالقلب كانت بسـاتـيـن=وريضان وغصونا بها يانعـاتـي كنتي منـاة القـلب والروح والعين=واليوم عينك يعلها ما تباتــــي كنت أحسبك للعهـد والحـب توفيـن=قـلتي الغدر بالحب ماهي بسواتــي وحلـفـتي يـمـين الله ما منك اثنتين=وانك ملاك دون كل البناتــــــي وانـك عـلى عـهـد المـودة تسيرين=ولا تسـمـعـين أهل الحسد والوشاتـي وصـار اليميـن ستـار خلفـه توارين=ورماح غـدرك بالخفـا مشـرعاتــي وبـان الغـدر سم جـرى بالـشراييـن=الله عـسـى يسقيـك سـم الفعاتــــي كـلي سـقيـتـك حـب واليـوم تنسيـن=تقـوليـن حلـم ايام واليوم فاتـــــي اخـذتـي الهـوى لـعبه عـلى ما تحبين=لـيـن اعـصفت بالهوى عاصفاتـــي مـن زينـك يا بنـت بالشعـر تزيين=من صـورك بابياتـه الطايـلاتــي انـا مـن غـرامي قلت كانك تذكرين=قـلـت الخجل صاب البدر من مناتـي وصـرتي بشـعري في العذاري تباهين=تقـوليـن انا شمس العصـر في حلاتي زينتـك بشعـري ولا غربـك الزين=ما زانتك صبغات حمر الشفاتــــي صـورتـك بالشعـر حزام ورياحين=واثرك هـضاب وشوك ما به هداتـي رسمتـك سحـابه خيـر قطـر تنفين=فزت لك الصحراء زهور ونباتـــي رسمتـك مـهاه للـجميلـه تـقـودين=واثـرك قطيعـه وضيعتهـا الرعاتي واثرك غراب يوم سدل الجناحين=كنت احسب اني شايف لي قطاتي بالشعر غليتك على كل غاليين=واثرك دنيه وتعشقين الدناتـي وبالشعر عـاتبتك عتاب المحبين=انا من يسوم الروح لك يا غناتـي توسلت لك خايف على حب عامين=عاميـن لكن في حسابي مئاتــي ناديت لكن لي ابد ما تسمعين=عمري وروحي فكري في ثباتي حذراك للشينات عمري تماشين=عـديمات اصل اخلاقهن دانياتي غاب الولي عنهن ولعبن بحبلين=يـا خـس واليهن وخس الولاتي ما همهن في الناس زين ولا شين=وقـلوبهـن من حقدهن مظلماتي وقلتي وربك لو يكونا ملايين=ما غيرن بالطباعهن من سماتي تحسبيـن انك بالمهافه ترقين=كيف الصعود يكون للهاوياتي وخنتي وبعتي كل عهد وايامين=ما عاد يفرق بين ماضي واتي وصرتي مثل غيرك برخص تبيعين=يا مرخصتني ما بقى لك غلاتي صبري نفذ واليوم ثارت براكين=مظلوم انا وباكر تحل ادعواتي سمعي عسى من بعدها ما تسمعين=سمعي دعا من صار قلبه حصاتي ادعي عسى من ناضرك ما تشوفين=وتطحن بك الايام طحن الرحاتي وعساك عوق منه ما عاد تبرين=عوق تشافق له قلوب العداتي ويالله عسى يحتار فيك المداوين=تبين الممات ولا يجيك المماتي ويالله عسى كف الندامه تعضين=تندمين يوم انه يفوت الفواتي وتبكين دم يسيل من مقلة العين=وتحتار امك عن عناك وتحاتي عسى ما تلاقي من له القلب تهدين=وان حصل ادعي عساك الشتاتي يا بلوة اللي وسط بيته تعيشين=ساهي وحوله شب جمر الغضاتي عسى بعمرك ساعه ما تهنين=وتمضي حياتك بين هم وشقاتي يا بنت قلبي وين مثله تلاقين=قلبا عطاك الحب ما قال هاتي جيتك وروحي شلتها لك بكفين=وفي التاليه رمح الخيانه جزاتي يالله عساك النار يا أم وجهين=كله انكشف لا ما تفيد العباتي ويالله عسى تلبسك جن وشياطين=وتكونين مدعاة الحكي والشماتي يا حية رقطا تقود الثعابيــن=باكر تحن ايامك المعتمـاتي وباكر على فعلك بمثله تجازين=ظلم المشاعر ما تحكمه قضاتي بيني وبينك تحكم ايام وسنين=وانا شاهدي قلبا من الغدر ماتي ويا دمعة التمساح لالا تذرفين=العيون رغم ادموعها كاذباتي لا ما عرفتي الحب لا ما تحسين=وغدرك تعدى غدر ذيب الفلاتي الذيب يعوي قبل يغدر بمسكين=وانتي غدرتي خافقي في سباتي لو كان غدرك في كفوف الموازين=لكان رجح كل غــــدر البناتي انتـي السبـب سقتـي على القلب جرحين=غدر الغرام وموجع الذكرياتي وانتي السبب واليوم لالا تلومين=وان جاك باكر شوفي اشلون يأتي والله لاكتب وافضحك في دواوين=وارقص واغني يوم خبر الوفاتي وارسم لاهل العشق قلبا وسهمين=وقصة خيانه ما روتها الرواتي ويمين لانشر فوق اسمك عناوين=واشهرك من قاصي اليمن للفراتي ومن غرب هالدنيا الى قاصي الصين=ديوان غـدر فيه كل اللغــــاتي والبادي اظلم سنة العين بالعين=والا فذي لا عادتي ولا صفاتي ويا شبه انسانه برأس ورجلين=اعوذ بالرحمن منك بصـــلاتي