|
رد: مسلسل ( تعبت أشكــــــي)..
الحلقه السادس والعشرين فصخت العباه والشيله وعلقتهم..وجلست على السرير...وانا محتاره...أيه محتاره..مدري أيش أسوي..!!ولا أعرف أيش اللي واجب علي أسويه ..!!ودي أصحيه ,اقوله ينام على االسرير..وودي أنه يكمل نومته على الكنبه... أكيد ان الشيء الثاني بريحني...!!بس ولو..أحس أني مجرمه اذا خليته ينام على الكنبه وهو تعبان.. أوووف كيفه..هو حر...ماحد قاله ينام بره...خليني أغير ملابسي أحسن لي وانام..بدال ماني جالسه أفكر وأحاتي... بس حرام..احس أنه ضميري يأنبني كثير..!! يارب شسوي..أول مره أطيح بهالموقف المحرج...!! اوهوااا وانا شعلي ..ًأصلا كيفه أبركها من ساعه انه بعيد عني... وبالفعل قمت وفتحت شنطتي وخذتلي جلابيه عاديه ودخلت الحمام وبدلت وعلى طول رحت للسرير...وحاولت اني أنام ماقدرت... أكيد بتقولون اني خايفه عليه صح!!لا والله لايروح فكركم بعيد ..انا بس مش من عوايدي أسوي هالحركه لأي شخص كان..لأني أحس بالمسئوليه أتجاه الكل وهذا اللي أتربت عليه من يوم وأنا صغيره..فما بالكم بزوجي...!!!صح أني ماأطيقه..لكن حرام علي أخليه نايم بدون فراش ولا مخده... مافي الا أني أجيبله لحاف وبكذه ارتاح شوي... وبالفعل قمت وخذت له فراش وطلعت من الغرفه ... قربت منه أكثر وشفته بسابع نومه ...نايم وشكله متضايق حتى بالنومه والعرق يتصبب من جبينه... شكله ميت حر خذت الفراش وغطيته وانا ميته خوف ومرعوبه لأني خفت أنه يقوم هالوقت وأروح فيها..بس أشوه ماقام...خذت ريموت المكيف وشغلته له..ورجعت للغرفه بهدوء مثل ماطلعت بهدوء...وبكذه حسيت بالراحه وماقاومت ونمـــت................. عزمت أم فيصل أخوان زوجها على الغداء في بيتها .. وحاولت تقوم عيالها بس ولا واحد راضي يقوم...وكلن قافل الباب على نفسه لأنهم يدرون بالعزيمه ..واللي حالف أقسام وايمان أنه مايقوم الا أذا شبع نوم..كان حبيب الجماهير خالد...كان محلف على أمه من أمس أنه مايقوم ولا أحد يطق عليه الباب...لكن أمه ماهدته وماخلت خدامه الا وهي طاقه عليه باب غرفته...وهو أبد عمك أصمخ...ولا كأن سامع شيء... صح انه يسمعهم بس يكابر..ويسوي نفسه نايم..لمن جاته رئيسة الخدم اللي أسمها عفره وكانت حبشيه وطقت الباب بأقوى ماعندها وهو مات من الخوف وفكر أن في شي صاير..وقام على طول من سريره وفتح الباب .. خالد\اشفيكم..أيش صاير.. عفره وهي حاطه ايدها على خصرها وتصرخ عليه\قوم يالله..أنت في واجد نوم..ومستر عبدالله يبيك تحت.. خالد..كان بيذبحها..والود وده يزنطها ويفتك منها...هذا ثاني مره أحد يصيحيه بهالشكل أولها فيصل اللي أخترع من قلب يوم صحاه وثانيها الخبله عفره..صرخ بأعلى صوت عنده\أنتي بقره!!ماتفهمين!!أحد يصحيني كذه!!ماعندك مخ يالغبيه!!روحي وسكر عليها الباب بأقوى ماعنده..وطلع صوت كبير من الباب حتى هو نفسه خاف من اللي سواه قربت عفره من الباب اللي نصك في وجهها وضربته مره ثانيه بكل قوتها وصار أعصار ثاني في البيت\خالد ..قوم يالله...والا بعلم عليك مستر عبدالله.. خالد وهو يسوي نفسه خايف ويرتجف\يمـــه يمــ ــه خرعتيني ياعفره هانم..روحي بس...مالت عليك من خدامه... جلس خالد على السرير لأنه ناوي يكمل نومته مره ثانيه بس للأسف خالد من النوع اللي نومه خفيف يعني اذا صحى مايقدر ينام ثانيه.........وقام من سريره وهو يدعي على عفره واللي جاب عفره... العنود\تصدقون احس أنه هالزواجه خلتنا نتقرب من بعض أكثر... رهف\أي والله صادقه يابنت عمي الله لايفرقنا.. ساره\آمين أن شاء الله.. العنود\تدرون أمس بغيت أغلط فيك أنتي وترف والله ماعرفت أفرق بينكم.. ترف\لهدرجه يابنت عمي ماعرفتني..أفا والله أفا.. العنود\مدري شلون يمكن لأنك كنتي حاطه مكياج وفساتانك انتي ورهف نفس الشيء ...بس ماشاء الله عليكم كل وحده أحلى من الثانيه ..بس اللحين عرفت افرق.. سوزان وهي تتكلم بطرف خشمها\عادي أصلا ترف ورهف مايتشابهون كثير.. العنود\يمكن بالنسبه لكم مايتشابهون لأنك دايم تشوفينهم .. سوزان\ايه أيه... رهف\الا أقول ساره فيصل ماأتصل.. ساره\لا والله لسه ماتصل..شكله غرقان بالعسل.. ترف\ههههههههههههههههاي يحق له ولد عمي ماخذ حنين الله يسعده أن شاء الله.. الكل\أنشاء الله جالسه بغرفتها..وفاتحه النافذه ...عشان تشم الهوى..وتستنشق عبيره الفواح...هذا غير الموسيقى الهاديه اللي ترن في أذنها وتسمعها بكل حب وسكينه... كلن يقول أنها رومنسيه ........................ ..وشاعريه من الدرجه الأولى...وكلن خايف عليها...لأن أحلامها كبيره..كبيره كثير فوق الخيال...تحب تحلم...تحلم لبعيد والأبتسامه ماتفارق وجهها..حتى وهي صاحيه تحلم ..أحلام ورديه..أحلام حلوه...وغريبه نوعا ما...كلن يقول انها مش من الأرض..من كوكب ثاني...كوكب مافيه الا هي وفارس أحلامها...ياما تمنت ..وياما سهرت الليالي..عشانه..عشان حلمها الأبدي ..ومستقبلها المشرق..اللي كله تفاؤل وأمل... كانت دايم تقول...مش مهم نرضى بالواقع..أهم شي نحلم...ولا أحد يكدر علينا صفو هالحلم ..أمنياتها كثيرة...وأمالها كبيره...بس كل شي مكتوب ومحفوظ..بكتاب أبيض..كتاب أبيض..صافي مافي غير خواطرها اللي تكتبها ليل نهار ..بدون ملل..كانت تكتب وتكتب لمن تتعب وتسكر قلمها اللي ولا مره أشتكى من كثر الكتابه..كانت رومانسيه..رومانسيه وشاعره ...والشعر منها وفيها...القصايد تنقال عليها..وهي ترد بهالقصايد بكلام ولا أحلى... حياتها كلها أحلام كبيره وجميله ..لدرجة ان خلت اللي حوليها يحلمون مثلها..ابعثت التفاؤل بقلوب اللي تحبهم ..وحتى اللي مايعرفونها يحبونها من أول نظره.. لأن كل وجهها نور ..نور ساطع يبعث الطمأنينه والراحه في النفس الطيبه لأنها وبصراحه تدخل القلب من أوسع ابوابه..واللي مايعرفها معذور أنه يتشائم من هالدنيا السوده..واللي يعرفها محظوظ..محظوظ كثير ويابخته...ببساطه وبزهو ملحوظ...مافي مثلها في هالكون الكبير... تبون تعرفونها...!! هذه أمــل ..أمل الدنيا...تقدرون تسمونها هالأسم...لأنها بالفعل أمل لدنيــا كئيبه مسوده متعذبه من ظلم الحياه له...ياترى عرفتوا مين اللي أنظلم وقست عليه الدنيا...!!! لاتستعجلون ..راح تعرفون مين في الأيام الجايه...وان شاء الله تكون صفحة ألم وأنطوت بالنسبه لشخص فاقد الحياه..وضايع ..ومسافر لبعيد..بعيد مع أحزانه...!! يتبع,,, أحساس |
رد: مسلسل ( تعبت أشكــــــي)..
تابع الحلقه السادس والعشرين صحيت من النوم وجسمي متكسر مره..ماني قادر أحركه لايمين ولايسار...بس أرتحت..احس براحه ونشاط مو طبيعي ..سبحان الله..قبل كم ساعات بغيت امووت من التعب والأرهاق واللحين غير..سبحان اللي يغير ومايتغير... قمت من الكنبه ووخرت عني الغطاء..بس لحظه ...!!!أنا ماأذكر أني خذت لي فراش وأتغطيت...!!ليكون حنين هي اللي غطتني..!!لالا ماأتوقع ..!!طيب ليش ماأتوقع ..!!!يمكن صحيح هي..!!وأكيد هي أجل مين..!!بس والله ماينعرف لها هالحنين..!!ساعات أحسها مغروره وتتكلم بالقطاره ..وساعات أحس أن حنان الدنيا كله بعيونها...!!!هههههههه شكلي خرفت..اللي يشوفني يقول جالس معها سنه..توني ماخذت يوم كامل عشان اعرفها أكثر...!! خليني أقوم اشوف وينها ...!!رجعت شعري لوراء لأني أدري أنه معتفس وشعري شوي طوييل ورتبت شكلي المبهدل ودخلت الغرف..غرفة النوم...وكان الليت مسكر ...شغلت الأبجوره اللي جنب الباب ..وأول ماطاحت عيني عليه..حنين... كانت نايمه وشكله كيووت زي الطفله متكوره ..وحاطه ايدينها الثنتين على وجهها من الجهه اليمنى..قربت منها اكثر وجلست على طرف السرير..عشان اشوفها عن قرب... جلست أتأمل فيها لحظات ..لحظات طويــله...ياحلوها وهي نايمه... لا أرادي أيدي قربت لوجهها وتوني بلمسها ..وعلى طول شلت ايدي... الصراحه خفت...خفت تصحى وتعصب زياده...وانا ابيها ترتاح شوي من تعب السفر..ويصير خير اذا صحت..وراي العمر كله عشان أجلس جنبها وتسمعني واسمعها.. قمت من السرير وخذت شنطتي عشان أخذ شاور وأتنشط..لأني بصراحه اذا جلست جنبها أخاف ماأقاوم ويصير شي اندم عليه ساعتها.. \يمـــه... أم متعب\حبيبي ولدي....شلونك...وشخبارك..طمني عليك.... متعب\أنا بخير يمه...مافيني الا العافيه...,انتوا علومكم... أم متعب\أحنا بخير ياولدي..بس والله خو فتنا عليك...وليه توك تكلم..حرام عليك ذبحت قلب أمك من المحاتاه.. معتب\أعذريني يمه بس عبال مااستقرينا وظبطنا أمورنا ضاع الوقت وخصوصا أني كنت واصل بالليل.. أم متعب\أوه طيب انتظري..لحظه يابنت..خذ خذ هيفاء تبي تكلمك وهاالله هالله بنفسك يمه ولاتقاطعنا يالله مع السلامه متعب\مع السلامه يمه.. هيفاء\يالسخيف ...والله والله أني حلفت أني ماأكلمك.. متعب ويضحك على أخته\هههههههههههه طيب هذا أنتي كلمتيني .. هيفاء بابتسامه\شسوي قلبي طيب...بس والله مت قهر لأنك ماكلمت امس وخليتني سهرانه طول الليل..المهم شخبارك..والرحله عسى ماتعبتك.. متعب\الحمد لله عايش..والرحله ماتعبتنا كثير بس طولنا 6 ساعات بالطياره عشان نوصل لألمانيا ...بس الله سهل..المهم ماأبي أطول عليك..وين فهد بكلمه.. هيفاء\فهد مش بالبيت طالع مع ربعه.. متعب\خلاص أجل بكلمه بالجوال..يالله تامرين على شي.. هيفاء ودمعت عيونها\ايه..دير بالك على نفسك ياأخوي...ولا تقاطعنا متعب\من عيوني ياأغلى من الغلا يالله مع السلامه... هيفاء\في حفظ الرحمن... وسكرت هيفاء من أخوها وهي شبه مرتاحه لأنها تطمنت عليه وحست من صوته أنه مرتاح....بس ياترى هل هو صدق مرتاح ونسى..حنين....!!! \حرام عليها ..والله حرام.... ريم\ليه بعد....!! لافي\بنت عمتك ذي ماتحس!!ماتفهم!!!ماعندها مشاعر..!!ماتدري أن في واحد بيموت عشانها ..وبيحيا عشانها..لها أكثر من أسبوع..وأنا ماأعرف عنها ولاشيء..ويوم جاء ذاك اليوم اللي أقدر أشوفها وأكون بقربها ..تصدني وتروح وتركب مع ابوي..!! آآه يالقهر..حتى صوتها..صوتها منحرم منه...!!!والله ..والله تعبت منها... ريم وهي مصدوه من رد اخوها\الله يااخوي كل هذا حامله بقلبك ولاتعلمنا..وربي لو أدري أنك مشتاق هالكثر كان جريتها من عباتها وركبتها معك.. لافي\تخسين تجرينها... ريم\نعم نعم نعم..عيد ماسمعت.... لافي\أوهوااا..ريم حبيتي أبوس أيدك..تكفين كلميها خليها تحن علي أشوي... ريم\ياعمري والله كسرت خاطري...بروح اكلمها.. لافي\يالله بسرعه كلميها.. وراحت ريم تجيب الجوال..وتوها بتروح الا تراجعت وكأنها تذكرت شيء... ريم بخيبة امل\أوه نسيت اقولك شي... لافي وهو فاقد أعصابه\اللي هو !! ريم\هم معزومين بيبت عمهم ....للأسف.. لافي بجنون\لاااااااااااااااااااااااااااا ورمى نفسه على الكرسي... ريم\لحظه لحظه..هي عنده جوال اختها حنين...بس مش متأكده اذا جابته معها... لافي بأمل\تكفين..واللي يرحم والديك روحي تأكدي..والا أقول تعالي أتصلي بجوالي ..وبسرعه طلع جواله وأعطاه ريم... لافي\دقي... ريم\حشى كل شي عندك جاهز... لافي\خلصينا..دقي.. ريم\زين زين... ودقت ريم على العنود وشافت العنود الرقم وعرفت أنه جوال لافي وترددت ترد والا لا!!!بس مع كل رنه قلبها تزيد دقاته أكثر وأكثر ...وطال تأملها بالجوال لمن أنتهت الرنه..وتوها أستوعبت الوضع..وخاب أملها..وكرهت نفسها لأنها ماردت عليه..وبعد ثواني دق مره ثانيه وأرتسمت الأبتسامه في وجهها وعلى طول ظغطت على رد... العنود بصوت واطي \الوا ريم\هلا وغلا العنود بقهر بين على ملامح وجهها\أهلين ريم.. ريم\وينك يالسخيفه ليه ماتردين... العنود\أممم مدري..المهم ماعلينا أنتي شلونك وأخبارك.. ريم\أنا زينه الحمد لله..بس في ناس جنبي يناتظرون كلمه منك ..ترد الروح لهم...!! العنود بابتسامه\هي جنبك.. ريم\أيه..وودها تكلمك.. العنود\لالا من صجك أنتي ... ريم\شسوي ذبحتني...الا تبي تكلمك.. العنود\لا الله يخيلك ريم..لاتعطيني أياها وسلمي عليها لأني بسكر الحين كلهم جالسين يطالعون فيني ريم\أوكي...حتى هي تسلم عليك.. العنود\الله يسلمها ويسلم غاليها يارب.. ريم\هههههههههه زين يالله مع السلامه.. وبعد ماقفلت... لافي\ليه سكرتي منها..!! ريم\تقولك ان جنبها ناس وماتقدر تتتكلم أكثر وتسلم عليك.. لافي وبعد تنهيده\الله يسلمها...المهم أني سمعت أخبارها... ريم\ها يالحبيب أرتحت اللحين .. لافي\وبرتاح أكثر اذا صار اللي في بالي.. ريم\الله يديمها راحه... لافي\ريم..هو الجوال بيكون معها كل الوقت... ريم\أيه ليش تسال..!! لافي بابتسامه\ولا شي عن أذنك.. فتحت عيوني بتعب وأنا ارجع شعري لورى لأنه جاي على عيوني..وحكيت راسي وأنا أحاول أتذكر أنا وين...فكرت نفسي بغرفتي وانا مغمضه عيوني وعلى طول مديت أيدي عشان اشوف الساعه كم...!!دورت على الساعه ماحصلتها..فتحت عيوني مره ثانيه لكن بنظره غير هالمره...لأني عرفت أني مسافره بعيده عن بلادي وعن عزوتي وناسي...وتذكرت كل شيء مر علي أمس واليوم..صح أنها ساعات قليله مرت..بس توني أذكر كل شي وكأني أتذكر شي فات من زمان وانتهى..تكدرت وضاق خلقي أكثر..وانا أوقف على اخر مقطع شفته بذاكرتي قبل ماأنام..يوم غطيت فيصل ونمت بعدها...مدري ليه تضايقت..!!يمكن لأني رجعت للواقع المر..واقعي مع فيصل ولد عمي وزوجي.. يتبع,,, أحساس |
رد: مسلسل ( تعبت أشكــــــي)..
تابع الحلقه السادس والعشرين ياترى لسه نايم...!!والا صحا من نومه...بغيت اقوم عشان اشوفه لكني أترددت كثير ..مدري احس بمشاعر متناقضه ..الواجب يخليني أشوفه ..وقلبي يقول كيفه هو حر صحا والا ماصحا..اللي يبيه يسويه..وماوعيت من أفكاري الا بصوت باب الحمام ينفتح وسكرت عيوني بقوه وسويت نفسي نايمه وعرفت انه فيصل بيطلع من الحمام..بس اللي أستغربت منه كيف دخل الغرفه وماحسيت فيه...فجأه أنتابني شعور مرعب...ياترى وش سوى فيصل يوم شافني نايمه...!!! تناسيت الأجابه وأنا اشوف فيصل من طرف عيني جالس يمشط شعره...!! مدري ليه...!!!حسيت بالخوف..!!يمكن لأني أول مره أحس أنه زواجي من فيصل واقع وهذا مصيري معه..يمكن لأنه أول مره أحس أن في غرفه تجمعنا أنا وهو بس لوحدنا ومافي أحد معنا..من جد أنا اللحين ميته خوف ومرعوبه..مدري كان ودي أفتح عيوني وأقوم..بس في شي يمنعني ..أحس أنه من كثر ماني خايفه ماأقدر أقوم...ولا اقدر أحرك جسمي...خلاص بهاللحظه حسيت بأني صحيح زوجه لفيصل وأنا زوجه له..وشعور الخوف يتعبني أكثر وأكثر... سميت باسم الرحمن وتعودت من أبليس وفتحت عيوني ببطء.. وحس فيني فيصل بسرعه ولف وجهه علي... فيصل بابتسامه\عسى ماأزعجتك..!! عدلت جلستي ورديت عليه\..........لا ....أصلا انا كنت بقوم...ونزلت عيوني في الأرض... فيصل\طيب..حنين..أمم روحي صلي وجهزي أغراضك لأن بنتعشا بره حنين\نتعشاء هالوقت!!وبره..!! فيصل\أيه اشفيك.. حنين\ لا ..بس ماتحس أن الوقت متأخر.. فيصل\أصلا توها تبدى السهره في مصر...تشوفين الناس بالليل أكثر من الصبح.. حنين\أن شاء الله..وطولت في جلستي لأني عن جد ماأقدر أقوم وهو جالس فيصل\أوكي أنا بره بتفرج على التلفزيون لمن تخلصين.. حنين\طيب... وماصدقت على الله يقوم وقفلت وراه على طول..وحتى هو حس بهالشي.. لأني غبيه مانتظرت شوي .. بس شفته طلع قمت وقفلت الباب.. وأنا اللي من شوي مش قادره رجولي تشيلني...صج هبله!!اللحين وش بيقول عني.!!أكيد بيفكر أني خايفه منه....!!أوووف...والله أني أتصرف مثل البزارين..مدري أيش فيني !! طلعت من مجلس الرجال وأنا أيدي بتنكسر من كثر ماسلم...حشا..الناس اللي جاين اليوم أكثر من اللي جاوا أمس في العرس...أنا مدري من وين ابوي واخوي متعرفين على هالأمه..وكل واحد أستغفر الله أردى من الثاني..اللي يشوف شياكتهم ورزتهم يقول ماشاء الله ماعليهم كلام..بس خلك تجلس معهم تكره حياتك كلها...!!وتتمنى انك ماتعرفت عليهم...ومافي أوقح من كلامهم ..على الأقل أحشموا في شباب معكم..أبد ولا كأنهم يشوفونا كأن العيد عندهم... المهم وصلت للمطبخ اللي يطل اللي ورى بيتنا عشان أجيب القهوه اللي طلبها ابوي..والله كثرت طلبات هالأبو...من راح فيصل والشغل كله علي..والمشكله أن في صباب للقهوه..بس هالصباب مسكين مايدري يعطي مين والا مين... وأول مادخلت المطبخ سمعت صوت و تحنحنت وتوني بدخل الا طلعت لي عفره هانم عفره\ها خالد تبي شي!! خالد\أيه أبي!! عفره\أيه خالد\عطيني مقفاك.. عفره\أنت واجد مشاكل..انا بعلم ... خالد\أقول وخري..وأبعدها ودخل وشاف ترف خالد\هلا بالطش والرش...هلا ترف\هلا خالد...وتوها بتطلع الا ناداها خالد\ترف ترف وهي مستحيه من موقف أمس\نعم.. خالد\أمممم أيه شلونك..!! ترف\الحمد لله,, خالد وهو يدور سالفه عشان تجلس أكثر\مين داخل!!! ترف\مافي أحد بس الأهل.. خالد\أها.. ترف\عن أذنك.. خالد\ترف ترف وبعد تنهيده\اللهم طولك ياروح..شتبي,,أخلص.. خالد بابتسامه\أيه هذه ترف بنت عمي اللي دايم تسبني مش ترف اللي من شوي.. ترف\أيوه خالد.. خالد\ترف ايش فيك...فيك شي!! ترف\خالد أنا مافيني شي..انت اللي أيش فيك كل ماأبي أطلع تناديني...صح عفره.. عفره بكل حقد العالم\صــــــــــح.. خالد\بل بل بطيتي أذني ..أنتي هي لاتتكلمين صدقيني تتسبين أنشقاق في الكره الأرضيه اذا تكلمتي.. هنا ترف ماتت ضحك على كلام خالد اللي مايترك أحد الا ويتحرش فيه عفره\ترف..ايش يقول خلود... خالد\خلود في عينك ..وياهالوجه...!! عفره\شوف خلود أنا في يستحمل كثير ..واذا ماسكتت بضربك في هذا مكنسه.. خالد\لا بالله طالت وشمخت..روحي أنقلعي زين..وأنتي هي ليش تضحكين.. ترف\تدري ياخالد !! خالد\أيه!! ترف\أنا ماعندك سالفه..وأنا الغبيه اللي جالسه معاك.. خالد\والله ياآنسه ترف ماأحد قالك تجلسين معي..أنتي الللي ميته على شوفتي..!! ترف\لا!!! خالد\أيه!! عفره\يالله روح روح هذه قهوه خلصت روح مجلس.. خالد\شف هذه تطردني من بيتنا... ترف\والله ماألومها...أصلا مدري كيف مستحملتك ...15 سنه وهي جالسه بهالبيت صدقيني اذا طلبت انها تسافر والله بتسافر بسبتك... خالد\تكفين.....تكفين لايطيح نصك وأنتي تتكلمين... وهنا دخلت ساره ساره\أيش فيكم وش صاير!!تدرون حسكم واصل للصاله.. ترف وبدلع\ساره شوفي اخوك كله يحب ينرفزني..مالت عليه.. خالد\شوف الكذابه... ترف\شفتي ويقولي كذابه..بعد..أصلا مدري من وين يتعلم هالكلمات الصراحه سوفاج.. خالد وهو يقلد صوتها\ياي..ماأقدر على الدلوعات...مالت عليك ياترف وسليمه صكتك..خليني اروح المجلس أحسن لي... ترف\أبركها من ساعه يا..خــالد... ساره\أمشي ترف معي...الصاله.. ترف\يالله سارونه أصلا أحنا ماتنجلس مع هالأشكال...وطلعوا مع بعض... خالد\من حلاتك زين..ولي...أقول عفروه يالله جيب قهوه... عفروه\انا أسمي عفره مش عفروه...وبعدين ترف حلوه أحسن منك يامدمغ... خالد\ههههههههههههههههههههههههههههههههههههههههههههه هايههههههههههههه هههههههههههههههههههههههههههههههههههههههههههههههههه هههههههههههههههههههههههاي عديها عديها ثانيه... عفره\وش أعيد!! خالد\ههههههههههه أخر كلمه قلتيها..عيديها تكفيـــن,,, عفره\يامدمـغ.............. خالد\ههههههههههههههههههههههههههههههههههههههههههههه ههههههههههههههه هههههههههههههههههههههههاي..والله وقمتي تتكلمين مثلنا ياعفروه..قالت وشوا قالت مدمغ..ههههههههههههههههههههههههههههاي<<مجنون هالولد أنتظرت....وأنتظرت ..وأنتظرت..وأنتظرت...وطال أنتظاري..أنتظر ست الحسن والجمال الأميره حنين تطلع عشان نروح نتعشى.. أكيد بتقولون عصبت..ايه عصبت وعصبت وعصبت مليون بعد...اجل أنا يتسكر الباب علي..!!أنا ينخاف مني..!!!أنا ماتطيق تشوف وجهي..!!ليه ياناس أيش فيني ..!!أشحلاتي أهبل...!!والا يعني مش من مقام الهانم حنين..طيب درينا أنها جميله وجميله حييل بعد ..ودرينا أنها ماتحبني ودرينا بعد أنها ماتستلطفني بس مو معناتها ..تقوم وتسكر الباب ..أصلا واضحه الحركه ..أكيد قاصدتها ..يعني أفهم يافيصل لا تدخل الغرفه مره ثانيه...من زينها اللحين ..أكيد تفكر أني ميت عليها..وبعدين أنا رحت أتطمن عليها ويوم رحت تطمنت عليها قلت خليني أتسبح فيها شي ذي بعد..واهم شي أن هذه غرفتي مثل ماهي غرفتها يعني مش على كيفها تتحكم...!! ياربي قاهرتنيي ياناس ...قاهرتني!! حنين\ فيصل............... أنا جاهزه.. رفعت راسي عشان أشوفها ويوم رفعته ..... انتظروووني أحساس :) |
رد: مسلسل ( تعبت أشكــــــي)..
مشكوره اختي احساس ونتتظر القادم بكل شوق
|
رد: مسلسل ( تعبت أشكــــــي)..
* ابو فجر * العفوووووووووووو خيوووهـ يسلموووووو ع التواصل الدائم لا خلا ولا عدم دمت بسعاااادهـ أحساس |
رد: مسلسل ( تعبت أشكــــــي)..
الحلقه السابع والعشرين \شفيك!! حنين\فيصل فيني شي!!! كان فيصل يطالع شكلها الفظيع وهي لابسه البدله اللي بلون زهر وحاطه شدوا زهري وروج وردي وماسكه عباتها بأيدها وبعد ماطول سكوت فيصل تكلم أخيرا.. فيصل بفكر شارد\...ها..ولاشيء...بس ...بس تذكرت شيء .. وقام من الكرسي\مشينا.. وسلموا مفتاح الغرفه للرسيبشن وطلعوا لأول مطعم شافوه قريب للفندق.. وبعد ماجلسوا ....ظلوا ساكتين فتره طويله حنين تطالع الناس الللي حواليها وخصوصا الخليجين اللي محتلين نص المطعم وكانت مره مستغربه من هالتجمع الكبير وحست نفسها كأنها جالسه في السعوديه مش في مصر... أما فيصل كان معصب على حنين لكنه يوم شاف شكلها وهي واقفه قباله بالفندق أندهش منها ومن جمالها الملفت ..صح كانت لابسه لبس عادي ..لكنها كانت أجمل وأجمل ببساطتها اللي مغطيه على كل شيء..كل شي فيها بسيط ومريح للنفس شكلها النعوم كلامها الهادي والرقه اللي في أسلوبها حتى ابتسامتها حلوه وتريح الأعصاب.. فيصل\ حنين...تبين شي معين زياده على اللي طلبته...!! حنين\..لا مشكور ..وسكتت والتفتت على أي جهه ثانيه المهم أنها تتهرب من نظرات فيصل لها.. واخيرا جاء الطلب اللي أطلبوه وبدوا ياكلون لكن حنين استحت تاكل وبالمووت كلت قدام فيصل وكانت جيعانه مره مره مابينت هالشي..بس أكتفت تشرب العصير اللي طلبه فيصل.. اما فيصل كان عادي عنده ..ولاحظ أن حنين ماكلت كثير فيصل\خلصتي!! حنين\ايه الحمد لله.. فيصل\مسرع شبعتي...على كذه بتخليني ماأكل شي..والا ماعجبك اكلهم!! حنين\لا بالعكس الأكل حلو ..بس زي ماقلت لك أنا مسويه ريجيم.. فيصل وبدون مايحس\وليه تسوين ريجيم ماشاء الله عليك جسمك حلو ..أحلى من جسمي.. أستحت حنين...أستحت كثير كثير ....لدرجة أن ماقالت ولاشيء..ووفضلت انها تسكتت ..وعرف فيصل أنها أستحت لأن وجهها فضحها... فيصل يبتسم\حنين ..ماكنت اقصد... حنين\...................لاعادي خذ راحتك... أبتسم لهافيصل ولف الجهه الثانيه كان في لمة شباب جنب طاولتهم وكانوا جالسين يطالعون حنين .وخصوصا عيونها اللي مبينه بالنقاب ..وكانوا بياكلونها أكل من كثر مايطالعونها ..ويوم شافهم فيصل ..ماتحمل ابدا بحكم غيرته اللي مو طبيعيه ..وقام يخزهم عشان يبين أنه شافهم وهم يوم شافوه على طول لفوا جهه ثانيه ..وهدى شوي... فيصل بدون نفس\خلصتي... حنين وهي مستغربه من تغيره المفاجىء\..ايه فيصل\يالله مشينا .. دفع فيصل الفاتوره وطلع مع حنين ..وأيضا شافوا شباب خليجين جنب المطعم ويطالعون فيهم وخصوصا حنين ..وهنا فيصل ماأتحمل أكثر ..ومسك يد حنين وجرها بقوه.. حنين وهي معصبه وتحاول تفك ايد فيصل\أيدي لو سمحت.. فيصل\أسكتي أحسن.. حنين وبعد مافكت أيده منه\وليه اسكت أنا ماسويت شي غلط ياأستاذ فيصل!! فيصل وهو معصب أكثر من حنين\لا ماسويتي شي..بس يكفي هالحيوايين يطالعون عيونك وأنت تتفرجين.. حنين وهي لافه عليه\وأنا أيش ذنبي أنهم يطالعون فيني!!شرايك يعني تبيني أقولهم لاتطالعون!!لو سمحت رجعني الفندق اللحين .. فيصل\وهذا اللي بيصير اللحين.. حنين\فكه... طالعها فيصل وهو ميت منها ودها يذبحها على هالكلمه اللي قلتها بس مسك نفسه لأنه بالشارع وأول تاكسي شافوه أركبوه وتحركوا..ويوم وصلوا الغرفه دخلت حنين غرفتها وسكرت الباب بقوه.. وهنا فيصل ماقدر يستحمل أكثر..ودخل الغرفه وصرخ بأعلى صوته.. فيصل\أنتي أيش مفكره نفسك ها!!وبعدين ليش تلطخين الباب!!ليش هالغرور!! حنين\لو سمحت لاتصارخ في وجهي..واذا أنت معصب لاتحط حرتك فيني !! فيصل\الا بحط حرتي فيك..وبصرخ بأعلى صوتي ومش مهم ترضين يامدام... حنين بألم \صح أني عانيت يوم وانا صغيره..ولحد يومك أنا أعــاني..لكن عمره ماأحد صارخ بوجهي يافيصل..وأنا مأسمح لك تصارخ وجهي.. فيصل\مش مهم تسمحين والا ماتسمحين أنتي فاهمه...!! حنين\لو سمحت اطلع بره بغير ملابسي.. فيصل\..ماأني بطالع وهذه غرفتي مثل ماهي غرفتك...واللي تبينه سويه ياحنين.. حنين\أوكي فيصل أنتهى النقاش والكلام معك ضايع..ولا تطلع مش مهم بغير ملابسي بالحمام... وبالفعل خذت حنين ملابسها ودخلت الحمام حست بارتجاف أيدها وشفايفها وحاولت تقاوم هالرجفه بكل قوتها لأنها ماتبي تصيح ماتبي تضعف عشان شخص مايستحق ولا دمعه وحده من عيونها..وبالفعل قاومت وقاومت ..... طلعت من الصاله ورحت لغرفتي وأنا خانقتني العبره لسببين أولهم أني واخيرا وافقت على خطيبي ورحت لأمي وقلت لها وفرحت كثييييييير لأني وافقت وكلمت أمي روابي وقالت لها وأنشرت الخبر للبيت كله .. بس مدري أحس أني أبي أصيح...مدري ليه!!!والشيء الثاني أني كلمت مروى عن سالفة المسجات وقالت لي مستحيل أخوي يسويها...!!بس ليش كاتب أسمه!!ياترى الحركه قاصدها والا لا!!!ليتني...ليتني تأخرت شوي عشان أتأكد أكثر...بس لين متى!!!صار لي أكثر من 3أسلبيع ينتظرون ردي ..وأنا مارديت الا اليوم..والله فشله...بس شسوي أبي أفكر أكثر...أصلا لو علي كان جلست شهور أفكر هذا زواج مو لعبه...!! أوووووووووف..خلاص ياهيفاء...أنسي أنتي وافقتي واللي صار صار ..ماله داعي تتندمين اللحين...!! يتبع,,, أحساس |
رد: مسلسل ( تعبت أشكــــــي)..
تابع الحلقه السابع والعشرين انا شسويت...!!!ليه صارخت عليها..!!! هي وش ذنبها...!! وش ذنبها أن الشباب جالسين يطالعون فيها!!!بدال ماأروح أتهاوش معهم ..حطيت حرتي فيه..!!ياربي هذه بدايتها كذه!!الله يستر من الجاي...!!لا وانا الحبيب مخطط أني أتعامل معها بأسلوب حلو عشان أتقرب منها وأكسبها ..طلع العكس صحيح..هي المسكينه اللي ماسوت شي...وأنا اللي جالس أحارب ضدها...!! المشكله اللحين كيف أتعامل معها اذا زعلت ..انا أدري أنها متضايقه مني أكثر من أول..يكفي كلمتها...لحد اللحين أذكرها...أحس أنها ذوبت قلبي..من كثر ماهي حزينه..كنت اتمنى أني ماسمعت هالكلمه منها..كنت أتمنى تكون أقوى من كذه..!! ....أعاني.....انا أعاني من يوم وانا صغيره..ولحد يومك...ولحد يومك هذا أعاني.... ياربي هي تعاني...وأنا السبب...شسوي اللحين... خليني اطلع للصاله عشان تهدى شوي وبعدين يحلها ألف حلال طلعت من الحمام..وأنا جامده..حتى التنفس ماأتنفس... دارت عيوني على الغرفه كلها ..بس ماشفته..ماشفت فيصل.... أحسن بعد..خله يولي...اذا هو مايبي يشوفني فأنا ماأبيه ألف... قربت من الباب..وأنا في بالي فكره,,ومعزمه اني أسويها..وسويتها.....قفلت الباب على فيصل,,,وونمـــت................................... سمعت ..سمعت صوت الباب وهو يتقفل,.... طيب ياحنين أنتي شكلك ناويه على الحرب,,,أوكي فالك طيب ..قفلي الغرفه...قعدتي هنا أحسن من مقابل وجهك... هند\واخيرا..وأخيرا بنعرفها...واي ..ماني مصدقه.. العنود\أجل أنا وش أقول بمووووووت أبي الفسحه تجي بسرعه عشان اشوفها... هند\أنتي أدعي بس الأبله تطلعنا..شكلها كذه مش مطلعتنا.... العنود\لاااااااااا حرام عليك أتفائلي بالخير... هند\والله ماأكذب عليك وتدرين أنتي أبله سهيله مرررررررررره ماتصدق على الله تكون فسحه ورى حصتها عشان تكمل الدرس... العنود بضيق\أووووف منك ...لازم تنكدين علي.... وبعد ربع ساعه من الحصه دق الجرس وجت الفسحه وابلتهم ولاكأنها تسمع أن الجرس دق والبنات ينحزون لها ويتأففون وهي مره كأن العيد عندها لمن راحت نص الفسحه وطلعت الأبله بالموووت ويوم نزلت العنود مع هند دوروا على البنت المجهول بس مالقوها ..ودق جرس الحصه الرابعه وهنا العنود ماتت قهر ودعت على أبلتهم لمن قالت بس.... صحيت من النوم وأنا مفزوعه الساعه 9 اللحين ولاصليت الفجر ...ياربي أستغفر الله العظيم ..يارب سامحني...رحت الحمام على طول وتوضيت وصليت الفجر قضاء...وبعد ماخلصت صلاه ..تذكرت فيصل.. وتذكرت اني ماقومته للصلاه ..شكله حتى هو راحت عليه نومه..وتذكرت خناقتي معه أمس ...جلست افكر باللي صار أمس كله ..بس حسيت أن السالفه ماصخه ومالها داعي وعندي أمور أهم من كذه ومش مهم أنكد على نفسي عشان واحد مايستاهل...طلعت من غرفتي عشان اصحي فيصل للصلاه ..وشفته نايم على نفس الكنبه اللي كان نايم عليها أمس...الصراحه..يوم شفته خجلت من نفسي كثير ..وحسيت بشعور كريه جدا..حسيت أني ظالمه...كيف سمحت لنفسي أني أخليه ينام مره ثانيه بره..الصراحه توني أدري أنا قلبي قوي...قربت منه وحاولت أصحيه بكل الطرق بس هو ماصحى...ويوم ناديته بصوت أعلى من قبل فتح عيونه..وقام يطالع فيني وهو متفاجأ..شكله متفاجأ مني أني صحيته...جلس كثير يطالع فيني ..ومدري حسيت من كثر ماهو مبحلق فيني أن في شي فيني غلط.. بس بعدها غمض عيونه..وقال فيصل\كم الساعه!!! حنين\الساعه 9 ونص... قام من مكانه بسرعه... فيصل وهو معصب\الساعه تسع ونص...تسع ونص..ماصليت... حنين\حتى أنا ماصليت الا من شوي... طالعني بنظره...مافهمت معناها..بس حسيت أن الشرار يطلع من عيونه وراح الغرفه عشان يصلي.. هو طلع من هنا..وانا جلست مكانه ..وجلست افكر وأعيد النظر بكل شيء..بس مره ثانيه حاولت ابعد كل الأفكار من راسي..وفتحت التلفزيون عشان اتسلى وأضيع الممل اللي يحتويني.. بعدها شفت فيصل طالع من الغرفه وشكله متسبح لأن شعره مبلل ويحاول يرفعه عشان مايجي على عيونه بس كل مره يطيح..مالت عليه يفكر بس هو اللي شعره ناعم وحلو... سويت نفسي أني مندمجه بالبرنامج اللي أشوفه..وأنا اصلا جالسه اراقب كل تحركاته مدري ليه...!! فيصل \قومي...بنفطر بره.. حنين وهي تطالع التلفزيون\بس أنا ماأتجهزت.. فيصل بدون نفس\بنفطر تحت بالفندق..يعني ماله داعي تلبسين..يالله روحي جيبي عباتك..أنتظرك بره...وطلع من الغرفه.. حنين\يتأمر بعد الشيخ...أووف والله لو ماني جيعانه كان مارحت معك... لبست عباتي وطلعت بسرعه وشفته واقف جنب المصعد ينتظرني...ركبت معه المصعد ونزلنا تحت نفطر.. فيصل وهو ياكل\جهزي أغراضك لأن في الليل بنروح شرم الشيخ.. حنين\أن شاء الله...بس ...ليه مانروح اللحين ..صعبه بالليل نمشي.. فيصل\ خايفه..!! حنين\لا مو خوف بس آه ,,,مدري...خلص على راحتك.. فيصل وهو يطالع فيها\......تهمك راحتي....!! سكت...الصراحه مدري أيش أرد عليه والا أيش اقوله.... وهو فسر سكوتي شي ثاني....وبكذه أنتهى النقاش اللي بينا وصار الجو متوتر أكثر من أول...وبعد ماخلصنا طلعنا للغرفه وأنا على طول رحت أتسبح وأغبر ملابسي.. وهو طلع مدري وين راح...!!! طلعت من الغرفه وأنا أتنفس الصعداء..أحس أني لو جلست معها أكثر من كذه بنفجر..حياتنا صارت ممله..واللي يشوفنا يقول مش عروسين في بداية زواجهم..أمحق شهر عسل..يكفي أني ماسك نفسي عشان سالفة أمس..تجي اليوم وتكملها..توقعتها ترد علي بأي شي..بس ماتسفهني وتسكتت..أنا مدري وش مصبرني عليها..شفت كوشك يبيع زقاير خذتلي علبتين لأني ناوي أقضي عليهم اليوم...وانا اللي كنت ناوي أتركهم..بس رجعت لهم مره ثانيه بسببها..دخلت الفندق مره ثانيه وطلبت لي قهوه لأني أحس راسي مصدع...ودق تليفوني هاللحظه ولا أراديا أبتسمت...ورديت يتبع,, أحساس |
رد: مسلسل ( تعبت أشكــــــي)..
تابع الحلقه السابع والعشرين فيصل\هلا وغلا بالغاليه. . أم فيصل\حبيبي فيصل شلونك..!!! فيصل\تمام بخير..أنتوا شعلومكم...واخباركم.. أم فيصل\أحنا بخير دامك بخير ياقلبي شخبار حنين عسى مازعلتها...!! فيصل ..آآه يمه..مدري مين اللي مزعل الثاني.. فيصل\حنين بخير يمه تسلم عليكم..شخبار البنات وخالد وريان وابوي.. أم فيصل\كلهم يسألون عنك..,انت مره ياولدي شكلك ماصدقت على الله تسافر ..ولاكلمتنا تطمنا حتى.. فيصل\معليش يمه عذريني هالمره..عطيني ابوي جنبك هو.. أم فيصل\هو متى أصلا يجلس في البيت ..كله في الشغل او مسافر..بس جنبي ساره تبيك خذها..يالله مع السلامه فيصل \في حفظ الله... ساره\الوا..فيصل.. فيصل\هلا ساره شلونك...!! ساره\الحمد لله..أنت شخبارك وشخبار حنين.. فيصل\الحمد لله أنا وحنين بخير.. ساره\وراك يالقاطع ماتسأل عنا..والا حنين نستك أهلك.. فيصل\لا حنين ولاغيرها ينسوني أهلي..وحبايبي.. ساره\أووه شكلكم مو شي..فيصل صار شي مع حنين فيصل\خليها على الله ياساره..بنت عمك بتجنني... ساره\خير فيصل خوفتني...وش صاير.. فيصل\غيري الموضوع ساره.. ساره\هي جنبك اللحين..!! فيصل\لا أنا تحت ..خلص كلميني بعد خمس دقايق لأني بطلع للغرفه.. ساره\اوكي..فيصل مع السلامه.. فيصل\مع السلامه... طلعت فوق ودخلت غرفة النوم وشفت حنين جالسه على التسريحه وشعرها فاتحته وجالسه تحط كحل.. يوم شفتها...بهت..وقف قلبي..هذه ثاني مره اشوفها فاتحه شعرها..لكن اللي جنني زياده عيونها..عيونها هي كبار بس كبرتهم زياده لأنها حاطه كحل كثير ولابسه عدسات عسليه على لون بدلتها البيجيه..ياربي هالبنت بتذبحني بجمالها...الله يصبرني... حاولت أشيل عيوني منها بس ماقدرت ...احس أني منوم مغناطيسي...وهي اللي منومتني...وبعد تأمل طويل..دق التليفون وكانت ساره أختي... مديت لها التليفون وكان واضح أني مرتبك ومتشتت ... حنين\منوا!! فيصل\ساره...أختي.. خذت مني التليفون وبحركه غير مقصوده لمست أيدها ...وهي أرتجفت ايدها وأرتبكت أكثر مني..والتليفوت يرن ويرن...واحنا نطالع بعض..مرت ثواني كثيرة واحنا نطالع بعض..والتليفون يرن ويرن....وبعد مادق ثانيه أنتبهت و طلعت من الغرفه..خلاص ماأقدر استحمل.... أحسن لي أبتعد منها.. ...ياربي قربها عذاب وبعدها عذاب وعذاب... جالسه في غرفتي واسمع أغنية شيرين ..عرفتوها بتوحشني..بتوحشني وأنا وياك.. وافكر,أفكر وأفكر...أفكر بــ خالد...خالد الخبل..جالسه أتذكر كل مواقفه وياي..من يوم وأحنا صغار وهو يمسك شعري ويمشعه..ولحد أخر موقف يوم شفته في المطبخ... أحس نفسي غير ..أحس أني مو ترف..ترف الأوليه اللي اذا قالو لها لا..تقولهم أي وبعناد بعد..مدري وش اللي غيرني...يوم واحد بس أنقلب حالي...صرت أحب أكشخ..صرت احب أحط مكياج وألبس أحسن لبس...تدرون ليه!!من يوم قالي خالد ذيك الكلمه وانا غيرررررررررر....صرت زي المجنونه اذا عرفت أنه موجود أتحرقص بمكاني...صارت تجيني حالات مو طبيعه..أضحك وأحزن في نفس الوقت..وكثير أسرح..أسرح لبعيد...أسرح لذكريات قديمه عشتها مع خالد... يارتى هل هو يفكر نفس تفكير والا بس أنا المجنونه اللي أفكر فيه!!! سكرت من ساره وأنا كلمتين على بعضهم مش قادره اقولها لها...هي تتكلم وتتكلم وأنا في عالم ثاني.. وأنا أيش فيني أن شاء الله كل مايقولي كلمه أويلمسني برتجف زي البزره...!! وش بيقول عني..!! والله أني متفشله من عمري..!!ليتني ماخذت منه التليفون والا أنحطيت بهالموقف البايخ.. بس الحمد لله انه طلع وخلاني أتكلم مع ساره براحه...!! أي راحه ياحنين..مدام فيصل موجود بحياتك...!! طلعت من الغرفه وشفت فيصل ماسك الزقاره ويدخن...الصراحه أتفاجأت ماأتوقعت أنه يدخن...هذه أول مره أشوفه يدخن..!!وليه استغرب..واحد مثل فيصل يسوي اعظم من كذه...!! الله يستر منه.. سويت نفسي اكح عشان ابين له أني موجوده بس شكله ماأنتبهلي..شكله سرحان..ياترى تفكر بأيش يافيصل...!! وبعد دقايق من وجودي لف وجهه علي..وقالي .. فيصل\خلصتي...!! حنين\الأغراض..!! حنين\أيه جهزتهم. فيصل\أوكي اللحين بنطلع نتمشى وبنتغدى بره...ومش راجعين الا بالليل..اذا تبين شي خذيه من اللحين. اكتفيت بأني أهز راسي بمعنى أني ماأبي شيء.. وماهي الا دقايق وطلعنا بره نتمشى ...على قولته.. \ياربي هالبنت ماأتصلت...والله أني خايفه عليها... عمر\يايمه..أذكري الله وأكيد اذا لقت فرصه بتدق هي... العنود\أي والله صادق عمر اذا لقت فرصه بتدق ..لاتخافين على حنين... ام حنين\بس على الأقل تطمنا أنها بخير ووصلوا... عمر\يمه أكيد هم وصلوا...لا تحاتين الله يهديك.. أم حنين\طيب تكفين العنود دقي على ساره أو سوزان أكيد كلمهم فيصل... العنود أن شاء الله يمه..بدق عليهم بس أنتي هدي... دخلت الغرفه عشان أدق على ساره من جوالها.. واول مافتحت الجوال لقيت مسج من لافي...خفت..خفت كثير مابغيت أظغط على الرساله...بس فضولي خلاني أظغط وأنا ميته وناسه..لأن لافي....رسل.. وأول ماقريت الرساله أستغربت..قريتها مره ومرتين أحاول أستوعب اللي مكتوب.. لا الولد مب صاحي ..يبيني أكلمه...مستحييييييييييييييييل... (العنود ....الساعه 8 بدق عليك...وتكفين ...ردي علي.....لافي....) رحنا الأهرامات وشفنا أنواع الأجانب هناك ...مدري ليش الناس منهبلين على الأهرامات أحس أنها عاديه..وماكان ودي أروحها بس قلت لازم أودي حنين جميع الأماكن اليوم ..حاولت فيها تركب الحنطور بس هي مارضت ..على قولتها مش لابسه بنطلون ..سكت عنها ...شكلها تخاف بس ماتبي تبين لي.. رحنا لمحل قريب من الأهرامات يبيع عطور ودهون للجسم واشياء كثيرة..خليتها شوي لوحدها ورحت أشتري بعض العطور لأهلي .. ويم خلصت شفت حنين جالسه تشم بعض العطور المصفوفه بره فيصل\عجبتك ..!! حنين\يعني.. فيصل\طيب ماودك تشترين..!! حنين\لا مشكور حاسبت اللي شريته وطلعنا .... في السياره فيصل\تبين ناكل اللحين ..والا بعدين.. حنين\كيفك فيصل\والا نروح السينما قبل...!! حنين\عادي.. فيصل\حنين حنين\نعم فيصل\ممكن سؤال..!! حنين\تفضل.. فيصل\أنتي ماعندك غير هالكلمات حنين\أي كلمات!! فيصل\عادي ..على راحتك..اللي تبي..كيفك...ماتعرفين شي غيره... حنين\ليه !!مو عاجبك كلامي...!! فيصل وبعد تنهيده\الا ...عاجبني كلامك بس يابنت الحلال..حسيسيني أنك موجوده معي..خليني ..خليني أحس أنك زوجتي..!! حنين\وش تبيني اسوي يعني!! فيصل وهو قاطع الرجا منها\ولا شي..ولاشي حنين..يالله وصلنا... في المساء يتفتح شوقي أليك.. حقلا من أزهار الجنون الليله آه تلك كل الأسوار بيننا آه بيني وبين وجهك ليل طويل من الفراق وريثما يطلع الصباح ستلفني الكوابس كالكفن وسأستقيظ كالعاده على صوتي وانا أنادي بأسمك وتحلم بك أحلامي! أيها البعيد كالمناره أيها البعيد كذكرى الطفوله أيها القريب كأنفاسي وأفكاري أحبك..أ.ح.ب.ك واصرخ بملىء صمتي أحبك وأنت وحدك ستسمعني من خلف تلك الأسوار أصرخ ..وأناديك بملىء صمني فالمساء,حين لا اسمع صوتك : مجزره والليل حين لاتعلق في شبكة احلامي:شهقة احتضار واحده المساء, وانت بعيد هكذا وأنا أقف على عتبة القلق والمسافه بيني وبين لقائك جسر من الليل لم يعد بوسعي ان اطوي الليالي بدونك لم يعد بوسعي ان اتابع تحريض الزمان البارد في المساء يقرع شوقي اليك طبوله يهب صوتك في حقولي كالموسيقى النائيه القادمه مع الريح نسمعها ولا نسمعها يهب صوتك في حقولي وأتمسك بكلماتك ووعودك مثل طفل يتمسك بطائرته الورقيه المحلقه الى أين ستقذفني رياحك!! الى أي شاطىء مجهول؟ لكني كالطفل لن أفلت الخيط وسأظل أركض بطائرة الحلم الورقيه وسأظل الاحق ظلال كلماتك ليلة 19\5 أمل.أمل الحياه.... انتظرووني أحساس |
رد: مسلسل ( تعبت أشكــــــي)..
الف شكر لكي احساس ع المجهود الرائع واسفه ع التأخير
وانتظرك بفارغ الصبر |
رد: مسلسل ( تعبت أشكــــــي)..
الف شكر لكي احساس ع المجهود ويعطيك الف عاااااااااااااااافيه
وتقبلى مرورى |
| الساعة الآن 06:06 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون