|
صح لسانك خيوووو
ياللي زعلت إزعل ولاني مراضـيك ..... أشرب كدر ماي البحر كانه أرضـاك لا تحسب أني عقب صدك بداريـك ..... بأعز نفسي عنك مـدراك مــدراك أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك وخليتني واليــوم والله لأخـليـك ..... وأدوس قـلبي لينـه يقـول خـلاك قبـل توريني الحسـاير بأوريــك ..... ليمن يقـال فـلان هانـك و ورآك كـانك تحداني فأنـا أقبـل تحـديك ..... وأنسى الغـرام اللي مـضى وأتحداك مـاني بقايـل لك عسى الله يهنيـك ..... الله يحـرمك كـل مـا كان هنّــاك عـسى العمـى ياخين العهد يعميـك ..... فوق الغرور اللي عن الماضي أعماك وعسـاك ما تسمـع قريب يناديـك ..... حيثك تجاهل صوت محـروم نـاداك وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك وعسى حياتك بس فرحـة لشـانيك ..... يلقى بها الفـرصـة عدوك ويشناك وعسى الليـالي اللي تجيني بطاريك ..... يصبح عليها الصبح ويموت طريـاك وعسى المنـام وكل راحة تجافيـك ..... آمين حتى اللي تمنــاه يجفـــاك وعساك ما تفـرح وتكثر بـلاويـك ..... وأمك تشـق الجيب من عظم بلـواك وإلى مت جعلك في جهنم تصـاليـك ..... نار الجحيم ونار دنياك تصـــلاك الله يكـره فـيك حـتى دوانيــك ..... غشـاش خـاين من من الناس داناك هذه النهايـة روح والله يجازيــك ..... أمسـك ويومـك عنهم الغد يجـزاك |
صح بدنك خيتووو
................... تجاذبني شعـورٍ كـل ماحولـه حنينـي طـاف على اخر حد مايوصـف تجاوزنـي تعابيـري وريحٍٍ من شمال الصدر مرتني على الاطـراف رساله من طرف ليل العنـا ياطـول تقصيـري تعب منك الطريق وقلت اجل ريَح على الاكتاف تغرًب وين ماودك على نهجـي علـى سيـري بخيلـه ياليالـي وصلنـا دام السهـراسـراف كريـمٍ ياخيـالٍ موعـده صـافـح تباشـيـري نزلتي بالغلافـي مهجتـي محـدٍ درى ماشـاف وجهلي بالهوى واسـرار عشقـه زاد تنويـري |
البارحه في لذيذ النوم لاقيته
احلام جابت لي حبيب الروح خداعه فزيت ارحب ودمع العين هليته ورميت نفسي وجا راسي على ذراعه وقعدت اضمه وفوق الصدر لميته واثرني اضم الوساده صارلي ساعه |
النجم مايضوي لامن القمر غاب
-------------------------------------------------------------------------------- يا نـووووف قسمه كل شيٍ له اسباب .................... يرمـيـك للـمـقـســوم لـو ما تـرامـا يابنت من يـخـضـعـله ارقاب واشناب ................... ولـيا جـلـس سلـطـان بين الـنشاما يابنت من يـذ بـح طـويلات الارقـاب .................. شـيـخٍ قـديـر وما خـذ لــه و سـاما وش حيلة اللي جاك من باب الاعجاب ................. مـطـوعه شـخـصـك لـدرب الغـراما يانـووووف لو قلـتي هلا للـجـبـل ذاب ................. خـطــيـر مــنـك ينـصـهـر با نـعــداما ولو ابتسمتي للـنـخـل مال وانـسـاب ............... تـخـضـع عسيـمـه ما يـلـه با حـتـراما ولو شافك اللي بالمهد صاح مرتاب ................. عـاف الحـلـيــب وقال تـفــداك ماما مير اسـمحـي للي سمح خاطره طاب ................ ماسـاق نـفـسـه يـم غـيـرك حـرامـا والـنجم مايضوي لامن القـمـر غـاااااب .................... ولا غــاب نورك نور غيرك عـتــاااما |
صح لسانك
لاتعليق |
الحب حب اللى يصونـه وينصـان
لـه لـون واحـد ماتعـدد الوانـه V V V ماهوب حب اللى يمثل علـى شـان يقضى فراغ الوقت كـذب ولعانـه V V V لو هـى خسـاه ماتقـدر بالاثمـان ولو سارعت لى كله دوله (ف) اعانه V V V خسارة الانسان لا صار (ف) انسان مالـه جـدا الاء يقـوى ايمـانـه V V V الاء مثـل هـذا فلانـى بنـدمـان شال القناع وشفـت وجـه الخيانـه V V V هذا كلام الصـدق مانـى بغلطـان مالـه مكـان ولا بقالـى مكـانـه |
غموض المسألة فكت على صدر الحكاية قـوس
بعد حطـت ثـلاث اكفـان فـي تربـة مبادينـا بلد مظلم ؟؟ واذا كان الضيا من غلطة الفانـوس اجـل باقـول اخطـاء المدينـة مـن ايأدينـا ؟؟ كثر ماقلت في لحظة ذهولـي والبخـت منحـوس لنزف الجرح ؟؟ من موّت علـى الواقـع امانينـا كثر ما ماتت الفرحة على ثغـر الأمـل وتْهـوس تقـل كنـه تبـي تغتـال ماباقـي ؟؟ وترثيـنـا حبيبي ليـه ضيّعـت المبـادي والمبـادي روس نطاول بـه متـون اليـاس كـان الفقـد حادينـا ثلاث ايام من غبت وقلـم فكـري كأنـه مـوس عجزت اطخم وش اللي ينطخم ؟؟ واكتب اسامينـا تريّع قبل لاينخر صـدر جـذع المحبـة سـوس من اعدانا ؟؟ من اخطانا ؟؟ من اللي من ؟ وناوينا عشان نْعيش في جو الوئام ونرسـم المحسـوس يبي لي قلب مامـره غيـاب وعيـن تخطينـا ؟ لجل لاقالوا الدنيا رغـد عيـش ومـلاذ فْلـوس ضحكـت وقلـت ماشافـو عيونـك لاتحاكينـا ؟ |
حب يغيب وصاحبه
مابعد غاب وحب يدوم وصاحبه في غيابه وحب يذوب خافق مابعد ذاب وحب يداوي صاحبه من عذابه وحب حياته كلها لوم وعتاب وحب حقيقي مايضرك عتابه وحب بلا معنى وحب بلا اسباب يبدأ غريب وينتهي في غرابه |
وين اسافـر ؟ والمـدا .. جـرح والخطـوه خناجـر
ويـن اوجّـه ؟ والـدروب اشكـال واشكالـه تشابـه وين اهاجر ؟ ويـن ماهاجـر معـي طيفـك يهاجـر وين اهاجـر؟ ويـن ؟ وانتـي فـي شرايينـي مذابـه والحـزن منفـى المدينـه والمـدن منفـى المهـاجـر والبيـوت قبـور طيـن صـدور سكـانـه خـرابـه والبلـد حالـك ظـلام وبالبـلـد ازمــة ديـاجـر والنهـار اسـود ملامـح والمسـا اســوء رتـابـه لاوربــك ماركـبـت البـحـر بالـولـو اتـاجـر لا وربـي ماكتبـت الشـعـر والمـغـزى الكتـابـه الغـلا !! قـام يحدانـي وانتـي تسنيـن المحاجـر !! وانـا ملـيـت اتسـكـع فــي مـمـرات الكـابـه والزمن (( حايس مريري )) وانتي جرحك جرح فاجر!! واخر جروحك !! ياروحي !! اكثر جروحـك غرابـه علقـن بيـن الجرايـد !! حبـر !! برفـوف المتاجـر يحسبـون انـي اغنـي وانـا موالـي !! عتـابـه !! وباالمواقف!! يخلف الله ناسك (( بطرق الحناجر ))..!! والسـؤال اللـي ذبحنـي ومانـي لاقيلـه اجـابـه ؟ ؟ ؟ وين..؟ اسافـر ؟ والمـدا جـرح والذكـرى خناجـر وين اوجّـه ؟ والوجيـه اشكـال واشكالـه تشابـه !! ................ ........ .... .. . |
أفتقدنا الصدق في هذا الزمان ......مابقـى للحـب معنـى للأسف
الوفي عقب الوفا جافا وخان .....والردي أخطا وكابر مـا اعترف الجمال الي ظمى يرجي حنان.....ارتـوى وراح وتغيـر وانحرف ما يبيلي يوم ابحكي ترجمان .....اكتشف انـي متوهـم بالصدف الكذب والغش والتقصير بان ....بين زيف العاطفه وحـب الترف كان ياما كان ياما كـان كـان.....الغـرام الـي عرفنـاه اختلـف ما يبيلي يوم ابحكي ترجمان ....اكتشف انـي متوهـم بالصدف الكذب والغش والتقصير بان ....بين زيف العاطفه وحـب الترف كان ياما كان ياما كـان كـان.....الغـرام الـي عرفنـاه اختلـف ومن يبيله حب لازم له ضمان ....لان .. لكن جفنه ابداً مـا ذرف التباهي صار واضح للعيان .....وكل شخـص يتباهـا كـم عـرف آه ياقلب من الاحزان هان ....والعذاب الي يشوفـه مـا انوصف وشال ياما شال من طعن السنان....وكم على لحن من الفرقا عزف ليتنا نرجع الى هاك الزمان....نعشق من القلـب ونحـب ونعف |
| الساعة الآن 12:57 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون