الحياه إن ما صفت لك //لا تعاندهـا عنيـده
طبعها دايم تعاند// وإن صفت قامت تشـره
ينكر الرجال زولـه// لا تفكـر فـي غثاهـا
لا عطته اشوي قامت //تطحن تبغـى تفـره
ذاق لوعات الليالي// ما عرف وين اتجاهـه
ما عرف خط المسير// ولا لقى شيء يسـره
ما لقيت اللي شكرها// والعرب فيها طوايـف
ما تعرف اللي يودك //من امـدورة المغـره
والله ان القلب خايف //من همومه ما يغادر
ينتظر هجمات بقعى // للحزن دايـم تجـره
كل ما طابت اجروحه //عودت والحال ساهد
ما يدوم إلها صديق //ولا تدوم إلهـا مبـره
تضحك الجاهل وتبكي //عاقلٍ عارف شقاهـا
مستريح البال فيها// لو ضحـك لازم تحـره
شيبت طفلٍ صغير// ونكسـت راس المكابـر
روعت نـاسٍٍ كثيـر// وتوهتهـم بالمجـره
يا صديق الروح حاذر// وانتظر زرعٍ زرعته
انتبه ميلات بقعى// لو نسيـت اتعيـد كـره
والحياه إن ما صفت لك //قول هذا اللي مقدر
راضي باللي كتبلي //لـو يجـي مثقـال ذره
واخر المشوار لازم // الفتى تطوى صحافـه
ثم يدفن فالثرى //والموت يمسح كـل جـره

أنــا على حطة يدك ما تغيـرت * * * بس أنت قلي وش سبايب غـيـابك
نسيتني والحين يعني تذكرت * * * والا الهوى من دون تدري مشى بك
والا على خلٍ يحبك تكبرت * * * والا زمان كان ضدي غــدا بك