{..Rashh DaFa..•~
05-04-2008, 12:48 PM
ياليال الحزن قولي من همومي وش بقالي
خبريني كان باقي لي حزن ودي اشيله
من عرفتك ضاق صدري والقلب يصلاه صالي
والفرح من يوم جيتي اعتذر واعلن رحيله
قلت ابصبر في البدايه واثر صبري من هبالي
مادريت ان الحزن والهم غازيني بخيله
فجأة حلو بقلبي والقلب من قبل خالي
مايعرف الحزن ساعة والفرح دوم(ن) حصيله
ومن لفوني حملوني حمل ماتشيله جمالي
بس شال القلب حمل(ن) ماهقيت انه يشيله
..................................................
..................................................
طال صبري طال لين انه نفذ منه احتمالي
ولو ضحكت مجامله روحي من اللوعة عليله
الله اعلم يانصيبي ويش تخفيه الليالي
هي سعادة او تعاسه هي كثيره او قليله
هي بدايه او نهايه هو يصير المر حالي
هو يلوح البارق اللي منوة اعيوني تخيله
يازماني وين اوجه كان شديت الرحالي
وش نهاية رحلة اللي تاه ماحصل خليله
كل ماقدمت خطوة صار في وجهي جبالي
وكل مامديت طرفي قلت مابليد حيله
والموارد صار ماها مر علقم ماصفالي
انظر الصافي بعيني بس مدري كيف اجيله
وكل مامديت حبلي للامل تقصر حبالي
وكل مافكرت بمرن صار سابع مستحيله
وكل ماجيت اتقهوى تنتثر احلى دلالي
بعد مابهرتها بالزعفران وزاد هيله
زاد حزني فوق همي وصبحت مثل التلالي
صرت بير(ن) مابقى من معلّمه غير النثيله
وحزني اللي صار فارس مثل ابا زيد الهلالي
لا رمى بالرمح راسي غصب عني انحنيله
من عرفته راح وقتي كل وقتي في قتالي
ان ضحكت ادميت جرحه وان بكيت اشفى غليله
ومن صبر قالوا ظفر واللي ظفر يرقى المعالي
والردي ماصار فارس لو ركب فوق الاصيله
والمواقف تطلع الرجال من بين الرجالي
وكل وادي يعرفون اهل البلد وجهة مسيله
.................................................
................................................
ماقتلني حب بنت(ن) زايدن فيها الجمالي
ولا سهرت الليل احاتي وينها ام الجديله
ايه احب الناس حب(ن) واعتبره انه خيالي
في زمان(ن) كثروا اصحاب المصالح والرذيله
وان ضحك لي طفل مره قلت هذا راس مالي
البراءه في عيونه ماعرف غدرٍ وحيله.............................................
خبريني كان باقي لي حزن ودي اشيله
من عرفتك ضاق صدري والقلب يصلاه صالي
والفرح من يوم جيتي اعتذر واعلن رحيله
قلت ابصبر في البدايه واثر صبري من هبالي
مادريت ان الحزن والهم غازيني بخيله
فجأة حلو بقلبي والقلب من قبل خالي
مايعرف الحزن ساعة والفرح دوم(ن) حصيله
ومن لفوني حملوني حمل ماتشيله جمالي
بس شال القلب حمل(ن) ماهقيت انه يشيله
..................................................
..................................................
طال صبري طال لين انه نفذ منه احتمالي
ولو ضحكت مجامله روحي من اللوعة عليله
الله اعلم يانصيبي ويش تخفيه الليالي
هي سعادة او تعاسه هي كثيره او قليله
هي بدايه او نهايه هو يصير المر حالي
هو يلوح البارق اللي منوة اعيوني تخيله
يازماني وين اوجه كان شديت الرحالي
وش نهاية رحلة اللي تاه ماحصل خليله
كل ماقدمت خطوة صار في وجهي جبالي
وكل مامديت طرفي قلت مابليد حيله
والموارد صار ماها مر علقم ماصفالي
انظر الصافي بعيني بس مدري كيف اجيله
وكل مامديت حبلي للامل تقصر حبالي
وكل مافكرت بمرن صار سابع مستحيله
وكل ماجيت اتقهوى تنتثر احلى دلالي
بعد مابهرتها بالزعفران وزاد هيله
زاد حزني فوق همي وصبحت مثل التلالي
صرت بير(ن) مابقى من معلّمه غير النثيله
وحزني اللي صار فارس مثل ابا زيد الهلالي
لا رمى بالرمح راسي غصب عني انحنيله
من عرفته راح وقتي كل وقتي في قتالي
ان ضحكت ادميت جرحه وان بكيت اشفى غليله
ومن صبر قالوا ظفر واللي ظفر يرقى المعالي
والردي ماصار فارس لو ركب فوق الاصيله
والمواقف تطلع الرجال من بين الرجالي
وكل وادي يعرفون اهل البلد وجهة مسيله
.................................................
................................................
ماقتلني حب بنت(ن) زايدن فيها الجمالي
ولا سهرت الليل احاتي وينها ام الجديله
ايه احب الناس حب(ن) واعتبره انه خيالي
في زمان(ن) كثروا اصحاب المصالح والرذيله
وان ضحك لي طفل مره قلت هذا راس مالي
البراءه في عيونه ماعرف غدرٍ وحيله.............................................