|
جنة الدنيااااااااااااااااااا المال وجنة الاخرة الاعمااااااااااااااااااال
http://www.lail-alsahara.com/2007/05/544.jpg |
والله يكثّـر كـل ماهـو لـي قلـيـل
إلا العيوب .. وكل مـا نقصـه كمـال والله لا يحوجنـي لمـدات البخـيـل ويعيضني في كـل مـا حـرّم حـلال والله لا يذللنـي لسـطـان الذلـيـل والله لا يسقيني المذّلـة فـي الـزلال والله يوفقنـي الـى اختـر الخلـيـل والله يجنبنـي مجالـس قيـل .. قـال والله يساعدني علـى القـول الدليـل وستر من المنقـود والسنـة الرجـال والله يقومنـي الـى شلـت الثقـيـل ولا ينوخنـي لديـن عـبـاد مــال والله يرحمنـي عقـب عمـر طويـل وادخل مع السبعة تحـت ذاك الظـلال |
علام الوقت يصفعنا دموع تخالط المّوال
تبعثرنا مواجعنا ضياع ونجهل الترتيب.. تركنا عصرنا الحاضر ونبكي ماضي الأطلال عشقنا دمعة الزير ونسينا عزتك ياكليب.. فلا عاد الزمان اول ولا عاد الرجال رجال ولا عاد المثل يضرب بتمجيد الصقر والذيب..! صرخ فيها الصقر واصبح مجرد سلعة ٍ للمال عوى ذيب القفص واعلن سكونه بالقفص تغريب.. |
/
\ تحملت من جور الليالي بـدون قيـاس ولو حملها ميل على المتـن واوجعنـي.. وصبرا ّ على الشده شجاعه وقوه باس لكن الظـروف القاسيـه ماتطاوعنـي.. ليا اجتمعت الثنتين حاجه وشيمـه راس وهـذي تنزلنـي.. وهـذيـك ترفعـنـي.. رفعت النظر والله عطاني نظر واحساس وهي ميزه في كـل الاحـوال تنفعنـي..! |
كأنك فقـدت الحـس ياصـاح بمبـداك وتولجـت بخاطـرك مصايـب كبيـرة تحسب ان الحضارة باللبس وهي بمعناك ماتعرف ان للحضارة تعاريـف كثيـرة لاتحسب ان اللبس وكثر القروش علاك والمرجلة بعيـدة عنـك ابعـاد كبيـرة ولاتحسب ان الغير ادنى من مستـواك ولاتحسب ان اهل البراري بعقول حجيرة وهذي نصايح خوي على الدرب ماشاك من عهد الطفوله الحالمـة المستنيـرة يالله يالمعـبـود اطلـبـك وارجــاك تمحي كتابـي مـن الذنـوب الكثيـرة وتسـدد خطـاي وتراوينـي رضــاك لاجل اقضـي دنيتـي بافضـل سريـرة هذا مبدى قصيدي مـن كلمـات تعنـاك ونعـوذ بــك يالله مــن سعـيـرة وابيـك تسمعهـا وتفهمهـا وانـهـاك فيها عن عيوبك بعـون الله وتدابيـره اول نصيـحـة اخــص بسجـايـاك ماهي بسجايانا مـن اهلـك والعشيـرة وهذي سجايـا الغـرب ومنهـم عـداك اترك طباع الغرب وعقلـك وتحجيـره تاركيـن الديـن بايعـيـن شــرواك هدمـو بـلاد المسلمـيـن الكبـيـرة وصـلاة ربــي عــل الله يـهـداك علـى رسـول الله فـايـح عبـيـره |
أناقصيدي هو ونيسـي والدفاتـر والقلـم
لاضاق صدري جيتها وسميت بالله وابتديت وبعثرت همي بالقلم واوجاع قلبـي والألـم وبديت ارتّبهاعلى هيئة قصيده بيـت بيـت |
وين الأسامي يا كبار الأسامـي
الحق ضايع والمخاليـق لاهيـن.. انصفّق لياسر ونهتـف لسامـي والغرب يلعب في ضحايا فلسطين.. |
سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك !! أحبك .. رحت ادور في قواميس البشر كلمات عجزت القى حروفٍ تستريح بصدر كلماتك !! |
رد: مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟
مدامي طحـت من عيـنـك وجازيت الوفـا نكران أبـنسـى كـل ما قـد كـان يجـمـع بـيني وبـينـك أبنسى عشـرتك وأقسى على قلبي بعد ما لان وأعلــّم نفـسي القسوه مثل ما عايـشت لينــك خـلاص اللي مضى ولـّى وتاه بـعالم النـسيان عسى ربّي يـعـين اللي نـوى يـنساك ويعـيـنـــك أبي ترحل عن دروبي ولا لك في حياتي شان هذاك أول عليك أشفـق وأقـول إشتقت لك وينك |
رد: مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟
لاتشتري من حاولوا يخسرونك ولاتخسراللي فكربيوم يشريك اكبر قهر لاصار ناس يبونك وانته تبيهم بس حظك لعب فيك |
| الساعة الآن 12:05 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون