منتدى دمعـــة ولـــه - في كفها خاتم وفي خدها خال

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - في كفها خاتم وفي خدها خال (https://www.dm3twlh.com/vb/showthread.php?t=8846)

في كفها خاتم وفي خدها خال

http://3arabstar.info/up/uploads/24c13d8012.jpg
في كفها خاتم وفي خدها خال ..
.. وفي عينها غيم وعمارات وبيوت
الخال شفته واضحٍ من ورى الشال ..
.. والخاتم الماس مرصع بياقوت
http://3arabstar.info/up/uploads/25f4c10c44.gif
والعمر في العشرين كني مانيب زال ..
.. والجسم كنه من جبل ثلج منحوت
جبل ولكن لا طرقه الهوى مال ..
.. وخطواتها ماهي بالأمتار بالفوت
ماهي تشوف الشمس من ظل الاظلال ..
.. ومصيافها ما بين لندن وبيروت
http://3arabstar.info/up/uploads/b832f1c247.jpg
الشمس لو تشرق على جسمها سال ..
.. كنها مجسم مهلبيه وبسكوت
ومن صغر مبسمها شقى حالها الحال ..
.. ما تاكل الا اللوز والخوخ والتوت
ماهي تشوف الناس تمشي وتختال ..
.. ومرٍ على جاكور ومرٍ على حوت
وخدامتين وهي بلا زوج وعيال ..
.. وسمعتها تدعي الدريول يياقوت
وثلاث جوالات ماهو جوال ..
.. ومن يوم خلقت كل شيٍ بريموت
لكن قلبي مالها فيه مثقال ..
.. وش قرب البشت الحساوي من الكوت
ياجعلها للي خذت قلبي نعال ..
.. اللي غلاها عندي الشرب والقوت http://3arabstar.info/up/uploads/345707af4e.jpg
حوريةٍ من فوقها الليل شلال ..
.. كنها صبحٍ فوقها الليل مكتوت
قلبي لها من كثرة الشوق مشخال ..
.. وللسر عن كل المخاليق تابوت
تنحت لي من الحب في القلب تمثال ..
.. وحبي لها ينحت على الساحه بيوت
في عينها ماكل رجال رجال ..
.. وأقصى حدود الوصل في سلمها الصوت
زودٍ على القلب وعلى الحسن من آل ..
.. روسٍ لهم روسٍ على متونها بشووت
الى رضت موتوا يا أهل روس الأموال ..
.. وإلى زعلت جربت وش سكرة الموت
من دونها رجلي وراكب وخيال ..
.. والسيف والأمواج والبحر والحوت
http://3arabstar.info/up/uploads/de842a57fc.jpg