|
جاني كلامك واعجبتني معانيك... انشد لها قلبي من الوجــد موال... سبحان ربي حط نبع الوفاء فيك... أرويتني منه على شكل مرسال... أتصفح سطورك وأحاول أجازيك... والله يقـدرني على رد الافعــال... |
ودعيني بالسـلام ورحمـة الله وبركاتـه
واذكريني كل ماتطري على البـال التحيـه إتركيني عاشـقٍ يكتـب بدمعـه ذكرياتـه من شعور ٍصادقٍ ماهيـب نبـرة عاطفيـه عاشقٍ مخلص ولا خان العهد من طيب ذاته كل يوم يقول تجديـد العهـد حـقٍ عليـه |
يكفي تعب..يكفي شقا..يكفيـك يـاعيني حنين تعبت ياعيني وانا اشقى بالظروف الظايمه تعبت اجاوب حرقت(ن) في ظامري هم وانين تعبت اناظـر بالسماء بِعـد الطيــور الحايـمه قولي هـلا بعد الغيـاب0 وعانقي بالعيـن عين الله يـا طعـم اللقـاء من بعـد غيـبه دايــــمه كيـف أنت يـابعـد الغـلا عسا زمانك مايشين ابطيت عنك في غيابي والمشاعر عايمه __________________ |
ياكثر ماحبك ويكثر مــــــــاغليك 00000 وياكثر مالك في ضميرى معزه
أموت واحيا كل ماحل طـــــــاريك 00000 ويفز لك القلب مليووون فــــزه أنسى حياتي بس مانيب نــــاسيك 00000 وأتذكرك مابين حزه وحــــــزه قلبي يحبك حب بالحيل يغـــــــليك 00000 وماحد قدر للقلب غيرك يفـــزه انته منايه ياهوى البال يرجــــــيك 00000 تظهر هواك وبينه لا تـــــــــوزه من بد كل الناس هالقلب شـــــاريك 00000 وانت الذي عروش قلبي تهـــزه هذي خفايا القلب انكان يرضـــــيك 00000 وماسال حبي جاك والقلب دزه بالحيل انا احبك وبالحيل انا اغـليك 00000 ومع الغلا والحب جتك المعــزه |
تزْين يا قصيدي وارسل باقه ازهار ,’,’,’, للي في غلاته طوا هم القوافي
|
أنت بوح الشعر يا مترف زمانه
مـا توفيّك الحروف الأبجدية فيك سحرٍ يذبح العاقل جنانه ما يجي حوله ولا مثله وزيّه بين كل الغيد دانه عقب دانه لا بدوية شابهتك ولا حضريّة رغم ثقلك ! خطوتك فيها ليانه تشطب اللي حولك بنيّه بنيّه ريحة انفاسك هبايب قحويانه وعطر صدرك ما تضمه مزهرية في عيونك طيبةٍ تقلب لعانه لو تسل رموشك شويّه شويّه لا تقفيّتك أقول المووووت عانه وان نطحتك قامت الدنيا عليّه جبت لك قلبي وسلمته أمانه والأمانة خلها .. راحت هديّة باعتبرها راحت بحكم الميانة من نداك يدين محبوبك نديّه قلبك اللي مد لي صافي حنانه يستحق انه ينال الأفضليّه من عرفتك وانت حاجز لك مكانه ما تزعزها الرياح الموسميه لو فلانة سالفتها مع فلانة عن غيابك والعواصيف القويّة لك بقلبي عن سوالفهم حصانه خابرٍ قلبك ونار الشوق حيّه غب على كيفك وقلبي بــ امتنانه كل يوم يصب شعره شــاذليــة...! |
في غيابك دنيتي حـزنٍ وضيقـه وفي حضورك الفرح يمّـي يعـود وفي غيابك عالمي والله ما اطيقـه وفي حضورك عالمي ماله حـدود وفي غيابك تاه فكري عن طريقـه وفي حضورك صاح فكري سأعود وفي غيابك شوف نبضي جفّ ريقه وفي حضورك أرتوى نبضي وزود __________________ |
تعال اسكن شمال القلب وفغربه وفي شرقه
ولكن خل ما باقي اذا تسمح لأخواني ضميري عايشٍ لك دوم من طرقه الى طرقه واذا فكّرت في غيرك يبكّيني ويعصاني انا غرقان ؟ لاوالله عيوني بس هي الغرقه وقلبك في الزمن لاهي وحبك حيل ألهاني ترى اتعبتني من جد وحبري مالقى ورقه تعال الحق قبل قلبي يعافك وانت بأحضاني |
لاتكبر همومك ترى الهم يصغر...بعض الجراح تغيب عن وعي الايام وان كان تبغى الجرح في يوم يكبر...اذكربعض ماراح تلقاه قدام دمعي ذكرته يوم دمعي تحجر...محتاج لك با الحيل لاتصدمنضام انزفمع نزفك ابنسى وبذكر...ورتاح من كل الملامح والاوهام ماودي اوضاع المحبه تحدر...ولاجل الغلا ببعد واعيشك با لاحلام رغم الالم.مازلت محتاج انا اصبر...اصبرعلى همي وانا ابخص با الايام |
معشوقة الدفتر رمت كاهـل الهـم عن صدرها الحبري وتبغى الأمانه تنشد عن اللي ما كتب همّه الكـم ولا همّه أنّه يُكتب فالصـدر خانـه تنشد عن اللي لملم حروفهـا لـم أخـذ أمانـتـهـا وعـاد لـ زمانـه أمانـةٍ مـا شالهـا شيـخ مهتـم ولا شالها شاعر طغى في أوانـه الشاعر اللي شالهـا يغـرق اليـم شاعر مدد شاعر هـدد عنفوانـه شاعر قراله العمى وأسمع الصـم يا شاغل الدنيـا وعالـي مكانـه ياما رفعت القبّعـة دونمـا اعلـم وأكتب علـى قافـه وأردد بيانـه في حضرته كل القصايـد ترنـم وأجمل بيوت الشعر تُكتب عشانـه يا سيدي معشوقتـك مالهـا عـم إلاّ قلمك وصهوتـه مـع لسانـه كل القصايد تنتظر قلّهـا ... تـم عوّد وهذا الشعر روّض حصانـه يُراق لك يا سيدي أحمـر الـدم لاجل الشعر يرجع ويرجع زمانه |
| الساعة الآن 06:00 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون