شكت : مادرت عن ضيقتي يوم تشكي لي



حشا لو درت ماتشتكي لو تضيق ازمان





تقول الليالي ياولد منهيه حيلي



وبي ضيقتن بين المحاني تهد اركان





حدتني سنينٍ بالزمن طاولت ليلي



وانا منسجم مابي يبين لها العنوان





لاني لو احكي تختلج ببي تعاليلي



علومٍ بها قصة حياتي ألم واحزان





واذا الضيق مثلك له وصل وش تركتي لي



وانا مرتع الضيقه ودايم لها ربان





ولاني مبين في خفايا بهاذيلي



حمولي لها ابشتال مهما عذابي بان





واببسط لها عن ضيقته في مراسيلي



ولو بابتسامه بالشفايف عن النقصان





لعل العيون اللي بها دمعها يسيلي



من الضيق يلطف به الهي عظيم الشان





ولو تنحمل شكوة وجيهٍ تشاكيلي



حملت الحمول اللي ثقيله بلانقصان





لكن البلا شوف الحمول المثاقيلي



وحسي بها بعيون صارت بها عنوان





وانا الوقت وظروف الليال وغرابيلي



تحدن وهي في عز وتحس بالنقصان





تمنيت اخدم احساسها يوم تلفي لي



ولو في بعض شيٍ يقدم قليل اثمان





ولكن عجزت وحيلتي في سهر ليلي



وكتب المشاعر شعر مايروي الضميان

عائله سعوديه تسكن في سياره بالرياض بشارع الضباب بالأرض إلي بعد برقركنج على طول قبل إسكان المعذر صارلهم زمان فيه من أيام الامطار و الغبار :
هل يعقل في وطننا يوجد هكذا...؟ّ!!!






وطن حقي عليك انك تآوي ساكنين حماك
وطن وش ذنبهم متشردين وليلهم قاسي؟!!




وطن تكفا وطن جاوب ابي عذر استعيد ادراك
وطن يال الألم في مارأت عيني مع احساسي




ملايين ذهبت لشعوب خارج سربنا وهناااااااك
رأينا كم دفع لكن .... وطنا اولى من يقاسي





ولاندري وش العله ؟!! ولكن ياوطن بحماك
من الجوعا بشر عانت.. قسا مع شدة الباسي






وطن: بلغ ولاة امري بطانـتنا قست وياك
هنا شعب التهمه الجوع ... جنبه مجتمع ناسي




اقل تقدير بلغهم ... عوائق.. كل شي ارباك
لو تحاول تصل حاجز منعك وطحت متواسي

اممممممم اقول: والا خل ماودي اقول!


اصبر علي باظل لي ساكت اشوي...!!!




لانه وجودك شي ماهو بمعقول؟؟؟!!!!
معقوله انت تكون عندي وانا حي؟!!





بصرااااحه امممممممم بخاطري هرج معسول!
امممممممممم بس الخجل يمنع لاكمل ولاشي



يعني تعال اقرا عيوني وش تقول؟!!
وانا ابقرا صمتك شويه شوي..!!

وش فيك ياقلبي؟؟!! بدا يطلع الصبح
قومي فراشك ريحي ياغرامي



الحب ماخلفه تري مكسب وربح
الا عذاب قلوب مع (غي) ضامي




تريحي شوفي ضلوعي غدن شبح
توسدي با الله حديهن ونامي

*



*



*



بصيص من الامل وسط الضلام بسكتي والخوف



يحيط بعالمي خايف ضياعي في مضامينك









انا كلي مشاعر وانت منجا الضايع الملهوف



على باب الامل تسلك خُطا رجلي عناوينك









ادور لي على عذرٍ يوصلني عساي اشوف



ولو زولك.. عقب ماكان حلمي مسكة يدينك

حيلتي صمتي ولو طال السكوت



لاتقول وليه طال الصمت طال








الغلا اللي باني بقلبي بيوت



ماقدر آصف له ولاضرب له مثال








وانت تدري بس ماودك تفوت



فوت شَرف تالي العمر الزوال









بين ضلعان المحاني لك ثبوت



كالجبال الراسيه صعبه تزال

لو تسأل الشباك عن حالي من امس..!





جاوبك عن حالي وعن دمع عيني..!






ليلي على الشباك مع خاطرٍ عمس
وحالي مثل حال الاسير السجيني





ماغير اناظر كن ماحولي الرمس
وكني سجينٍ ينتظر زايريني






من امس.. ايه من امس ...ايبا الله.. من امس
هذا انا مامن جديدٍ يجيني





غير العذاب وضيقة الصدر والنفس
تشاركن على الكسير الحزيني





ياقو صدماتي ولاتنلمس لمس
دويها احسه بآخر كنيني





هذا الصحيح وضحكة الوجه والأُنس
علمي بها قبل التعاسه تجيني





واليوم.. لوني بالالم منحمس محمس
تقول بنٍ في يد الحامسيني





تقول بنٍ محرقه راعي الخمس




داله ومحماسه حرق طبختيني

هذا المكان اخذي هنا راحتك فيه
واقري حروف من المشاعر رويته

شعرٍ كتبته لجل خاطرك اسليه
لو ان قلبي من بعادك كويته


ولو ان بعدك خافي القلب كاويه
ووصلك بعيد ولاحصل لو بغيته


لكن لعينك خوذي الشعر خوذيه
اقري على كيفك شعورٍ عطيته

شعور شاعر صور الشعر خافيه
ومشاعره باحت هنا يوم جيته


واليوم دونك كامل اكتابي اقريه
والله ان تلقين العجايب حويته


واللي خفا اعظم بس يكفين مافيه
شيٍ كتبته واستريح ان بديته


لان الشعر مشاعر ٍ كلها تيه
وتصوير واقع بالياً وابتليته

وانتي هنا تستاهلين اللي ابديه
وارتاح لامني بعينك قريته

يارب لك عبدٍ الى ضاق المحيط بماحواه
رحمتك تاسع له مع امحيطك وباقي دنيته


الملتجا لك يارحيمٍ معتلي باعلى سماه
وانت الملاذ الى استضاقت بارض عبدك خطوته



عليك تكلاني ولاغيرك نصينا بارتجاه
لامن اضلم الليل الحليك وكثرت المستميته



نسألك عفوك والنجاه اللي نبي ثم النجاه
ياواحدٍ كل الملا ترجيه تطلب رحمته

لاواهني الليل يامشــبه الشمس
لاواهـــنـــيه كل ماحل رمـســـــه

بك ينشرح صدره عن الضيق والعمس
وبك ينجلي ضيقٍ تكاساه عمســــــه

لان الوناسه فيك باليوم والامس
ويسعد معك ليلك مثل سعدت امسه

تدري وش اصعب ماعلى الرجال لاصح الصحيح
انه تجيه اطعون من شخصٍ عزيز يقدره




وتدري وش اصعب لالفا للجمع في وجه فليح
وجت خنجرٍ بالغدر عن وجهه وغزت بظهره




خصوص لاصار ان فيه اصحاب قدمك ماتبيح
وخلفك يسنون الرماح ويظهرون المظمره

راحت وقالت كلها ايام وتعود
وعيني لغيبتها تهل اعبرتها



وامسيت اعد الوقت والوقت في زود
وانطر متى ترجع لعينٍ رجتها


مدري على وين السفر بس بحدود
ارض الوطن ماضنها غادرتها


وآخر خبر جاني يقولون مردود
عنها انها في جده وعيالتها

ياموطني ياللي شعارك راية التوحيد في راس العلم
واسم النبي المصطفـى مكتـوب بـه باليعربـي





على كتاب الله سبحانه وسنة النبـي خـط القلـم
في شرع ربي حاكمك يمشي وبالممشـى ادبـي





الله يابـلادي يحفظـك مـن مــدورة اللـمـم
ويحفظ بلاد المسلميـن مـن اختـلاف المذهبـي





الفرس قامت تطحـن والغـرب يشحذهـم همـم
لعبه رحاهـا تطحـن وعريبنـا تحبـي حبـي





احـد اشتغـل باعيـاده يقلـد لغـرب وماسلـم
واحدٍ يروح يـدور الطربـات شـرق ومغربـي





قلت همم كل العـرب والوضـع كاسيـه العتـم
ياخـوف قلبـي لايجـي باكـر وكـلٍ مختبـي





يالله ياربـي دخيلـك عـن متـاهـات الحـلـم
احدٍ يناظر فـوق واحـدٍ قاصـر ويدبـي دبـي

احبتي متابعي مدونتي

اتشرف باي اقتراح يخدم العطاء

واتشرف باطلاعكم على موقعي بالفيس بوك

هنا

https://www.facebook.com/people/%D8%...%86/1056643599

وكذلك بتصفحي ديواني الاخر عبر موقع ابيات كم

بأسم محبكم / عيد سمران

*

*

*





ول ياقلبٍ ذبحه الشوق والفرقا تتله




تلت اهل الحيف لحبال الرشا بين المحاني




*




*




من فراق اللي خذا قلبي وسيف الموت سله




والضماير من فراقه يابسات بلا لياني




*




*




كم سنه صابر على غبن الجروح اللي ُممله




ماشكيت الجرح لعيونه وصابر لو كواني




*




*




بين نفحات العذاب وخافقٍ همه يعله




دمعةٍ تجمع مابين اشواق وجروح الحزاني




*




*




ربعي اللي يحتمون الكايده عن كل زله




ويش عذري لو دروا باللي بهااللحظه وطاني

*




*




جسم رجالٍ يقدي قوم جالس في محله




والخفا قلبٍ خلي يشره بها قاصي وداني




*




*




ياكبر شرهات ربعي لو كوشف ما الله احله




والبنادم دايمٍ خطّا قليلٍ بالحساني




*




*




ضحكتي صارت بتال الوقت محدودٍ سجله




والالم باقصى ضلوعي بانيٍ جسر ومباني




*




*




مرتع الآلام في حال السقيم اصبح يشله




حالةٍ يرثي لها اللي ماوطاه اللي وطاني




*




*




يابعد من مابعد شافت عيوني مثل دله




مترفٍ تنعم بحسنات الخفوق ولا انت اناني




*




*




روف في حال العليل اللي طواه الياس كله




رحمتك من بعد رب الكون تحيي فيه اماني




*




*




مابعد ياسٍ وطى قلبي حياه ولامذله




عايشٍ ماني بحي ولامع الموتى تراني




*




*




روف في حال العليل وبل فيه الريق بله




جعل حالك لانصيته قام بالحال وفداني

تصبح على خير يااغلى من نطر قلبي
تقبل وتقفي تسذا دايم على الصامت



وانا انتظر منك كلمه وانت تنظربي
لكن سكوتك يضحك فيني الشامت



ليتك تدون مرورك يوم تعبربي
ماتمر وتروح ماكنك هنا ثابت


وكانك مصمل طلبتك لاتغرربي
يكفيني انه غرامك بالحشا نابت



للاحاطه/جميع مابالمدونه من اشعاري

خذيت من عمر الشقا ماكفاني

وعطيتك من الحب ماهو مكفيك

لاواخسارة علقمٍ منك جاني

ولاواخسارة حب به كنت حاويك

ان اشهد ان اكبر غلط في كياني

ايام اضحي وازعل النفس وارضيك

واليوم مامضيت لك من حناني

مانته مجازي له مثل مانا اجازيك

عيشتني رغم السعه في هواني

وكويتني رغم اني ورودي اهديك

ولو اني اول لك وسيع البطاني

اليوم صدري ضايقٍ في مساعيك

ماعاد تعني لي سوى شخص ثاني

كنا وكان وموت الوقت خافيك

وثارت براكيني لو امسك لساني

مشاعري شفها تبي تحترق فيك

ودي لو اعبر عياناً بياني

واشرح لك اللي ماعرفته بماضيك

واذكرك صبري على ماوطاني

وصبري من اجلك يوم ضاقت مساعيك

ابي تحس بما من اجلك حداني

وتحس كيف تنام واسهر حواليك

يمكن تكفر عن ذنوبك ثواني

لو كنت من مبطي قطعت الرجا فيك

وحبل الامل يمك قطعت المثاني

وطويت صملان الرجا لجل مارجيك

لكن يظل الادمي فيه اماني

حيه يالين تموت فيه الشرابيك

والي انقطع حبل الوريد ونعاني

الناعي يكون الامل مات وانعيك

ياحروف هيدي واصرخي له وناديه
وقولي له : احبك واحبك واحبك



والى سمع صوت الصدى الخط وديه
خليه يقرى كلمتي له وربك




والى قرى قولي لو تشوف خافيه؟!!
ماحدٍ بلغ في خافقه ربع حبك




ثم ابلغيني وش يقول بمباديه
ملامحه وايش اظهرت لك بربك




كان ابتسم خمي اياديك بيديه
وقبليّه ولو يقولون (ســبّك)




عادي محب ومن يحب بمحاريه
لو انهبل ماقيل هو ويش طبك




لان المحب دواه في حب غاليه
لابادله يكفيه لوهو (مســـبك)




والحب قبلي كم وقع غيرنا فيه
يعني ماهو ذنبي ولاهو بذنبك



بس الوكاد ابيك ياحرف تنبيه
طالبك قل: ( ترى حبيبك يحبك)



قله وقله ثم قله وقول : ايييييييه
علمي به انه منصرع يبي قربك

ابتسم بالله ياحظ ريحنا شوي
ابتسم تعبت خطا الرجل وارهقنا العتام


وين ماطقيت واليا صفاةٍ دون مي
ارض صما مابها ما ولافيها سلام


خايب حظ الليالي من اللوعه علي
احتزم ساعات وارجع اخفف بالحزام


كل ماقلت ابتْزِينْ وتعْدَلْ هي هي
ترجع الكبوه من الحظ من دون احترام

خطوةٍ دايم بعثرات مع حظٍ ردي
تفطر العالم وحظي مواصل بالصيام

يالله انك لاتخيب رجا عبدٍ ندي
حالته من عثرت الوقت صايبها هيام

وخطوته ثقلت وقاعد له الحظ الردي
وين ماساق القدم عارضه جوٍ كتام

بسم الله الرحمن الرحيم






ياذيب يامشرف بروس المراقيب
عطنا الخبر ياذيب عن غايبٍ غاب




عطنا الخبر واعطيك زين المواجيب
واكرّمْك ياذيب في كل مرقاب



عامين مع عامين مامن خبر جيب
ولاعنه رداد الخبر قيل جِّياب




واحترت مادري ويش تال التعاجيب
غموض كامل بين ربعه والاجناب




مدري انا اللي عنه يسأل ولاجيب
او فيه غيري عنه يسأل ولايجاب




مدري زمان الصمت جت له عواقيب
ومن اختفى عنه الخبر صعب ينجاب




ورغم التقدم عن عصورٍ مذاهيب
الا ان كل شي حال دونه ولاصاب




ماصاب شي ولاحصل أي تقريب
ذهول فـ عيون البعايد والاقراب




وصرنا سواة مضيعين المذاهيب
ليل ونهار نطوف ساحات وهضاب




ولاعاد لي ياذيب غيره مطاليب
الغايب اللي حيل فكري به انصاب




ابغى تخبرني الى كم ابيغيب
ومن الخبير اللي ورى تلك الاسباب!




وان كان له حلٍ نحله له بطيب
وان كان بالقوه له نلف الاشناب




بس المهم نشوف حسب الاساليب
اسلوب ناصل فيه له لو بالاطباب




ياذيب انا همي لو الفطر الشيب
تدري عنه ترزم وتنحب تنحاب




ولو البشر يدرون به بالمراقيب
يسعون بحثا عنه اقراب واجناب




لاشك همي بالضلوع المحاديب
مشيدٍ ساسه بتيجان واطناب




واصبح مشرَّب عرق دمي تشاريب
همٍ يسير وهم وسط الجسد ذاب




وصار الشرود اول صفاتي مع الغيب
عن عالمٍ وسطه وكني بلااصحاب




ولالي جدا غير اصفق الكف واعيب
حظٍ عثر دونه مع غبار واضباب




حظٍ عثر دونه وصارت تعاجيب
والله وعلم ويش تال التعجّاب




لاشك امانه وان حصل علم ياذيب
عطناه لو طارف خبر واغلق الباب



*
*
*

لما بلغ علم الابيات اعلاه الشاعر
على قرناس العوفي
كان له رد نيابه عن الذيب بهذه الابيات
*
*
*
اقـــول يـانـشـاد يـانـاشـد الــذيــب
يالـلـي تـقـول سيـوفـنـا دون الارقـــاب



اقـــول خـــذ ردٍ مـوالــي بتـرتـيـب
صـاغٍ سـلـيـم مقولبـيـنـه تـقــولاب



اصفـى صفـى مـن صافـيـات المشـاريـب
كنـه مــن الـمـزن السـمـاوي إلــى ذاب



انـتـم رجـــالٍ تنـطـحـون المـواجـيـب
انتـم كفـو لـو مطلـبـي شـلـف وحــراب



وانـتــم بـهــذا عـارفـيـن الاسـالـيـب
ولاحـدن مخلـّْص ديـن مــن دون طــلاب



حنـا ضـيـوف اجـنـاب والـِّنـا معـازيـب
والضيـف مــن دون اذن مايـدخـل الـبـاب



والوضـع ماهـو وضــع مـسـك التلابـيـب
ولاتلـوم نفسـك والـعـرب دونــك احـبـاب



اسمـع وشـف واصـمـت ولانـتـه ولانـيـب
عـن شــيء مسؤلـيـن او نمـلـك اسـبـاب



لـو كـان عنـدي كـل بـيـرٍ بـهـا ذيــب
لانتـه ابـو زيــدٍ ولانــي بـانـا ذيــاب



لاصــار كــل اهــل الـلـوازم مهـاديـب
انـا ومثلـي كيـف يحـسـب لـنـااحـسـاب



لاحاضـريـن ولانتنـبـا عـــن الـغـيـب
واللـغـز هــذا نـكـرةٍ مالـهـااعـــراب



امـراً حـصـل لازم تـجـي لــه عواقـيـب
بيـومٍ تصيـر الشـمـس مادونـهـا حـجـاب



النـفـس منـصـوره ولابنصـرهـا ريـــب
منـصـورةٍ لـوانـهـاابـيـضـة غـــراب



لـكــن احـــذر لاتـنــوش اللـوالـيـب
تـرا السـلاح يثـورمــن لـمـس لــولاب



وبـعــض الاوادم يصـنـعـون الاكـاذيــب
ويرمـون فيـهـاانـسـان مـاهـو بـكـذاب



ومـن حسبـتـي بــك وبشهامـتـك يـاذيـب
مابيـك تدخـل فــي مـغـاره بــلا بــاب



ماللـعـرب دعــوى بمخـطـي ولامصـيـب
صــارت طبايعـهـم عصـابـات واحــزاب

تمر بخفوقي كل صبح ومسا.. وتمر
ولاجيت ابرقد قبل نومي تودعني



تفقد عسى ماني بغايب ولاجا ((ضرّ))
وعسى ماحصل مكروه شيٍ يلوعني


وتبقى معي مشغولةٍ بالفكر ((ماتقر))
يالبيه ياضمة حنانك تمتعني


عساني تحت ماطاك انعم معك ((وانسرّ))
وعسى رضاكي دايماً معك يجمعني


عليكي رسول الله بالتوصيه ((كررّ))
وحنا عباد انقصر بماالحكي يعني


وانا ((يـــاامي)) احاول واحاول ((بجهر وسر))
وعسى الله يامي معك برضاي يرفعني


ياما كنت سالي مع رفاقي وانا ((منسر))
وانتي علي مشغولةٍ يعني ويعني



تضارب بك الافكار وين الولد ((وتحر))
هواجيس بغيابي تمنى ترجعني



عسى الله يبلغنا الرضا ياشبيهة ((درّ))
ونكسب رضاك بطاعةٍ معك تنفعني

تدلعي مابه بخفاقي عدا حضرتك احد
ثم اطلبي ماترغبي من شاعرك شعرٍ جديد



والله لصّخر لجلك القيفان والموعد بعد
الى انتهى قافي يجي قافٍ معه واخر فريد



كم فيه في قلبي مكانه عالي وبه منفرد
مافيه غير انتي فديتك ماعلي من المزيد



لان المشاعر وحدها مايحييه اية احد
هو واحد اللي كل مايجي يتدلع به نبيد



ادعس على روح الشعر واقول ياشعر استزد
الله يجملني مع اللي ودها بقلبي اكيد



ماصغت قيفاني رضا والا مجامل مجتهد
صغته لان احساسها لازارني هز الوتيد



انشهد اني لو يضيق الصدر والشعر يهجد
الا الى قالت ابي قلت ابشري باللي جديد



تهل قيفاني وانا ماكنت ابي اكتب ابد
لعيون من تطلب شعر ياشعري ابدا بالمزيد



حقق اماني من يبي شيٍ جديد وقل بعد
كان انت حي الصبح مر وشوف لك اخر فريد

ليه خجلانه بعد روح الشعر وايضا الكتابه
ليه تحرجس المشاعر يوم جيتس في جديدي



ليه؟؟ ماقال الشعر لك وش مكانك في جوابه!!
يوم قلتي للمشاعر مابقلبك للقصيدي



خيمت بالقلب ذرات الغرام وفك بابه
واستهاضت لك مشاعر موجها نوعه فريدي



وجيت لك كلي مشاعر شاعرٍ لك في رحابه
كل ماضاقت عليك يكون لك مدٍ مديدي



اسعدي ماللحزن بعيونك النجلا قرابه
بأذن ربي غير تلقين السعاده والمزيدي



لاتقولي كل من حولي تقل شايف سحابه
طالعوني وانت تكتب شعر واحساسي يهيدي



اقري وروحي بصمت وعبري في صمت مابه
قدمهم غير العيون ورمزها بصمتٍ شديدي



وان خجلتي من كتاباتي وشوقي واغترابه
اوقفي في موقفي بالشوق باحساسٍ أكيدي



ثم تلقين العذر لي يوم شوقي من حسابه
جاك مثل الموج يهدر مالتفت لاهل النقيدي



لان مابي من مشاعر صادقٍ مابه غرابه
شاعرٍ باحلى صفاتك هام لو انه بعيدي



والمشاعر يوم ثارت ماخفا اكبر من كتابه
مير للتعبير عما بي اخذي طلعٍ نضيدي

اللي بقلبي ماستطيع الحكي عنه
المسأله فاقت حدود الحقيقه


والقلب لو نقل من ايسرك لــ ايمنه
وصط الجسد ماحدٍ رآه بطريقه


والواقع اللي بيني وبينك (أعلنه)
خله على حطة يدك ماقوى اطيقه


ارتحت لك واسلمت للقلب ديدنه
وبادلتك شعورك بنفسٍ طليقه


وخذيت لك واعطيت قلبي هنا اكفنه
ويفداك قلبٍ به جروحٍ عتيقه


ومهما حمل من حمل واطرى بتشيطنه
تظل خافيتي تحمل السليقه


وصراحتي لو هي معك بيحت عنه
يظل راع الحلم نشفان ريقه


واللي عطاك القلب لاتاخذه منه
ارحم قلوبٍ بالمشاعر رقيقه


ترى الذي لك باح بالود مأمنه
يظل لك قلبه بحورٍ عميقه


وغلاك لين اموت باقي به اثمنه
ماهزته غير الظروف المريقه


وعلاقةٍ وقفت معك في مواطنه
وجهة نظر فيها اختلاف الحقيقه

بيني وبينك للوله صمت ووعود
وبين اختلافي واختلافك حقايق


اقدم شوي وبادل الود بودود
والا احرق اوراق الغلا وانت رايق


ياكثر ماجيتك وروحت محدود
وياكثر ماياقف لي الفين عايق


واليوم سقت الشعر في صمت وابرود
اقره وتلقى خاطرٍ منك ضايق


ترى الحقايق لو بدت للملا سود
بيني وبينك تسلك احلى الطرايق


والشاعر اللي ماخشى اي منقود
دامه على درب الصواب امتسايق


اما عطه من ضحكة ايامك اسعود
والا.. قل ابعد لاتجينا موايق


مليت من بني الامل وانت ببرود
جالس اطالع والخفا به حرايق


وضماي مايرويه من فيضك سدود
ابغى بحر متلاطم امواج فايق

اصعب ترا مافي خفا الشاعر(( الصمت))
والا. . ((شـــعـر)) يبيح مافي كنينه





واصعب منه لامن بمابك تكلمت
برموز تفهم (( عكس)) مجرى السفينه





تعبت افسر كل بيتٍ له اعلمت
وراحت بعيد ابها خواطر حزينه





ياللي علي صدرك به الحزن لاضمت
اسأل وافسر لك خفاي وكنينه





لاياخذك سوء الأثم وين ماحمت
وتبعد وقلبي لك بلاد ومدينه





تعال افسر لك ابيوتٍ بها عمت
وتعال اوضح لك خفايا دفينه






ان كان شعرٍ في شكل ظاهره شمت
اسأل ترى خافيه تجهل رطينه






وهذي عوايدنا وانا آموت لابهمت
واكره لاشوف تحزّْ بك بالضغينه



تعال افسر لك ولاتلزم الصمت
ولاتبعد ابالك ضنونٍ امشينه





ومن عادة الشــاعر مهو من هل الشمت
ولايحــب يجــرح بالشــعر عاشقينه

ياوجودي وجد فاقد بعمره والديه




وطاوله يتمه مع الوقت واضناه الدهر






ورابيٍ على ايد خاله دعت عقله سفيه




من كثر ماهي تعسفه وتضميه بقهر






ويوم شب احب له بنت عمٍ هي تبيه




وهو يبيها والليالي حدت نص العمر






خالته تبغا لواحد من اقصا مجاوريه




والبنيه ماتبي غيره وهو فيها انسحر






وبعد ماتم التلاقي بدا العقم يحديه




لين راح العمر والناس بالهرج تهذر






وبعد عقم سنين حملت وجابت له شبيه




وقالوا ابشر في ولد بس له موته غمر






واصبحت حسرات عمره بفقده تحتويه




فرحةٍ مايوم كمّلت ولابوجهه تسر






ذا وجودي كيف مالا توجدنا عليه




حسرتن بين المحاني وماعنها مفر






حسرةٍ من وقت ماعنه مجنابٍ نجيه




كود دربٍ كل ماحاول اعبره عثر






ترتمي بي ضيقتي واتمدرا مابي اجيه




ثم حدتني ليالي مامنها مفر






واصبحت سود الليالي بها السكه تتيه




والمحاني زايد الهم فيها منفجر






ياغريب بين ذاتي وذاتي مشتريه




كل مايضحك لي الوقت غيباته تمر






ثم يكويني وله وانكوي حرقه عليه




وابتسم والقلب فيه الحرايق تستعر






شاب راسي ماوصلته ولايحصل نجيه




الملاقا فيه محروم واثمنه العمر






خيروني في خيارين ماعنها عَدِيه




موتي او ابعد ولاعاد افكر فيه امر






وذي سبايب كل مابي وكاويني بليه




يوم يسألني ضميري وينشدني صبر






والله اني ماملك الصبر من شان احتميه




وصرت مستسلم ولاعاد بي باقي قدر






بس تكفا يامن تمر في حي يحويه




قول ابن سمران مودعك خفاق تخبر






احفظه عندك وصونه وحافظ له عليه




والا هو اعطاك امانه ولاضن يحظر






وان حداكم في سؤاله فقولوا ايه فيه




امنعوه اللي على الباب كما انت تخبر

باقي على ذكرى الم طفل مكسور


من كان في وقت الطفوله اكسرته





وراحت ولاباقي بعدها به اشعور
الا.... الالم وجروحها ..لاذكرته





راحت وباحت لي باماني بلا سور
وعادت وكل اللي بنيته ادمرته






ولازلت امني النفس من دور في دور
وغيمة سماي القلب حزنه امطرته






وشمس الامل جسره غدا شبه مكسور
وماكان باقي من امل به اعصرته






وصارت جسور آمالنا كلها اكسور
ولاتجبر اجسور الامل لاكسرته






وحلم الاماني كفنه حظ مقصور
من قبل يولد للاسف بي اقهرته





وشيعت جثمانه وقفيت مقهور
قناعتي رغم المراره اعبرته






ماهو رضا لكن متاهات ودهور
وش ترتجي بارضٍ بعينك حقرته






وقناعة الانسان هي ملهم الشور
وقناعتي مانظر ورى لماهجرته

وجد قلبي وجد من فارق حبِيبَِهْ& ترفتن متمكن بقـلبه غــلاها




حدت ظروف الليالي عن نصيبه& مـايتقارب (مسـتواه ومسـتواها)




هـو يبيها لكن (الفرق) المصـيبه& وهي تبـيه ومجتمعها مـاعطـاها




وابعدوا كلن عن الثاني حبيبه &واحرموا نفســين من غـاية مـنـاها




بنت عز وفي وجاهتها عجيبه &وهـو رجل عــادي و(حــاله) لك عـلاها




واطي وقـته على راسه بغيبه& كل يـوم ظروفه تدور برحــاها




وصار في نارين ولاحدن دريبه & قـل حيـله والفراق اللي طواها




كل مايحاول يصل مسكوا لجيبه& واخرتها حذروه بمحتواها




ثم قـفـا وآنس بقـلبه لهـيـبه & وراح عمره في حـياته مــاهتناها




وهي بعد قامت عليه تشق جيبه & مـارحموا لضـعفها مما وطاها




واستدارت في لياليها العجيبه & واختلف عيش الرغد على حياها




واجهشت في صمت يسمع به نحيبه& في معاليق الخفا ضج بخفاها




كابرت باول بدايتها العريبه & ماتبي لجل اسرته يكشف خفاها




ويوم صار فراقهم واضع نصيبه& فضلت قبر الفراق اللي وطاها




وهو نحل جسمه وبين فيه شيبه & حالته من شافها يرثي مداها




وذا وجودي في فراق له سبيبه & عشقتن ماقدر على نيلت رضاها




روحت ماهو على كيفي مغيبه& ولابكيفه يوم حدوها وراها




ودارت ايام الزمان المستصيبه& واقتنعت بياس آمــالي طـــواها




والسهر هد الجسد في كل هيبه& والمحــاني عــاقها شيٍ وراها




مــابي ابين للبعـاد وللقريبه & واتضـح صــمت المجــاريح وعــنـاهــا




آآآآه ياطـــول الليال المســتعــيبه & وآآآه يامر الليـــال ومـبــتلاهــــــا




كل ماحــاول بنسيان الذهيبه & عادت الذكرى وشبت بي لضاها




وكل ماجي ادله وتصدفني مريبه & اتذكر بالرغد ركضي وراها




وكل مابي انسى معاناتي بطيبه& انجرح بافراح ماتت في صباها




صرت ماعي سكة الدرب القريبه & مثل فقد الذاكره حالي دهاها




ذا الحقيقيه والخفايا اكبر مصيبه & روح هامت ماتحقق مبتغاها




ول ياشــــين الفراق اللي تجــيــبه & هالفوارق بالحــياه بمحــتــواها




حطموا قلبين باحكامٍ غريبه & ووأدوا روح احرمت غاية مناها




وانتهت قصة غرام بكل ريبه & والاماني كفنت في مبتداها


والامل ودع وشاهدنا مغيبه & والحزن خاف المعاليق اكتساها

لاتعاتبيني على قل اتصالاتي
ماعاد عندي كلامٍ ودي اقوله





اللي باقوله.. باقوله داخل ابياتي
انك بقلبي وجودك عرضه وطوله




مافيه غيرك جذبني من متاهاتي
ولافيه غيرك تمنيت اني انوله




انتي هنا المنفرد باول حكاياتي
وانتي هنا اخر من بعيني ثبت زوله




لك وحدك الحب مالك بي شريكاتي
جل الذي صورك ثم اودعك هوله




خلاك بين الملا مضرب مثل عاتي
متربعه في حشا قلبي ومجهوله




كلٍ تمنى انه يعرفك ..بكلماتي
يالب صدرٍ على متنيه مجدوله




متأمله في غدٍ باجمل عباراتي
ومتفاءله خير في شعري ومن حوله





ماصابكي غيرت اللي طبعهن عاتي
ولاهزك الخوف باحلامٍ لها نوله





فيك الثقه بي تزوّد بي مسراتي
وفي الغلا لك جعلني شاعر حموله



اكتب بك الشعر لكن من قرا الاتي
يحتار مايدري الاشعار منهو له؟!!




كلٍ تمنى لجل عينك معاناتي
من شان يعرف من اللي عادلت دوله؟!




اللي بها اشعاري اروت لي ضما ذاتي
وهي تعرف اللي بقلبي دون ماقوله




ياجعلني لك فدا ..دونك خفا آهاتي
دونك خفا الذات مايحتاج اقول : اووله




حبك بنى بالصميم اكبر عماراتي
ولايكفي الهرج باللي ودي اقوله




لكن خذي صادق اشواقٍ خفياتي
المعذره لانقص شعري بمدلوله




والمعذره كان قلن اتصالاتي
اكبر من الهرج حبك كيف اباقوله؟!!!

بقلم :

ع
ي
د
س
م
ر
ا
ن

اجل هذا الرحيل اللي




تقول انه مضى له حول






اجل





هذا الرحيل اللي





وعدتن يوم ماشوفه






وقع بالراس منك الفاس ياقاسي بكل حلول





هدمت اللي بنيت اول





بقايا دروس مكشوفه






خلاااااااااااص





ارحل بلاش تعيد جرحٍ بالخفا مدهول





بقايا جثتي شفها معك طوفه ورى طوفه






انا ماني بمتحسف على غدر الوفى المأمول





ولكن تجربة عصري حديثه كلها كلوفه






حرام اني وفيت ولالقيت الا جسد ممثول





غريب وزادت الغربه رحيل الذات بكلوفه

اجل هذا الرحيل اللي






تقول انه مضى له حول






اجل





هذا الرحيل اللي





وعدتن يوم ماشوفه






وقع بالراس منك الفاس ياقاسي بكل حلول





هدمت اللي بنيت اول





بقايا دروس مكشوفه






خلاااااااااااص





ارحل بلاش تعيد جرحٍ بالخفا مدهول





بقايا جثتي شفها معك طوفه ورى طوفه






انا ماني بمتحسف على غدر الوفى المأمول





ولكن تجربة عصري حديثه كلها كلوفه






حرام اني وفيت ولالقيت الا جسد ممثول





غريب وزادت الغربه رحيل الذات بكلوفه

اصعب مافي الحياه المصير المُر

عندما تنصدم يوماً ما بواقع مأمول فهذا مالاتتوقعه

لذا تعتبر هنا ان ذلك اليوم هو حد السيف بحياتك الخاصه


شدني طار الليالي على وقتٍ مضى
بين لفحات الهبايب ونفحات النسيم


يوم ضحكات الوناسه تجي منه برضى
مايشاركني بضحكه كريم ولالئيم


لكن اليوم اختلف يوم شب ابي الغضى
اشعل النيران بين الضماير والصميم


قام يعطي ضحكة السن والخافي لضى
تختلف عنده مفاهيم بالمعنى الأليم


مادرى اني كنت ماسمع عواذيل الفضى
كم عاذل كان ياما يقول انته غشيم


لكن اليوم اتضح كل خافي وانقضى
طعنةٍ جتني من يدين محبوبٍ حشيم


كم سهرت الليل لجله وكم ليلٍ قضى
بين طيات المحاني وهو دايم مقيم


لين بان انه مبدل غرامٍ به حضى
والنفوس لياهوت غير ماترجع سليم


وعادتي لاطابت النفس مادور رضى
روح في حالك وانا اروح في حالي وآهيم

ماهو بعيب ولاحرام اتعذرني
العيب لاخنت العهد ثم قفيت





بانت دلايل غدرتك وتخبرني
كم مرة مشيتها يوم زليت




واليوم انا آبقفي ولاتستشرني
لاصكتك سود الليالي ووليت




هذا انت تذكر كيف كنت تأسرني
وكيف الف مره لجلك سنين ضحيت






وكيف انت يوم اني معك وتخبرني
مايوم في لحظه عن الطيب قفيت




ياما على شانك زماني قهرني
وياما على شانك تحملت واعطيت




وياما على شانك رفيقي نهرني
وياما على شانك تغاضيت وارخيت




لجلك شبابي راح والهم أسرني
ولجلك بعد كم ليل سهران قضيت




واتلاتها هذا انت قمت تحقرني
تصد ماكني لك سنين وفيّت




لكن يجيبك وقتي اللي زجّرني
لاحدتك سود الليالي ووليت




واللي خذاه الوقت ولااعتبرني
باكر يجيبنه لياليه لاقفيت




والوقت لو انه ضحك لك واسرني
باكر يبْكِّي لك وانا اضحك لياجيت




وامر مامرن لياجاك ترني
ماغيري احدٍ راحمك وين حليت




لكن نصيحه روح لاتنتظرني
حياتنا صارت جبل به (دناميت)
جميع مافي المدونه
بقلم:


محبكم
عيد سمران

البارحه كن من تحت اقدمي جمره
غير اتقلب على افراشي وانا صاحي
*
*





نوبٍ على الجنب الايمن وآخذ اليسره
ونوب على الجنب الايسر واكتم صياحي
*
*





مامن عذر لجل ابين للسهر عذره
ولامن سعة صدر لجل آخّفّي انياحي
*
*





اضحك الياقمت واجامل عن الحسره
واكن بين الضماير همي الناحي
*
*





عليك ياللي زجر خاف الحشا زجره
بموادعه يوم كلٍ شاف الافراحي
*
*





قفيت عني وعيني ترقب النظره
ماثقل خطاويك ياناوي بمرواحي
*
*





تعبت اخطايه وانا آقاوم شقى الفكره
زاد الشقا بالضمير وزادت اجراحي
*
*





عامين لي اتحرى تنتهي السكره
وانا على سكرتي بك كني مناحي
*
*





يالوف قلبي عليك اللي اغلبه امره
وياطي قلبي ويابريه بمشراحي
*
*





بريتني بري ليني صرت كالابره
ومن شافني يدري اني غير مرتاحي
*
*





وعليك والله خفايا حالتي تشره
والوضع خلا مسايه ماله اصباحي
*
*




ليلٍ عتيمٍ بلش به راعي النشره
يدور الصبح بس الصبح مالاحي

ياعاشقه شعري وانا فيك مجنون
استانسي جاك من الاعماق شعري
استانسي لجلك ظهر كل مكنـون
استانسي جاتك خفايـاي تجـري
بانت لكل الناس الاقصين والـدون
كلٍ سأل بالله من تكون؟.. تدري؟!
كلٍ سأل يالين وصلـوا يسالـون
كلٍ سأل قايل لـي امناتـي ادري
قلت اسمعوا اذا مصرين تـدرون
ابقوا معي وقتي صباحي وعصري
لابد مالحظه بها شفاهـي تكـون
تنطق كذا باسمه وانا شبه اهذري
حبيتهـا لاحـد مايبلـغ جنـون
حبيتها لاحـد ماضـاع عمـري
حبيتها وبحبهـا صـرت مفتـون
ورايح اضل احبها طـول عمـري
ياكم سهرت من اجلها لو تنامون
وياكم هواجيسي بهـا زادت إزري
حبي لها جمره على راس غليون
نارٍ على خافي خفوقـي تشـذري
حبي لهابصمه بها الصدق مدفون
حتى الادله تثبت الصـدق بـدري
حبيتها ماانكر وزادتنـي طعـون
الله لـو تـدرون عمـا بصـدري
حوريةٍ ماهـي مثـل ماتظنـون
منزهه عن كل عيـب وتمـذري
لامن مشت كل الخلايق يهالـون
مشي الدلع في مشيها بالتخطـري
موزونة الخطوه تقـل در مكنـون
عسلية العينين والخصـر مبـري
من حبها قمت اكتب الشعر بفنون
ومن حبها افزلمن اسمها اطـري
لـو اتحفـظ الجـوارح يبيحـون
ملامحي تفضـح خفايـه بعـذري
بس الوكاد اني بها بشعري آمون
اكتب بها لاالصبح وبمدحي اطري
وشعري بها لوفيه بي قيل مجنون
اقول عادي غيرة النـاس تـزري