الثمن كان جهدي

[نايف]

من مراجيح الطفوله والجهل في مولـدي
للزمان اللي تردّى ماحسبنالـه حسـاب
كنت أقول الطيب يبقى والجروح بتهتـدي
لين ميزت الحقيقة وأصبح الواقع سـراب
غلطتي كانت كبيره والثمن كـان جهـدي
والطريق اللي سلكته كل مشاويره عذاب
كم رجيتـك يازمانـي لاتعكـر مرقـدي
كم تسببت بعذابي شفنـي بحـال اكتئـاب
ياعضيدي كون حازم لايغـرك مشهـدي
والدليل الحر وكره صار من حظ الغـراب
شوفها صكات بقعا من نصيب الأجـودي
والردايا ياعضيدي صاروا بحضن السحاب
ضاقت دروب العطايا عن هكالوجه الندي
وللوجيه الجرهدية ينفتـح ألفيـن بـاب
يفتل أشنابه كبير الشان ثـم راح يعـدي
ماتنال من الوعد ياكود لمحات السـراب
الرجل لو عاش عمره وش نصيبه يابعدي
يكتفي بالقطعه البيضا مع حفنـة تـراب
جعل رجل(ن) ماسعى للطيب ليله سرمدي
ينجلي ليل الفرح .. ويسود بعيونه الخراب
الوفا والطيب والشيمه تراهـا مقصـدي
مايجنبني دروب الطيب تكثيـف الضبـاب
والصبر دامه جوادي والرسن صار بيدي
الرجا بالوالي المعبـود حـلال النشـاب
وياكفوفي لو نخيتـك لاترديـن أجـودي
جمليني وارفعيني واسلكي درب الصـواب

[دمعة وله]

الرجا بالوالي المعبـود حـلال النشـاب
وياكفوفي لو نخيتـك لاترديـن أجـودي
جمليني وارفعيني واسلكي درب الصواب

صح لسانك عزيزي نايف....
بصراحه قصيده رائعه من انسان رائع
في انتظار الميزيز من مواضيعك ...
تحيااااااااتيــ..ـلك

[القصيده]

صح لسانك واعتلا شانك

أخوي نايف ... كتبت فأبدعت

إسمح لي بالرد على قصيدتك بكلمات متواضعة وأقول

ياخوي من خلقك الله وخلق الله شهود إنك الشهم النظيف المستقيم
عن دروب الدون يمنعك العفاف والوقار لخالق الكون الحكيم

لك مني أصدق تحية

[الـسفيرة..؟]

صح السانك أخي نايف على هذه القصيدة الرائعة بانتظار جديدك
تقبل تحياتي

[الأمير / سعود بن سعد]

اخوي


نــايف

صــح لسانك


وسلمت يمينك

[كاف يار]

الوفا والطيب والشيمـه تراهـا مقصـدي
مايجنبني دروب الطيب تكثيـف الضبـاب
والصبر دامه جوادي والرسن صار بيدي
الرجا بالوالي المعبـود حـلال النشـاب

مدري وش اقول بالضبط بس ورررررربي ابداااع

صح لسانك

بها من الروعه والآلم والحكم

مايجعلنا نقف لنتأمل


فعذرني لو اطلت الوقوف

لا عدمنا هذا الألق

ولا عدمنا هذا الحضور

ولا عدمنا هذا النااااايف

الــــــــحنون

[فواز المالحي]

الرجل لو عاش عمره وش نصيبه يابعدي
يكتفي بالقطعه البيضا مـع حفنـة تـراب

الله الله الله ياسلام عليك يانايف .... روعه والله كلمات من القلب الى القلب .

احترامي ياعسل ،،،

[نايف]

اختي روان
صح بدنك
واشكر لك مرورك على مشاركتي
وردك الجميل
لاهنتي

[نايف]

اختي القصيده
صح بدنك ... وكلمات الشكر تعجز على ان توفيك حقك يا الغاليه
اخجلتيني بكلامك الجميل
لك مني كل الود والتقدير

[نايف]

اختي السفيره
صح بدنك
ولاهنتي على مرورك ودرك
لك كل الاحترام والتقدير

[نايف]

اخوي الامير سعود
اول شي اقول لك الف الف الحمدلله على السلامه
ونوّرت بنورك المنتدى قبل لا تنور مشاركتي
صح بدنك
ولاهنت يا الغالي

[نايف]

القلب الحنون
صح بدنك
اخجلني ردك وتلك الكلمات التي قلتها في
وما انا الا بتلميذ يتعلم التألق منكم
بارك الله فيك
لك كل الوّد والتقدير

[نايف]

الاخ الشاعر فواز المالحي
صح بدنك
ولاهنت يا الغالي على مرورك وردك
التميز لكم وفقك الله
لك ودي واحترامي اخوي فواز

[999]

اخــوي نايف

صح لسانك على هالابيات الرائعه
واللــه يعطيك الف عافيه
ولا هنت يا الغالي

دمت بوووود
وحيـــد

[نايف]

نوّرت المشاركه اخوي وحيد
وصح بدنك .... ولاهنت
لك كل التقدير والاحترام