معك طعم المساء غير ومعك حتى السوالف غير
معك ياحلـو تقليـب المواجـع بيـن كفينـك
تبختر بين دقـات الخفـوق ونشـوه التفكيـر
ترا كل الحياه اصغر مـن الـى بينـى وبينـك
احس انك تجى والعشب ينبت والطيور تطيـر
احس ان السحاب يلـوم براقـه علـى يدينـك
احس بروعه الدنيا واحس ان الزمـان بخيـر
واحسك للحياه اعذب ندى منت بمثـل عينـك
اشوف الصبح لاشال الشفق هز الظلام عصيـر
واشوف الورد يضحك مابقى الا ينشدك وينـك
واشوف الريح تقبل مستخفـه دمهـا وتغيـر
تنثـر لـك شعـرك وتنتثـر سلـه رياحينـك
ورا ماترقص القمـرا بقلـب خانـه التعبيـر
مثل ماترقص الالوان فـى مسـرح فساتينـك
دخيل انشوده العشق وذنوب ترفـض التكفيـر
دخيل اخر ربيع مرنى فـى حضـن عشرينـك
انا الى نزلك من برجك العاجى وجـاك يسيـر
يمد لـك اليميـن ولا درا عـن لهفـه يمينـك
واثرك تشوفنى فى حلمك الى فى رجا التفسيـر
على ذاك الحصان الابيض الـى فـى ميادينـك
وشعرت بطعم سكينك من اول مابدى التقديـر
تمثنيت العروق قبـل اكبـر جـرح بسكينـك
لقيتك قبل ماابحث عنك فى الابراج والتبصيـر
قريتـك قبـل امـوت بلـذه قرايـه فناجيلـك
ابي للناس اسولف بك واقول الى يصير يصيـر
واحسك سالفه لـو سولفوهـا شوهـو زينـك
حشا لو تطري الفرقا مااعدك راعـى التقصيـر
عزاى انى ملك فى وقتها عرش اجمل سنينـك
يقولون الزمان اغبر وانا اقول الزمـان بخيـر
مدام الى سكن فى ناظرك ماطاح مـن عينـك

السلام عليكم ورحمه الله وبركاته


ياصباح الخير ياعطر ٍ مـلا صبحـي عبيـره..........عطر الله هالصباح اللي مـلا الدنيـا شـروق

(الأماكـن كلهـا تشتـاق) وعيونـي سهيـره..........(كل شي حولي يذكرنـي بشي)مـن الفـروق

(شوف حالي في غيابك) كل ماجابتـك سيـره...... (كنت اظن وخاب ظني)وانصدمت وكيف افـوق

والله اني رغـم بعـدك كانـت امالـي كبيـره .......... صح انا ماكنت اشوفك بس احسـك بالعـروق

يوووه يانّي كنت اموت بغيرتك واموت غيـره .......و(غيرتك من غيرك تخرب عليك)اللي تـذوق

انكسر ضي الشموس وجت ضيـاك بتستعيـره ........واستحى تقصير وصفك واستحت مني الطروق

شفت شمسي في جبينك جيت محتاج لهجيـره.......(اسمحي لي يالغرام العذب)انـا فعـلاً صـدوق

لا تسلين الجفـا لا صـارت سيوفـه شطيـره .........كيف اشوف الما بعيني واتلهـف للبـروق..!!

(بعتذر عن كل شي إلا الهوى) مالـه بريـره ..........(لا اختلفنا من يحب الثانـي اكثر)ياخلـوووق

ماانثنت رجلي عن دروبك ولو كانـت خطيـره ........الخطر عـن غايتـي صدقنـي انـه مايعـوق

بطوي دروبك ولو رجلي عن الممشـا كسيـره ....... الـدروب الكايـده صدقنـي لمثلـي تــروق

تدري ان الوقت يمضي وادري ضروفك عسيره .......بس ماادري كيف اخفّي لا بدى بالعين شـوق

(كيف نخفي حبنـا والشـوق فاضح)يستثيـره........ وفي ملامحنا ملامح ساقـت الرجليـن سـوق

ولا انا مثلي لـك الله مايعيـش إلا بضميـره .......ماعرفت اكذب وعيت نفسـي بغيـري تبـوق

(أقطع ايدي لو طلبت ان كانت ايدينـي فقيـره ......استحيت اقول ماعندي وجبت ايد وخفوق)...!!

(أشتكي لوسادتي دنيا)بهـا ضروفـي مريـره ......يوم صار الليـل وهمومـي تطوقنـي بطـوق

والشعر لا حدني كثـر الضمـا جيـت لغديـره ........وانهل اللي يطرب احساسي ولأمثالـي يلـوق

ولا غفيت إلا وعيني من رضى نفسي قريـره .........وانت لازم تعترف باللي بقالـي مـن حقـوق

والله اني تبت عن قلبـي ولا عـاد استشيـره ........بستشير العقـل لاحسيتنـي لصوتـك اتـوق

الزمـن حنـا عيوبـه لا تحملـه الجـريـره ......... حتى لو وقتي سرقني ماقطعت ايـد السـروق