|
أنا والحلم الجميل.....
السلام عليكم ورحمة الله وبركاته شلووونكم شباب وصبايا هالحلم له قصه قبل يومين كنت بالشات ووقت مابي اطلع الصباح انام دعي علي الكمبودي اني احلم بهالشخص ومن يومين وانا احلم فيه صار نومي كله مسلسل للحلم ذا كل يوم جزء خخخخخخخخخ كنت نايمه بعمق حسيت بحد يمشي بالغرفه بعدها جلس عندي يلعب بشعري..يمه منو عندي خلني افتح عيني..فتحت عيوني شوي شوي وانصدمت من اللي شفته فتحت عيوني للأخر ينقال مو شايفه خير كان جميل بشكل اقدر اسميه ملاك...الله ياحلاته عيونه وساع لونها عسلي ورموشه كثيفه خشمه مسلول مثل السيف يهبل شكله وهو سرحانه...لا لاتنتبه لي الحين باقي ماتأملتك...قال لي بصوت كله رقه ذوبتني... ...:أخبارك ياعسل.... لا ماتحمل ذبت ياناس حد يلحق علي..رديت عليه..انا بخير بس منو أنت وأنا وين... .....:انا فهد وانتي بأمان هنا.... انا:ههههههههههههههههههههههههههه...شو بأمان شكلك تشوف افلام اكشن كثير يالله اخ فهد لاتمزح انا وين وانت شو تسوي هنا....لحظه صدق إني خبله مع واحد بهالجمال وأسأله انا وين غبيه لو افكر اتركه وارجع عند ازعاج أخواني وهذا ضربني وهذا ماادري شو عمل معي...ليش تغيرت ملامحه شكله زعل...قام من مكانه وراح للباب وقال وهو طالع... فهد:بعد نص ساعه بتجي وحده تدلك على غرفة الطعام بنتظرك نفطر سوا... امبببيه وين راح واي فطور والدنيا للحين ظلام....قمت من السرير اكتشف الغرفه اللي انا فيها ذوقه راقي ديكور الغرفه يهبل ...فتحت الباب الثاني الموجود بالغرفه وكان حمام((أكرمكم الله))بس شو جمال كان ودي انام فيه الله اغراء كل كريمات الجسم موجوده تغري الواحد غصب ياخذ شور...بس خساره ماعندي ملابس غير اللي علي...فتحت الدولاب الموجود بالغرفه وااااااااااااااااااااو كان كله ملابس شكله مجهز كل شي لي...بس شو السبب مو مهم الحين باخذ لي شور واستعد ما بقى وقت...بعد نص ساعه تقريباً سمعت صوت عند الباب وشوي دخلت وحده وهي تبتسم..للحين ماخلصتي فهد ينتظرك تحت... رديت عليها وانا اكمل تمشيط شعري اللي مايتعدى كتوفي:خلاص خلصت بس اكمل تمشيط شعري<<<من طوله عاد المهم جلست تطالعني وهي تبتسم وانا شفتها فرصه قلت لها بتردد.انا وين...ابتسمت لي وقالت بتعرفي بالوقت المناسب يالله تعالي...قمت معها وانا اقول بنفسي شو هالورطه صدق هو حلو ووسيم بس لازم اعرف انا وين موقعي على الكره الارضيه....طيب لو سمحتي انتي منو...ماردت علي لاننا وصلنا لغرفة الطعام....ماكانت فخمه بس كان اثاثها يدل على ذوق راقي...هذا هو فارس احلامي صدق خبله شو فارس احلامك انتي بعد..كان جالس على كرسي من كراسي الطاوله وينتظرني..اشر لي اجلس على الكرسي اللي على يمينه وجلست انا بكل هدووء...فهد ممكن اعرف انا وين... رد علي بإبتسامه:انتي بعالم الخيال....وقبل لا ارد عليه كمل..بتعرفي كل شي بالوقت المناسب...سكت وبيني وبين نفسي اقول مايهمني شي دامني جالسه معه خلني بس اشبع عيوني من شوفه ماادري متى تنتهي هالمتعه....دخلت اللي كانت عندي ومعها وحده ثانيه حطوا الاكل قدامنا ووقفت بس الاولى...اكلهم شكله مشهي..يمممممم يممم يهبل طعمه...بس اللي صدمني الكاس اللي حطته قدام فهد وعععععععع شو ذا ياربي برجع اللي اكلته.....صرت اطالع فيه وانا شوي خايفه ماصار أمان بعد ماعرفت حقيقته...انتبه لي وابتسم.. فهد:لا تخافي مابأذيك... انا:فهد انت...رد علي..ايه انا دراكولا...بس صدقيني مابأذيك انا مسالم...وقبل لا أسئله شي ثاني قام وطلع من الغرفه وهو يقول...إذا خلصتي اكل اطلعي غرفتك ولا تطلعي منها لين مااجيك..... إذا عجبتكم بكملها.... محبتكم بـسـمـه |
بسومه يادبه ايش هذي المواهب
اقول كمليها بسررررررررررعه على قولك بليييييييييييييييز ض4 حنووو |
السلام عليكم ورحمة الله وبركاته هلا قلبوووووو مشكوره على مرورك والحمد الله انها عجبتك إن شاء الله بكملها الفجر محبتكم بـسـمـه |
يسلمــــــــوو سر على الابداااع والدقه في التصوووير ماااشاااءالله عليك
اكيد اختـــــــــي بتعجبنااا كلك ذوووق يعني لاتطوولي علينااااا في الجزء الثااااني خخخاااي تسلم يمنــــــــــــــــــــــااك لاعدمنـــــــــــــااك والك مني كل الاحتراااام والتقدير *** |
اختي بسمه الله يعطيك الف عافيه قصــه بغايه الروعــه انا انسجمت مع الاحداث لان كل مواصفات بطل القصه تنطبق علي الا شي واحد خرب وناستي الأســـم اهي اهي اهي كمليها والله يقويك تقبلي احترامي وتقديري |
السلام عليكم ورحمة الله وبركاته لعيوون الغلااا مشكوووور على مرورك والحمد الله انها عجبتك بس منو سر مااعرفها <<<<بتنكر نفسها خخخخخخخخخخخخخخخخخخخخخخخ إن شاء الله بينزل الجزء بعد دقايق محبتكم بـسـمـه |
السلام عليكم ورحمة الله وبركاته الأمير يعافيك ربي يالغلااا مشكوووووووووور على المرور وبالنسبه لكل المواصفات تنطبق عليك يعني انت دراكولا ههههههههههههههههههههه محبتكم بـسـمـه |
السلام عليكم ورحمة الله وبركاته الجزء الثاني... اووووووووف الحين صار لي مده طويله انتظره شفيها لو طلعت من الغرفه.... ياربي مليت وقفت قدام شباك الغرفه المنظر يهبل من هنا على امتداد البصر ارض خضراء وفيها ورود بس لو انزل اتمشى فيها احسن من هالملل نمت على الكرسي الموجود بالغرفه بدون مااحس... فهد:غلوو قلبوو قومي... انا:هممم بنام لحظه...اوبس هذا صوت فهد وفزيت من مكان مثل اللي قرصها شي وانا اعدل شعري...من متى وانت هنا... فهد:من شوي...تعرفي انك حلوه حتى وانتي نايمه...ااااااااه ياقلبي لاتبتسم والله اذوب..صار وجهي الوان الطيف من الخجل...كمل..والله ما اجامل ماحبيتك من شي بسيط..انا فتحت عيوني للأخر يحبني يافرحتي ياقبوو وانا اموت فيك مو بس احبك بس ماابي اقول له لازم اثقل..يؤؤؤؤؤ انا نسيت إنه دراكولا شلون يحبني..قلت له بكل تردد..بس انت دراكولا.. فهد وهو مستغرب:ليش لدراكولا ماله مشاعر وأحاسيس.... انا:مو قصدي بس انا بشر عاديه وانت...قاطعني عندي حل لكل شي ياعسل...شرايك تطلعي معي نتمشى بالحديقه....انا نقزت بحضنه من الفرح إيه الله يخليك والله بموت من الملل.. فهد:جعل الموت لعدوينك يارب انا شلون اعيش بدونك....سكت لانه صج صار يحرجني كثير...نزلت معه وجلسنا نتمشى بالحديقه ونسولف ونضحك.. شلون دراكولا والله مو باين ياقلبووو احسه عادي...اقول فهوودي<<<ادلعه بعد منو قدي خخخخخخ.... رد علي بإبتسامته المعتاده:ياعيون فهودك انتي... انا:لا ولا شي.... فهد:اقول غلا...اليوم عندي سهره بالبيت وابيك تكوني نجمة السهره ابي الكل يعرف حبيبتي منو..بعرفك على بعض الاصدقاء... انا:بس ماعندي فستان مناسب؟!!!... فهد:ههههههههههه دام معك فهد لاتشيلي هم شي...يالله روحي الغرفه واجهزي...اوقات صج احس اني ماافهمه شلون يقول عنده الحل وبعده يقول اطلعي اجهزي من وين اجيب.......ياقلبووو يافهووودي ويلوموني ليش أحبك...مجهز لي فستان لون عسلي لو بقول روعه مااوصفه..اخذت لي شور ولبست الفستان والاكسسوار اللي كان مجهزه لي وتركت شعري مفتوح بشكل غجري وحطيت بس قلوس لون بني فاتح وايشدو خفيف لو عسلي وكحلت عيوني.... فهد وهو يصفر:رووووووووووووعه هذي حبيبتي الله يحميها... انا كنت انزل من الدرج:شرايك... فهد:قلت لك قمر وغمز لي..أخاف اللي يشوفونك اليوم يحسدونك... جلست اسولف معه لين ماوصلوا الضيوف..أشكالهم كانت غريبه شوي صدق اللي يشوفهم يعرف انهم دراكولات مو فهوودي قلبوو...كان يعرفني على اللموجودين وكل من شافني صار يسأله منو اللي معك يقول لهم حبيبتي.... ....:اقول غلا انتي من متى تعرفي فهد اول مره اشوفك معه.... أنا:مو شغلك والحين بالاذن فهوودي يأشر لي...ومشيت من عنده ورحت لفهد اللي ميت ضحك... فهد:خطيره حبيبتي خلك كذا مثل ماوصيتك... انا:بس انا خايفه إنهم يعرفون إني مو دراكولا... فهد وهو يضمني شوي ويمشي معي:لا تخافي وانتي مع فهد.... طول السهره كنت مع فهد لو بعد عني شوي بسرعه الحقه وامسك يده وهو يضحك.. اليوم الثاني على الغداء كنت جالسه معه ناكل.. فهد:شرايك بالسهره امس.. انا:حلوه بس اللي ماهضمته هذا اللي كان يكلمني مااعرف حتى اسمه والثانيه اللي كانت تتميلح قدامك... فهد:هههههههههههههههههههه...قلبوو تغاري...انا طبعاً سكت صدق ليش ماعجبتني يعني فعلاً مثل ماقال اغار عليه...ايه اكيد اغار هو حبيبي..طالعت فيه وكان يتأملني..نزلت راسي ومارديت عليه وهو ضحك....بعد يومين بلغني فهد انه طالع لعمل بليل ويمكن يتأخر...طول الوقت وانا خايفه بس اللي كان يطمني الخادمه اللي دايم تكون معي مثلي من البشر مو دراكولا كنت ارتاح معها...سمعت صوت ازعاج بوقت متأخر وكنت ابي انام وقتها نزلت من الدرج شوي شوي بشوف منو بس انصدمت بثلاث دراكولات يكلمون الخادمه إنهم بيدخلون وكانت اصواتهم شوي عاليه..انا من الخوف رجعت اجري للغرفه واتوقع سمعوا صوتي حسيت حد يمشي على الدرج وصلت غرفتي بسرعه وقفلت الباب...فزيت من مكاني متخرعه وانا اسمع حد يدق على باب الغرفه صرت ابيكي وانادي فهد...وينك يافهد لو انت الحين موجود ماكان صرت بهالموقف...شو يبون اكيد عرفوا اني مو دراكولا....وشوي انفتح الباب وانا وقف قلبي من الخوف جلست على الارض بزاوية الغرفه وغطيت وجهي بإيديني وصرت ابكي بصوت عالي وانادي فهد..... تتوقعون شو بيصير....إذا عجبكم هالجزء بكملها.... محبتكم بـسـمـه |
بسوووومه
يعطيكِ العافيه يالغلا في انتظار باقي الاجزاء على احر من الجمره حنووو |
اختي بسمه كمليها والله يعطيك الف عافيه تقبلي احترامي وتقديري |
يسلمـــــــــووو بســــــــــــوومهـ بس يالله طولتي عليناااا <<<<<<<<<<< بيشووف النهاايه متحمس معاااااك يعطيك الف عاافيه والك تحياااتي *** |
السلام عليكم ورحمة الله وبركاته شكراً على المرور استعدوا الجزء ثواني وهو موجود محبتكم بـسـمـه |
السلام عليكم ورحمة الله وبركاته الجزء الثالث.... ...:غلا شفيك؟!!! رفعت راسي شوي شوي وانا ادموعي اربع اربع على خدودي ويافرحتي باللي شفته بدون شعور ضميته وابكي...فهد الله يخليك لاتخليني بروحي..كنت خايفه انهم عرفوا اني مو مثلهم... فهد:قلبووو شفيك..ليش هالخوف صار شي.... انا:كانوا تحت ثلاث اصواتهم كانت عاليه....وقفت عن الكلام لانه افجر بالضحك.. ليش تضحك؟!... فهد:اللي تحت انا وناصر اللي ماهضمتيه والثالث واحد اسمه طلال كان معتذر عن الحفل... انا بعد ماهديت شوي:طيب ليش اصواتكم كانت عاليه... فهد وهو يلعب بشعري:ياطويلة العمر كنا تونا راجعين من مهمه ونتناقش فيه... انا بعدت عن فهد شوي وضربته على صدره:وقفتوا قلبي بأصواتكم حرام عليكم.. فهد بعد ماضمني:سووري قلبووو ماانكررها.... جلس يسولف معي وانا من التعب نمت وهو يسولف.... اليوم الثاني نزلت افطر وكان فهد ينتظرني...ااه ياويل قلبي ماادري شلون اعيش بدونه والله أحبه....صباح الخير فهووودي.... فهد:ياصباح المحبه والغلاا...شلونك غلوو اليوم... انا:تمام....اممممممم الفطور يهبل اليوم.... فهد:غلا اليوم طلال عازمنا على سهره...انا وقفت أكل وشوي وتدمع عيوني...بس انا فهد ماابي اروح سهرات...والله طول الوقت اجلس برعب... مسك يدي وهو يبتسم:ومنو قال لك في حد...انا شفته وانا مستغربه كمل..ايه مافي إلا انا وانتي وطلال وكمل وهو يبتسم وناصر ماننساه......اوووووف وهذا لازم يكون موجود...أقول فهد... فهد:ياعيون فهد... أنا:وهذا ناصر لازم يكون موجوده؟... فهد:ههههههههههههه..ايه اوقات يكون دمه ثقيل بس والله طيب... أنا:اوك الله يعيني عليه..متى بنروح... فهد وهو واقف:بنروح العصر...يالله قلبووو بكمل اشغالي ونتقابل وقت الغدا... اممممم الحين لي قريب الشهر عند فهد وللحين ماخبرني انا وين متى بيجي الوقت المناسب اللي يقول عليه...والله أشتقت لأخواني وإزعاجهم لو موجود على الاقل تلفون أكلمهم...العصر لبست وانتظرت ورحت مع فهد لبيت طلال..لفت انتباهي قبل ادخل البيت كوخ مو بعيد عن بيت طلال...استقبلنا طلال وزوجته احلى استقبال وارتحت لهم من شفتهم وجلسنا نسولف... طلال:وأخيراً شفناك يا غلا...مانلوم فهد يوم حبك... انا نزلت راسي من الخجل وبس ابتسمت له...بعد ماجا ناصر طلعوا مع بعض لعمل وانا جلست من زوجة طلال... أنا:مها...اممممم...شو هالكوخ اللي قريب من بيتكم...استغربت يوم شفت نظرة الخوف بعيونها وقال لي..الله يخليك غلاا لاتفكري تروحي هناك.... أنا:ليش؟... مها:غلا حبيبتي لا تروحي هناك وخلاص...سكت عنها وأنا فبالي خطه لازم أعرف شو هالكوخ ماتكون الحياة حلوه بدون مغامره...رفعت راسي شفتها متوتره ابتسمت بخبث..مها خلاص مابروح شفيك... ابتسمت لي واستأذنت إنها بتجهز العشاء.... وااااااااو الحين بنفذ مغامرتي..اتسحبت شوي شوي حتى ماتحس فيني وانا طالعه.. كنت خايفه لأن المكان كان مظلم شوي بس المغامره كانت مسيطره علي وقتها.. كل ماقربت من الكوخ زاد حماسي اني اعرف شو موجود..فتجت الباب شوي شوي وكان في نور ضعيف...دخلت كان الكوخ مو مرتب اللي يشوفه يقول اللي فيه لهم ألف سنه مانظفوه...حسيت بحد وراي لفيت ومت من الخوف قبل لاتحرك او حتى اصرخ مسكوني وأنا أنادي فهد لأنه اللي يقدر عليهم.... تتوقعوا منو اللي شفتهم....اذا عجبكم هالجزء بحط لكم الجزء الأخير.... محبتكم بـسـمـه |
بسمه
وربي قهرتيني ليش مانزلتي الجزء الاخير مره وحده ماعندي صبر ض8 يعطيكِ العافيه يالغلا وتسلم الايادي على القصه المشوقه في انتظار الجزء الاخير حنووو |
بسمة قلبي كمليها بسرعة <<< اول مرة تتحمس مع قصة طويلة مشكورة يا مبدعة |
السلام عليكم ورحمة الله وبركاته حنوووووووو & علووووي شكراً بنات العم على مروركم والله لايحرمني منكم الجزء بينزل الحين محبتكم بـسـمـه |
السلام عليكم ورحمة الله وبركاته الجزء الرابع والأخير.... ماادري شو صار حسيت كل شي حولي بدأ يدور ومو قادره اركز على شي اسمع أصوات كثيره حولي....اااااااااه وينك يافهد...فهد والله أحتاجك تعال...صج ندمت إني تسرعة وقمت بهالمغامره أحس إني مختنقه..ااااه بموووت ماقدرت أتحمل غمضت عيوني...فهد..هذا صوت فهد متأكده....يالبىىى قلبه هذي هي ايدينه اللي دايم تحميني...ياحلو ضمتك يا فهد.... فهد بصوت كله خوف وحب بنفس الوقت:غلا....حبيبتي ردي علي... أنا ماقدرت أرد عليه بس فتحت عيوني بشوفه.. ماقدرت أشوفه عدل من التعب ورجعت قفلت عيني..ياروح قلب غلا ليتني أقدر أتكلم بقول لك شكثر أنا أحبك..فهد الله يخليك لو صار شي تذكرني..أعرف ماتسمعني لكن أتمنى تحس فيني...رجعت فتحت عيوني وشفته يطالع برقبتي...ااه أكيد شاف المكان اللي عضني منه لدراكولا هذا... مسك يده وعضها لين مانزل منها دم وقربها من فمي..ماكنت أعرف ليش يتصرف بهالشكل بس بعد ماشربني من دمه نمت بشكل مريح... اليوم الثاني قمت وأنا مو مصدقه إني عايشه للحين مامت إبتسمت يوم شفت فهد نايم على الكرسي عند السرير وهو جالس...دمعة عيوني بدون شعور شو كان بصير لو مالحق علي فهد...والله أحبه حياتي من دونه ماتسوى...فتح عيونه وطار من الفرح يوم شافني جلس جنبي على السرير وضمني بكل حنان... فهد:شلونك الحين أحسن... أنا:إيه....فهد أنا...حط أصبعه على فمي..لا تتكلمي خلاص اللي صار انتهى ماابيك تكلمي بالماضي... ابتسمت بس تذكرت شي:فهد أنا شلون مامت للحين وليش شربتني من دمك؟.. فهد وهو يطالع بعيوني:امممم..شوفي قلبوو..البشر إذا عضهم دراكولا يموتوا صح... أنا بس حركة راسي بمعنى إيه..كمل..بس اللي ماتعرفيه إن اللي يعضه دراكولا لو شرب من دم دراكولا مايصير له شي...<<<تشوف أفلام كثير ض5 أنا:اها فهمت..طيب ممكن تقولي أنا وين؟؟؟... ابتسم لي وقال:إنتي بعالم الخيال...حط اصبعه على فمي حتى مااتكلم وكمل.. لكل واحد من البشر دراكولا يكن له محبه موجود هنا بعالم الخيال..بس مانتحرك ونروح للبشر إلا إذا كان يصدق بوجودنا...إنتي كنتي تصدقي إن في دراكولات بهالعالم.. وبما إني لدراكولا اللي أحبك كنت أراقبك بستمرار لين جا الوقت اللي ماقدرت إني بس أجلس اراقبك لازم تكوني معي...غلا أنا أحبك مااقدر أعيش بدونك... أنا ودموعي مغرقه عيني:أنا بعد أحبك ومااتخيل حياتي بدونك... فهد وهو يضم يديني:غلا تتزوجيني؟!......اووووووووبس وجهي راح ألوان الطيف ماتوقعت هالسؤال.... رديت عليه وأنا ميته خجل:إيه..بس بسألك أولادنا شلون بيطلعون دراكولات أو بشر؟!... فهد:ههههههههههه...ماادري يمكن نصهم دراكولات ونصهم بشر.... اليوم أحلى يوم بحياتي خلاص برتبط أنا وفهودي رسمياً وبعيش معه للأبد...حلو الحب وحلوو فهودي وحبه لي....يوم الزواج كنت ملكة جمال وفهد بعد ملك جمال.. ياااااااااااي يهبل اليوم ماادري شو مسوي بنفسه محلووو...يوم قرب مني باسني على خدي...مبروووك غلووو بس بسألك اليوم شو مسويه محلوه... أنا ووجهي صاير طماط:الله يبارك فيك..ومبروك عليك أنت ...أنت بعد محلو اليوم مو بس أنا...ضحكنا وجلسنا مع بعض نسولف.... ....:غلا قووووومي باقي ساعتين وتبدأ محاضرتك.... أنا فزيت من مكاني وصرت أطالع بالغرفه وين راح فهد..رفعت راسي شفت أمي واقفه وتقول بسرعه لا تتأخري وطلعت...ههههههههههههههههههه والله خبال بس كان يهبل حلمي ..يمكن يجي يوم وأقابل فارس أحلامي ومو شرط يكون دراكولا... قمت وتجهزت للجامعه ورحت لها وأنا أفكر متى بقابل فهد مره ثانيه..... سوري على القصووور حبايب قلبي وأتمنى يعجبكم حلمي... إن شاء الله إذا حلمت مره ثانيه بخبال مثل هذا بكتبه لكم..... بليييييييز أرائكم لاتنسون..... |
هههههههههههههههههههههههههههه
ههههههههههههههههههههه وربي دخلتى الجو وفي الاخير يطلع حلم بسمه قربي قربي كمان ض31 ض31 ض31 الله يرجك يادبه بس قصه من خيال وااااااااااسع ان شاء الله تقابلي فارس احلامك في انتظار جديد الواقعي حنووو |
يسلمووووووووووووووووووو بســـــــوومه على الوووصف الرااائع بالفعل مثل ماقلت لك مبدعه عشنااا حلم وقصه وهميه ولا ارووع منهااااااااااااا يقــــــوول ماااعضه دراكولا لاتخــاافي >>> http://www.vip6600.com/up/uploads/e25f95d19d.gif http://www.vip6600.com/up/uploads/62462714cc.jpg خخخخخخخخخخخاااي تسلم يمنـــــــااك بســـــــــــــووومه وربي يحفظك ويعطيــــك الف عاافيه والك احتراااااامي وتقــــــــــديري *** |
السلام عليكم ورحمة الله وبركاته حنوووووووو مشكووووووره قلبوووو على مرورك الله يسمع منك يارب<<<<<<ماتستحي هههههههههههه الله يعطيك العافيه محبتكم بـسـمـه |
السلام عليكم ورحمة الله وبركاته لعيوووووووووووون ربي يسلمك يالغلاااا ويعافيك الحمد الله ماعضك دراكولا لأني مابعطيك من دم فهووودي خخخخخخخخخخ مشكوور خيوووو على مرورك محبتكم بـسـمـه |
هههههههههههههه
ههههههههههههههه نهاية سعيدة الله يعطيك الف عافية |
السلام عليكم ورحمة الله وبركاته علووووووووووي مشكووووووره غناتي على مرورك والله يعافيك من كل شر محبتكم بـسـمـه |
ههههههههههههههههههههههههههههههههه
ههههههههههههههههههههههههههههههههه نهايه موفقه بسمووومه والصراحه كنت داخل جو مع القصه لكن الامر محسووم تقبلي مروري واحترااامي أحلااااام سعيييده msn-wink |
| الساعة الآن 05:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون