|
رد: :: سمعنا ذوقك ::.
http://img140.imageshack.us/img140/5113/nadeem3vh.jpg يا رقيق المشاعر .. وين ذاك الحنان ..؟! ليه ما شلت قلب .. طاح قدام عينك ..؟! الزمن هو زمانك و المكان .. المكان .. وآخر الشعر كلمة .. تسألك عنك وينك ..؟! من تقهويت صوتك سولف الزعفران .. عاد وشلون فنجان لي تمده بيدينك .. تذكر شلون كنا ..؟! والغلآ كيف كان ..؟! يوم لا غبت عنك ما أسمع إلا ونينك .. أشعر بـــ خوف مدري كنت أحس بـــ أمان .. يكفي إن جيت يمك طار فيني حنينك .. شكثر كنت وافي وأقرب الناس خان .. بس تكفيك حتى لو عيوني تدينك .. كان عمري بقربك تالي الوقت زان .. حتى جرد القصايد ربعت في يدينك .. طول عمري وأنا لاوي ذراع الهوان .. شفت يومك بعيني منهو يقدر يهينك .. أذكر أني نسيتك وأذكرك من زمان .. وأذكر أني ضحية بين قلبي وبينك .. تدري وش جابني لك ..؟! لا تقول الحنان .. جيت بأشيل قلب .. طاح قدام عينك .. |
رد: :: سمعنا ذوقك ::.
http://pic.jro7i.com/data/media/14/flickr-016.jpg حي مني لاذكرته دريت اني بخير صاحبن لاشافني ضقت منه ضمني يشتعل بي لين يطفي على العرق الاخير وانتثر له الشوق ولاانتثر يلمني يا تنادي الخليه على طاقه حرير يا مخوفني وقاطع رجاي وممني يا امل ياخيبته يا متاهه يا مصير خل قلبك لاتراخى الزمان يزمني ما ابي الدنيا ابيك انت لانك انت غير جيت فحضانك طفل وانت ابوي وسمني شوف فوق وغن بسمي على اللحن القصير وخصني في كل لمحه غرام وعمني بشعل الدنيا عبير وبطفيها عبير ولا بناشد من مدحني ومن ضمني جيت للدنيا كبير وبفارقها كبير |
رد: :: سمعنا ذوقك ::.
http://www.rooo7i.net/card/cards/enksary.jpg إنكسرت من الفراق و شوف عيني ... شوف عيني وانت تدري بانكساري كل ما مـــــــــديت لوصالك يميني ... رحت تتجاهل يميني مع يســاري |
رد: :: سمعنا ذوقك ::.
في عز ماكنت أهوجس فيك وافتح لك أبواب قلبي خذتني رجلي لبابك وجيتك وأنا مااذكرإني كنت رايح لك بس اذكر أني كذا لاطول غيابك ياما ترددت مدري كيف بشرح لك أجيك وارجع. .أبيك تقول وش جابك يابن الأوادم ترى مليت ألمح لك أنا أعزك. .وأحبك. .وأعشق ترابك |
رد: :: سمعنا ذوقك ::.
http://image.arabseyes.com/files/images/ef821b6df.jpg لا تكدر خاطرك ضيقة حبيبك يوم قال.. أيه أحبك يابعدهم .. بس أنا وين أغدي..؟؟ . ضيقتي ما هي بس اليوم يابنت الحلال .. ضيقتي لها ثلاث سنين تاكل من يدي .. . ضيقتي مافي وفاها يابعد عمري جدال .. كل ليلة تبسط يديها وتفرش مرقدي .. . ودي اسكت بس اعرف الحظ لا من مال مال .. لي متى والصمت ينهش في ضلوعي وجسدي .. . شوفة عيونك .. هموم وضيق خلق وقل حال .. وش اسوي دام حظي يابعد عمري ردي http://www.qsimna.net/up1//uploads/i...f47e4825d6.gif |
رد: :: سمعنا ذوقك ::.
جف الكلام ومـدت يدينهـا فـوق : .. .. أخترت هذي .. وأنت شف لك سحابه قلت .. ويديني تحتضنها مثل طوق .. : أختـرت هـذي هـذي أكثـر رحابـه هذي دفا صوتٍ مـن البـرد مخنـوق هذي سـؤالٍ نصـف عمـري جوابـه هذي هي اللي عرّفتني علـى الشـوق هذي قدر .. ماكنـت حاسـب حسابـه قطعة حزن في جيب بالـي ومشقـوق ومضة فرح في عيـون نـاسٍ غلابـه أن سولفت فـي ثغرهـا لمعـة بـروق وإن سرّحت في عيونها صمـت غابـه واليا اضحكت نورٍ من الفجر مسـروق واليـا بكـت تحـزن عليهـا الكآبـه حبي لهـا لـوأدري ان فيـه مخلـوق قدّ حبّ مثلـه .. قلـت : "ياللغرابـه" هـ الآدمي من وين له قلـب و عـروق؟! والصبر هـ المسكين مـن ويـن جابـه؟ وأنـا أتكلّـم .. ردّت عيونهـا فـوق ثم تمتمت : من هي هـ الأكثـر رحابـه؟؟ قلت ويدينـي تحتضنهـا مثـل طـوق فـي ذمتـي ما شفـت غيـرك سحابـه |
رد: :: سمعنا ذوقك ::.
اتعبنى الحلم لين الواقع انكرنى ... كنى مسكت الفرج بيدى وهديته مافى داعي على فرقاك تجبرنى... حتى الجفا منك ولعنى وحبيته الجرح عدى زمانه لاتذكرنى ... هذاك وقتاَ تعذرته وجافيته لو شفت دمع القايد كان تعذرنى ... تصور ان الشعر يضحك وبكيته ماغيرونى ياكود الله يغيرنى ... كم واحداَعنك يبعدنى ورديته وفيت وادري وفايه مايصغرنى ... صوبت يم الهدف لكنى اخطيته من طار سرب الغلا والشوق طيرنى ... شف ماعمر مر واحد ماتعديته خذنى على صدرك الدافئ وسيرنى .. بعض الولع ياخذ الرجال من بيته ابنشغل فى عيونك لاتدورنى .. ودى بشين اشيينِ اشوفه مابعد جيته خليت قلبي معك والله يصبرنى .. .مبطى وانا اقول قلبي وين خليته نسيت اعلمك طيفك جاى يسهرنى .. .بس انت ماشفتنى وشلون ضميته اشتقتلك مابغيتك عاد تشكرنى .. .تغيب والشوق ماعمرى تباطيته ماخذ على خاطرى والبعد قاهرنى .. مدري شسوى وانا كل شى سويته العام يوم الوعد تسبق وتنطرنى . .مستغرب وشلون هل موعد تناسيته وين انت رايح ولاكنك معبرنى .. .ماكنى انى على العالم تمنيته لصار هذى علومك راح تخسرنى . .ماعمر احد راح من كيفه وناديته عند الكرامه ابيعك وانت خابرنى ... الله وكيلك ترى كل شى مريته كانه هجر بالسلامه روح واهجرنى ... اخوى لاصد عنى ماترجيته.... |
رد: :: سمعنا ذوقك ::.
يا رفيف الماء .. وفجر العيد .. وأحزان الموآني يا أكثر أهل الأرض طيبة قلب .. وأسرار دفينه المكان اللي هنا .. مليان ضحكات ، وأغاني ! والكلام اللي بغيت أقول .. يحتاج لـ سكينه ! شوفي الركن البعيد هناك .. كنه صدر حاني هذا هو اللي يليق بـ شاعر وبنت حزينه ! أنسي الشارع ، وعتمات الزوايا، والمباني هاتي يدينك نلف الغيم ونشكل مدينه !! عندي الليلة كلام وصمت .. وأخاف الثواني .. تظلمه .. أو تظلم اللي فيه كم ضاعت سنينه بس لازم تسمعين اللي أبي ولا تراني لو بـ أعيده لك .. نسيت .. ورحت أقول اللي تبينه شي واحد قبل ما أبدأ .. ما أبي أي شي ثاني يخطر فـ بالك .. وأنا أكشف لك شعور تجهلينه ! إن أنا .. وبكل ما تحمله "أحبك" من معاني كنت،وراح أبقى أحبك .. لين .. مدري وش هو لينه !! بس والله ماقدرت أنسى .. ولا همي نساني .. لا ذكرت إنسان .. فيه أسرار مابينك وبينه كل ما تطري علي فكرة هواك الأولاني أشعر إني أنطعن مليون مره من يدينه! أشعر إن عيونك.. الله ما خلقها إلا عشاني ! كيف كانت تبتسم له؟!.. قولي إنك تخدعينه !! صورة إنه كان يمسح دمعك .. تزلزل كياني وكيف كان يلم شعرك .. ويتبعثر في يمينه حتى اسمك يوم رحت أدللـه .. حظي رماني .. بنفس الاسم اللي يقول .. بذمتك ماهي غبينه !؟ وكني اللي .. كل ما أناديك بالاسم الفلاني أطلب النسيان .. يترك منه شي تذكرينه !! لا تظنيني أناني .. لا .. أنا مانيب أناني لو سلمت من الغرق . بـ أموت في ظهر السفينه! يا إني ما أكمل،وأعاني .. أو أكمل ثم أعاني .. كل ما اسمع طاري اسمه .. أو تجي عيني فـ عينه! أيــنا كان الضحيه ؟.. وأينـــا اللي كان جاني ؟ مدري !.. ولكن قراري لازم إنك تقبلينه: مثل ما أكره فكرة إنه واحد ياخذ مكاني ما أقدر أجلس في مكان إنسان.. كنتي تعشقينه! |
رد: :: سمعنا ذوقك ::.
مابقى الا سود الايام تحرمك الرقاد كيف الاوهام اتجرأ اتسريك مغبون من متى تجزع من الدمع وتخاف البعاد؟ من متى تقفي بك ظنون وتجيبك ظنون؟ صرت تاخذ كذبتي صدق، ومزاحي وكاد لو بقول اني بخونك تحسب اني بخون ماتعرف ان كل شاعر يهيم بكل واد؟ وانهم دايم يقولون مالا يفعلون؟ ابك انا لاقلت ابنساك وانكرت الوداد والله اني مانسيتك وولاهم يحزنون من جزع من صفعة الشمس يطمع بالبراد ومن فقد وجهاته الخمس يلقى بك ركون اعتبرها هفوة انسان او كبوة جواد لو بتسمح فانت غالي ولو تجرح تمون عد صداتك مروة وطعناتك ضماد خلهن لاراحن طعون ولا ردن طعون خنجرك يستاهل الطعن ومتوني شداد ومنك يازين الخناجر ويا بخت المتون ردلي حنية المزح باحساس الجماد خلنا واحد يجي صلب والثاني حنون موت فيني واندفن فيك بثياب الحداد وان حييت أموت لرضاك واحيا بك بهون مره ارقد بالكفن وانت ترقد بالمهاد ومرة ارقد بالمهد وانت ترقد بالكفون ادري ان شجونك شجون واعنادك عناد والبلا ان عنادك عناد وشجونك شجون ربك اللي سخرك لي تقود وما تقاد والله الخالق ولله في خلقه شؤون ازرع ضلوعي من رضاك وابشر بالحصاد لعنبو من جيت ترضيه وترد امحزون بس تسوالك بلد ؟ قول تسوالك بلاد انت كل العالم بكون ولحالك بكون مابعد محبتك حب ومرادك مراد غير كونك سيد حشاي تدري من تكون ؟ نعمتين اختصوا الخلق من جود الجواد كافل الأرزاق من حيث مالا تعلمون البنون ونعمة المال بعيون العباد زينة الدنيا بلا شك في كل العيون مثل زينة دنيتي بس عندي شي زاد من عرفتك صاروا المال وانت والبنون انتشي بك نشوة التيه لعناق الرشاد وافزع الك فزعة القرم لشهاب الزبون واحصنك تحصين الأرزاق عن درب الفساد واعشقك عشق المظاليم لفراق السجون لو تزيد الشوق جمرة تحولني رماد لو يزيد العشق شعرة بوصل للجنون خل هقواتك كبيرة ونظراتك بعاد كانك انت بكبرك تهون من اللي ما يهون ؟ ازعلك وارهن حياتي تحت رحمة زناد تهبى لا والله الا انت والموت تهبون عاد اذا ما ارضاك هرجي ولا اللي قلت فاد اننا لله وانا اليه راجعون وانت باكر بتعرف على ناس جداد والكلام يجيك من كل شكل وكل لون لاتحسب ان كل كلمة بتسمعها وكاد ولا تصدق هرج شاعر وتخدعك الظنون دايم اعرف كل شاعر يهيم بكل واد وانهم دايم يقولون ما لا يفعلون حتى انا اللي قلت اعشقك وما اطيق البعاد يمكن اطلع ماعشقتك .. ولا هم يحزنون |
رد: :: سمعنا ذوقك ::.
|
| الساعة الآن 01:28 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون