|
الامل يوم سافرت عني بعيــــــــــــــــد
عاش له يومين والباقي ســـــــــــــــــراب انتهى حلمي رثيته بالقصيـــــــــــــــــد مابقى لي غير خطه والكتـــــــــــــــــــاب حظي المشؤؤم والوقت الشديـــــــــــــد عيفو دنياي واسقوني العـــــــــــــــــــذاب |
جاني كلامك وأعجبتني معانيك00000انشد قلبي من الوجد موال
سبحان ربي حط نبع الوفاء فيك00000أرويتني منه على شكل مرسال أتصفح سطورك وأحاول اجازيك00000والله يقدرني على رد الأفعال |
احترت وش اكتب لانسان حبيته على كل الناس والدنيا بديته ضاع الكلام وضاع الشعر وبيته ادري اني لو بعت لخاطره عيني ماوفيته سكن خفوقي وتربع فيه وياليته يدري اني من بد كل الكون اغليته |
والى متـــــــــى !
بقبل خطاك ... !!! والى متــــــــــى ..، أبعذرك .... والى متــــى !! فينــــــــــي غلاك والى متــــــــــى أبسّهرك !! طافت حدود الاحتمال!! . . وأبكيتنــي يعني !! أنبســــطت ،، يعني تغريك الدموع |
العباير حارثـه صـدري حراثـه
والهواجس لاقيه بالقلـب بيـت ايه احبك والوفاء فينـي وراثـه والوفاء لك بس انتـي ماحييـت ياجمال الكون كلـه ويـا اناثـه يانعومـه ياحلاوملـح وصيـت كل حسن البيض بك انتي اثاثـه وكل زين قال من عنـدك بديـت وفي عيونك شي من شفت اكتراثه احتفيت بدنيـة الحـب احتفيـت ماباالوم القلب لو قـال استغاثـه وماباالوم العين لو قالـت بكيـت ليت كل الشعـر يكفينـي تراثـه لااكتبك في كل ليلـه الـف بيـت وليتها تنفـع تشابيـه الحداثـه كان جبت من الصور حتى انتهيت وانسى نفسي يوم يومين وثلاثـه وانتي والله لحظه مره مانسيـت....! |
يكفي صبر اغفر لك الذنب وتزل
. . . كل ماغفر اخطائك تجيني بزلة . نزّلت نفسي لك وقلبي تنزّل . . . . .واشوف نفسك بالكبر مسفهلة . .خل المهازل والدلع والتدلل . . . . . حس فـ/بعض شوقي ولا اريد كله . لاتحسب إني طامع ٍ فيك منعل . . . . . لاتحدني سيف الهجر يوم اسله .تراي قادر اقطع الوصل وارحل . . . . . لاصار حبي غادي ٍ عن محله .شربت فنجالك غرابيل وعلل . . . وانا سقيتك من حناني بدلـــــه .واشوف نفسك باللعانة توغل . . . . إن جيت لك طيب تجيني بعلة .وإن جيت متواضع اشوفك تبدل . . . . وإن صرت لك قاسي تجيني توله .يابنت صوني كبريائي عن الذل . . . ترى التواضع بالمحبة مذلــــة . والحب لامن صار اخذ وتبادل . . . والله ماتلقى أحد قال مـلـه . .فتّشت صفحاتي معك كلها غل . . وعزمت أنا بالحال حرق المجلة . سؤال طبعك عندي اليوم له حل . . . وسؤال صدي صعب مثلك يحله .وش لي في بيت ٍ مايجي منه لي ظل . . . . . كل ٍ على ماقيل دربه يــــدلــه . |
انا داخل علـى الله لا تخلينـي عليـك اشكيـك
ترى عظامي من البـرد وقليـل الوصـل مرتعـده ترى بعض الكلام يخون لـو غاليـك هـو غاليـك ابحكي لـك حكايـه خاثـره تبغـى لهـا قعـده...! |
ياقلب منـت بحاجتـه وش تبيبـه
ارتاح ياقلبي وانـا معـك برتـاح اللي وطاني من ظـروف صعيبـه كافي علي دفن المفارق والاجـراح كل علي الدنيـا يوافـق نصيبـه مكتوب من ربي علي ذيك الالواح كم من حبيـب راح وبكـا حبيبـه وكم من حبيب عاش بأيام الافراح القلـب لامنـه غديبه...غديـبـه ماكـل شـي تسـتـرده اذا راح الكيف الاشقر ماشربنـا سريبـه ولاطحت من عيني ترا الحظ ماطاح رؤح وانا بـروح ماهـي طليبـه القلب داعيلك ترا القلـب سمـاح عقبك لقيت اللي انهبتنـي نهيبـه الجـادل اللـي ذوبتنـي بالمـزاح لاضاق صدري قلت:ربـي يجيبـه ولاشفت زوله انجلا الهم وانـزاح العقل طيب والوصايـف عجيبـه الدانه اللـي متعبـه كـل سبـاح |
|
لاتنصدم لاقلت انا اليوم مابيك
القلب عافك وانتهى اليوم دورك اعميتني بحبك عسى الله يعميك ورميتني يازين باعمق بحورك يالله توكل لاتجينـي ولاجيـك يالله حبيبي قوم رتب امـورك |
|
هي كذا.. بعض البشر ترتاح له
دون قصد اتحس معهم بارتياح لو يغيب بلا سبب تشتاق له وان حضر صدركـ.. بدا فيه انشراح |
أجمل بيت وأحب دآيم اردده
للشآعر محمد بن عوض بن سرور من كان من حب ربعه حل تكفيره..,..,..,..عز الله اني كفرت وحل تكفيري تحآيآي |
لاهنت بيوت القصايد ولاهان تواصلك
يعني فعلاً ما أنت داري ليه انا اشتــاق الغيـــاب ? كان قصدك جـــاي تســـأل لازم أنك تسمعـه في الحقيقه لستُ أملك للســؤال أيّــة جـواب كل ما في الأمر واحد غــاب وأشغلني معــه البلا مو أي واحـد غاب واحسب له حسـاب قلب روحي وعين عقلي بالنهـاية أربعــه !! شفت / يا كثرك / حبيبـي.!! / آسف / اقصـد يا عــــذاب شفت وش ســــويت فيني عـايــشك في معــمـعـه يعني لازم اعترف لك / واعتـــرف إني مصــاب والطــريـق اللي خــذلني مـا جبرني اتبــعـه وانت لازم.. كــــل قصّــه تحت عنـوان الكتــــاب وكـل غلــطـه تـرتكبهــا ذنبهـا عالمطبــعه !! : : حس ياخي حس مرّه حــس مرّه بأحتسـاب حتى الأعمى لا ظَلمتَـه دلَ كفّــه مدمــعـه حس ياخي / خاف ربك / صار ذاك الطفل شاب من وجــــوعه قـــــام جوعه ياكـله ما يشبعه . . اعتبرني شخص عادي قــال من بـاب العتــــاب كلمـةِ حـزّة بصدرك كيــف تقــدر تقنــعـه ؟ من متى والغيــم يشكي للسمــا وقــع الســــراب لي متى والظيـم يحـكي للظمـا عـن مطمـعــه اعتبرني شخص مـاهر يمطـر بوجه السحــاب وجرهــدي البيد تروى من معاليــق اصبعــه يستبيح اطهر شعوره كـــان شاعر ثـــم تاب صار قــاسي ما يحـرّك شعر راسه زوبعــه يعني تقـــدر تعتبرني / فص في ملحــك وذاب ________ تنثره / ترميه / كيفك / لكن (انصحــك) تجمعه...! . . . العراقي ابورشيد |
للي أحبة. صدق أحلى تحية
ثلاث وردات حمري وجوري الأوله قلبي .... وفي العطايا الثانية عمري...لعينك هدية الثالثة الإخلاص وحسن النوايا وياليت تقبل مـني هالـهـديـة |
حظي معك ياكامل الزين مقطوع
............................. الله لايقطع رجاء كل راجي قلبي على لاماك لاشك منزوع ....................... نزعة خطات الطير عجل نهاجي إن جيت اباصل قالو الوصل ممنوع ..................... زادت جروح القلب صعب العلاجي ليتك تنور دربنا اليوم بشموع .................. شمع الوصل شمع الوفاء وابتهاجي ونعيش أنا وياك والشك مرفوع ......................... ياابو جبين مثل نور السراجي وحذر تصير بوقتك اليوم مخدوع ...................... وحذر يغرك فيه ضحك الحجاجي لازان وقتك اغتنم كل مشروع ........................ قبل يتغير صحوها با العجاجي وشرب من الصافي وعله بقرطوع ............................ ماينفعك لاصار مر هماجي ترى الرخاء وقته قصير ومتبوع .......................... بايام زاد الهم فيها الفجاجي والعمر يفنى مايجيلك على الطوع ........................... ولحل يومك مايفيد العلاجي |
عامين مرت كذا والقلب مايدري..
عامين والقلب ضايع بيني وبينك.. عامين ماتنحسب عامين من عمري.. أنا حياتي معك وسنيني سنينك.. عامين أناديك ياصبري على صبري.. لاشفت عينك ولاسجّيت عن عينك.. تضيق دنياي ماقد ضاق بك صدري.. ويطول ليلي ويسألني الوله وينك.. لو ماتهمك حياتي؟!..طيّب وقبري؟!.. مايوم فكرت في موتي على يدينك..؟ نسيتني وابتعدت وفي يديك أمري.. وتركت في قلبي أحلامي وسكينك.. عامين والليل طال وشوفتك فجري.. عامين والروح تسأل عن عناوينك.. |
السلام عليكم حبايبي شلونكم شخباركم؟انشالله بخير؟؟
انا اذا يسمح لي اخوي العراقي اسرق منه هالقصيده لانها جد روعه وعاجبتني اذا يسمح لي اكتبها هنا لان الموضوع اجمل ماقيل في الشعر وفي نظري هذه القصيده من اجمل ماقيل في الشعر بعض البشـر يجبـرك لازم تـوده وتكن لـه اعلـى معـزه وتقديـر لو كان ما يملك مـن المـال شـده ولا حايز منصب ولا عاشـر اميـر يبقى عزيز النفـس نفسـه تحـده ما جابـت المنقـود لله ولا يصيـر يوم مـن الايـام محسـوب عـده يبقى طويل الباع لو كفـه اقصيـر يا صاحبي هاج البحر جـاك مـده في جوف صدري كاتمـه للمقاديـر واليوم فاض الكيل .. بيحت سـده مبطي وانا اشوفك ترا بعيني اصغير ترا الرجل لا سـب عمـه وجـده يطيح من عيني ولا لـه مساميـر حاولت احايل مـوج فكـري وارده واتلمس الاعذار مـن دون تفسيـر قلت ابخنه يا قلـب لا جتـك شـده والا الرخى واجد من الناس معصير ومثلت لـي شـده وجيتـه بجـده وبخنت انا خرط الحكي والمزاميـر الخيـر بعـض النـاس لازم تلـده ومن رافق الخايب ترا ما هو بخير صح لسانك اخوي واتمنى ماتزعل علي دمتم بالود اختكم Crazygirl |
اختي الصغيرة
Crazygirl عليكم السلام وحياك الله وانا بخير دامكم بخير وماعندنا الا حلالك اللي يفرح يفرحني واللي يحزنك يحزنني وصدقيني انا ازعل على اللي يزعل عليك فلاااااااااااا تحرميني هالطله البهيه (((والله يسعدك))) وهالبيتين اهداء لكم جميعـــــــــــــــــــــا والله يجعل بيوتنا وبيوتكم عامره بالطيب بيتن الا مريت بابه تعديت ..... لو انه أكبر مابِني في الحواري وبيتن ولو مافوق بابه ولا ليت ...... عليه من راعيه نور ومواري والله يوفق الجميع |
يا دكتور لا تتعب على الفحص والتشخيص ,’,’,’, أنا حالتي نظرة عيوني تشخصها
لو انك بأحاسيس القلوب النضاف بخيص ,’,’,’, صرفت الدوا لجروحها قبل تفحصها اللي فاققدن رفقه رفيقن ما هو برخيص ,’,’,’, يونس وجعتن تظهر مواري خصايصها سوالف رديه رابعه مثل شوك النيص ,’,’,’, وانا ما انتحل شخصيته واتقمصها ودي انقلب بموتري على طريق خريص ,’,’,’, ولا اشوف وجيه المطاليق وارخصها |
هذي حياتي عشتها كيف ما جات أخذ من أيامي وارد العطية |
رجعت لدروبي وعودت زعلان
تـركـتك لحالك ورديت بابي مـادام في قـلبك غـلا غيري أنسان الـليلـه أفرح فـي سوالف غيابي أبي أبتـعد والله حبيبي عـلى شان ما يجرحك صوت الغضب في عتابي |
على كثر الغرام اللي بقلبي ما نويت ارجع ... لاني رغم ما قلته,,عليه مرتفع راسي ابد ما كنت أصدقهم يقولون الورق يدمـــع... ولاكنت أنتظر منك كلام يجرح احساسي حزين الفرح بأيامي.. يدور شمسنا تسطع... وتمحي كامل ظنونك وتنهي كل هوجاسي |
ما عاد با قـي فـي حياتـي مـوده
ولا عاد با قي با الزمن شي أرجيـه حلمي كبيـر ورمـح ألأقـدار هـده وقلب تحطم كيـف تجبـر هقاويـه مليت جـزر الوقـت مليـت مـده مليت حتى ثوبـي اللـي انـا فيـه يمكن لقيـت الحـزن مرسـى اوده ويمكن عذرت الولف لاصرت نا سيه |
هلت دمـــــوع السماء عند الوداع وارسلت غيومها شوق وحنين قال ودع مايــــفيد الاْمتــــناع الشقا مقسوم ميـــر الله يعيـن يـاحسافه وقتــنا والعمـــر ضـاع نجتـمع يـومين والفرقا سنيـن |
أمسح بمنديل الصبر دمعـة اليـأس
واسخر من أحداث الزمن بإبتسامـه لاتشتكي قلبك وحزنـه إلـى النـاس ادفن خيال الحزن كلـه مـع عذابـه واللي يعزك اذكره وارفع به الـراس واللي نساك اتركه ولاتطلب وصاله... |
لا تـــرجــع مــا أبــي الـغـــــلا ذاك يــنـعــــاد ... فــعــلاً أحــبــك بــس ,, عـــنــدي كــــــــــرامـــة |
\\\ يضيق صدري لاتذكرت فرقاك ,,,,,,,,,,,,,,,,,,,,,,,, لكن شـسوي!! دام هــذا خيارك ودي اجيلك واسألك واترجاك ,,,,,,,,,,,,,,,,,,,,,,,, لكن شموخي فوق هامة قرارك!!! :: |
لـي طــلــب واحــد وكــل اللي تــطــلــبــه يـفـداك دخــيـلـك لــو يــطــول البـعـد لا تـغـلـط وتـنـسـاني تحياتي نونو |
وان شالله ماينساك مشرفتنا نور
]في منتهى الرقة وفي منتهى الـذوق حبيبتـي فـي حـاجـه عجيـبـه مخلوق لاكن غير عن كـل مخلـوق مصيبتن يـا حلوهـا مـن مصيبـه حتى وهي بجمبي تحسسنـي بـذوق بالـذات لامـن شفتهـا بعـد غيبـه ان جيت حطتني على الراس من فوق محد اسرنـي كثـر هـذي بطيبـه ان ضقت قالت بيعني بيـع بالسـوق مـا للحبيـب ان ضـاق الا حبيبـه واللي مزود حسنها حسـن منطـوق متواضعه لاكـن لهـا ألـف هيبـه وأذا حكـت تعـرف تخلينـي اروق وأذا بغـت تجيـب راسـي تجيبـه |
لاتلـوم اللـي علـى نفسـه يـخـاف لوم وقتٍ صار به كل شـي مخيـف طبعـي انـي ماشيـه درب العـفـاف وعادتـي انـي احشَـم كـل ضـيـف جاك منـي عالـذي صـار اعتـراف مـا احيَـد عــن دروبــي يالعفـيـف وين عدلك وين شرعك والنصـاف كيف تكسرني وانا حسـي رهيـف خلك اكبر واغلى من نجـمٍ يشـاف http://framboise781.chez-alice.fr/Fleurs/lotus.gif ولوم وقتٍ صار به كل شي مخيف |
من أجمل الأبيات الشعرية التي احفظها وأرددها هذه الأبيات:
أشرقت روحي على صافي هواه *** أضحت بحبـه وأمسـت تتبعـه قلبي اللي ماالتفت للنـاس جـاه *** جاه يسعى والغلا رهن أصبعـه خطوه بخطوه على درب مشـاه *** ونون عيني وين ماقفّـى معـه ياهوى ذاتي .. ويابوح الحيـاه *** وياترانيـم الفصـول الأربـعـه يارذاذ الوبل فـي لحظـة نفـاه *** ياحنين الروح .. يادرب السعـه كنت أظن الوصل في حذفة حصاه *** وأظفر بحبـه وقربـه وأسمعـه لكـن الأقــدار ردتـنـي وآآه *** من رداة الحظ .. حظي هو معه دامني محروم من قربه ودفـاه *** ياعساي أسلاه مادمـت أتبعـه |
لاهنتو جميعا والله يسعدكم
وفّر اعلاجك وانـا كلـي وقايـه عزتي وايمانـي برّبـي وقتنـي ياوسيله حلمهـا تأصـل لغايـه معطياتك ياالوسيلـه مااقنعتنـي كنت اجيدك نص واجيدك روايـه لابغيت اكتب مفاهيمـك دعتّنـي كنت اعمى في طريقك كنت تايه كم حفت رجلي بدربك واتعبتنـي امس تحكم والمشاعر لك ولايـه انتخبتك والااحاسيـس ادفعتنـي ادفعتني لااجل تحظـى باالعنايـه وانت ميت والااحاسيس احرجتني ضيّعك غرورك وحلـم الوصايـه لاتحلـم والمسافـات ابعدتـنـي دامني علمتك اسلـوب الرمايـه مستعد اكسر يمينك لـو رمتنـي كل شئ (ن) في الحياه وله نهايه الليالي قبـل اعرفـك علمتنـي علمتيني ماارجع لخـط البدايـه لاتحـرى جيّتـي لا تنتظـرنـي |
تبي الصراحه وش تبـي باالصراحـه
أكذب عليـك لاقلـت عايـش بخيـر" الحلـم يكـبـر والصغرباالمسـاحـه وماللوفاعنـد المعـازيـب تقـديـر" قلبي من ضلوعـي تشيلـه جراحـه" وش حيله إبـن آدم وجـه المقاديـر" لا[!جيتني!]صدري يزيـد إنشراحـه" و[غيرك]بدنيـاي نقـص ومخاسيـر" في ذمتي ما[غيرك]أرجـي سماحـه" قول وش تبي مني وأقول إبشرويصير من شاف [بعيونك]مسـاه وصباحـه" عزالله أنه مارجـى شوفـت الغيـر" إن قلت راحه ماورى النـاس راحـه" بس [إنت] [وافي؟]ومايجي منك تقصير طيرالسـعـد [بيديك]إجبرجـنـاحـه" السالـفـه مـاعـاد فيهامـعـاذيـر لاجابوإسمـي كـل أطلـق إرماحـه ماكنهم قبل أمـس عنـدي مساييـر" أبسـط مثـال لابغيـت الصـراحـه أقـول طيـب بـس أنامانـي بخيـر" |
حتى يكون عندنا اجمل الابيات ..ماهو اجمل بيت سمعته ؟؟ ولييس قصيده !! اجمل بيت سمعته هو صحيح انه وناسه لاغدى كفك بكفي . . . . . بس لا مني حضنتك لعن ابو جد الوناسه دمتم بخير |
الله يسعدكم الجميع ولاهنتو
هب نسناس الهوا لي من شمال حامل(ن) ريح الخزامي والنفل من فياض(ن) ظبيها يلعب دلال لى لمح ظله من النشوه جفل يذبح العشاق صعّاب المنال كم شطير(ن) بالقناصة قد قتل مثل شمس العيد فضّاح الجمال كل نجم(ن) لا ظهر نوره افل |
من كثر صدماتـي بنـاسً قريبيـن
.........قمت أتحرى صدمتي مـن أظلالـي كل مابديت أنسى وجّيـه البعيديـن ..........ذكرت لي مع ضيقة الوقـت غالـي كل ماشعرت أني سليـت المحبيـن ..........بديـت أطـرد هقوتـي وأحتمالـي وكل ماتخيلت المحبـه مـن سنيـن ..........يأخذني الهاجـوس لابعـد خيالـي مدري بكيت الحلم مع هاجس البيـن ..........والا شعـوري بالـغـلا مايبـألـي مدري عزاي أنك بعيدً عـن العيـن ..........والا الندم يصفـق يمينـه شمالـي مدري هو أحساسي بفقـدي لغاليـن ...........وأقول بعد اللي رحـل وش بقالـي أو غربة أحساسي خذتني على وين ...........وضاع الجـواب ولا تبـدد سؤالـي دام أقرب أحبابي نسونـي وساليـن ............وأنا لـو أنساهـم تناسيـت حالـي لو عشت من صده عـذاب الامريـن ............وأستلهمت روحي عـذاب الليالـي |
::
أحيا واموت وعزتي راس مالي .%. عهد ٍ على نفسي بنفسي خذيته |
العــفو لاقلــت بنســاك وأعيــش على ذكــراك مــجبـــــوره
علــى حيـــاة كلــها أحـــزان وصرخــات ألــــم مـــدفونــــه مـــاضـــي وأمـــــل وذكــــرى ألـــــم وأمـــاني مفـــقـوده سنـــين مضــت فيــها الفــرح ما تـــعد ثــوانــي معـــدوده بنــساك واســـلا ذكــراك عـــهد علـــي ولازم أصـــونـــــه ما عـــود لــك حتى لــو كنــت علــى فرقـــاك مجـــــــبوره مـــعد لي قــلب يســامح ويصـــفح عــن اللـــي يخــــــــونه إنــــت ظالـــم وأنـــا معــــك بالــــحب كـــنت مــــــظلومه وش حيلتي أنــــا بيــن الحزن والليالي الســود مســـــجونه ويــن ألاقــي الــفرح وأنــا بداخـــلي بقــايا إنسانه مذبوحه |
خـل الزعـل أرجـوك بالله خلـه
أهوى العتاب وغايتي بس أراضيك محلـى العتـب بيـن خـل وخلـه كلمة تغلى قلت أنا أفديـك واغليـك أن هو دلـع ولا ولـع مـا أملـه حقك تدلل دام انـا مغرمـه فيـك أقــدم الأعــذار وأقــول بالله اغفر لي ذنب في الهوى رهن أياديك لـو الزعـل انتـى سبايبـه كلـه يحلى الزعل في ناظري يوم ألاقيك |
| الساعة الآن 05:54 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون
