__________
02-26-2006, 07:06 AM
السلام عليكم ورحمة الله وبركاته
يوم جت بنت الاكابر تستثيـر الشـوق فيّـه =
مالقت بي غير جرحٍ من طعون الوقت دامـي
واستفزتني وانا اللي مالبس ثـوب الخطيـه =
يوم مرتني وغصن اليوسفيـه غـض نامـي
كن في نظـرة هدبهـا يـوم لـدت جاذبيّـه =
تفتن العقل اللبيب وتسحر الرجـل العصامـي
قلت ابابـدا بالسـلام وكـان ردّت بالتحيـه =
باختصر كل الـدروب وباحتويهـا باهتمامـي
وكان شفت بها خفوقٍ يتبـع الجيـه بجيّـه =
باقبل بخطوات واثق وافصح لها عن غرامـي
وكان شفت بها غـرور وكبريـاء وعنهجيـه =
باشعل العزه بصدري وانتخي باغلى الاسامي
لين اعلمها طبـاع البـدو ورجـال الحميـه =
يوم واحدهم يموت ولاخضع لو كـان ضامـي
واقبلت يمي بصمـت وعينهـا تشـر عليـه =
واختلفت وضعت بين ورودها وتفـاح شامـي
قالت شفيك ليـه مابـك للمواجـه مقدريـه =
والا دبّ الخوف فيك وخايف اجرح في كلامي
قلـت لاوالله مانـي حاسـب لهـذي وذيـه =
مايذل الا الضعيـف ولايخـاف الا الحرامـي
والا انا رجلٍ عزيز النفس لو حالـي شقيـه =
واضح وكلي شموخ ومبدأي يابنـت سامـي
قالت ابغا اسألك وابغا منـك اجابـه واقعيـه =
ليه ثارت بك جروحك وانـت رجّـالٍ نظامـي
قلت مادام السؤال عـن الجـروح السرمديـه =
جيتك بخطوة كريـمٍ حـل فـي دار الكرامـي
شاف بيت الشيخ واقبل يوم شاف النار حيّـه =
رجل عِرْف ولايدوّر غيـر للنـاس الحشامـي
ايه انا واخـذي كلامـي واسمعينـي يابنيّـه =
بعترفلك واعترافي مـو بضعـفٍ وانهزامـي
كنت انا في مامضالي عايـشٍ عيشـه هنيـه =
عزتي تسمو وفعل الطيب يفـرض احترامـي
كان لي حلم وطمـوح وبالعطـا كفّـي نديـه =
ماعرفت الشح يوم البخـل مايملـك زمامـي
كنت اصـارع للبقـاء ولابقـى فينـي بقيـه =
كنت اجابه والسموم تلفّنـي والقيـظ حامـي
ليـن لوّعنـي زمـانٍ مابقلبـه مرحمـيّـه =
نقّض جروحي عليُّ وْصابني بسهـام رامـي
وابتدا همّي يزيد وضاع حلمـي مـن يديّـه =
لين شفت الجرح تلو الجرح ينهش في عظامي
وقلت اداريها جروحٍ في ثرى صـدري خفيّـه =
عل نـارٍ اشعلتهـا تنطفـي بـرد وسلامـي
لكن ابطت بي جروحي والخوي يلحق خويـه =
كنها تعشق خفوقـي واتّمـادى فـي هيامـي
لين صرت اليـوم تايـه لاشـداد ولامطيـه =
وان كتبت ابيات زادوا عاذليني فـي ملامـي
يحسدوني يوم اصوغ الجرح بحروف ابجديـه =
من رداهم والا انا اللي رافـعٍ ربـي مقامـي
ماكتبت الشعر لجل يشار لـي بيـن البريـه =
هذا شاعر وانا اقول الشعر ورثٍ من عمامـي
ولاكتبت الشعر لجل استعطف قلـوبٍ خليـه =
بين ناسٍ ماتفـرق فـي حـلال ولاحرامـي
القصايد عندي اغلى من قصـور الواصليـه =
قدرها عنـدي رفيـع وبالجواهـر ماتسامـي
ماصخيت ابهـا لوجـهٍ بيّنـت فيـه الرديـه =
حالـفٍ لا ماتسـاق الا علـى حـرٍّ قطامـي
وانعزلت وعن عذولي مبتعـد وآخـذ نحيـه =
دام انا اللي في طريق العز منصوبه خيامـي
وعقب هذا يوم جيتي وش لقيتي بـسْ فيّـه =
مالقيتي غير جرحٍ من طعون الوقـت دامـي
يوم جت بنت الاكابر تستثيـر الشـوق فيّـه =
مالقت بي غير جرحٍ من طعون الوقت دامـي
واستفزتني وانا اللي مالبس ثـوب الخطيـه =
يوم مرتني وغصن اليوسفيـه غـض نامـي
كن في نظـرة هدبهـا يـوم لـدت جاذبيّـه =
تفتن العقل اللبيب وتسحر الرجـل العصامـي
قلت ابابـدا بالسـلام وكـان ردّت بالتحيـه =
باختصر كل الـدروب وباحتويهـا باهتمامـي
وكان شفت بها خفوقٍ يتبـع الجيـه بجيّـه =
باقبل بخطوات واثق وافصح لها عن غرامـي
وكان شفت بها غـرور وكبريـاء وعنهجيـه =
باشعل العزه بصدري وانتخي باغلى الاسامي
لين اعلمها طبـاع البـدو ورجـال الحميـه =
يوم واحدهم يموت ولاخضع لو كـان ضامـي
واقبلت يمي بصمـت وعينهـا تشـر عليـه =
واختلفت وضعت بين ورودها وتفـاح شامـي
قالت شفيك ليـه مابـك للمواجـه مقدريـه =
والا دبّ الخوف فيك وخايف اجرح في كلامي
قلـت لاوالله مانـي حاسـب لهـذي وذيـه =
مايذل الا الضعيـف ولايخـاف الا الحرامـي
والا انا رجلٍ عزيز النفس لو حالـي شقيـه =
واضح وكلي شموخ ومبدأي يابنـت سامـي
قالت ابغا اسألك وابغا منـك اجابـه واقعيـه =
ليه ثارت بك جروحك وانـت رجّـالٍ نظامـي
قلت مادام السؤال عـن الجـروح السرمديـه =
جيتك بخطوة كريـمٍ حـل فـي دار الكرامـي
شاف بيت الشيخ واقبل يوم شاف النار حيّـه =
رجل عِرْف ولايدوّر غيـر للنـاس الحشامـي
ايه انا واخـذي كلامـي واسمعينـي يابنيّـه =
بعترفلك واعترافي مـو بضعـفٍ وانهزامـي
كنت انا في مامضالي عايـشٍ عيشـه هنيـه =
عزتي تسمو وفعل الطيب يفـرض احترامـي
كان لي حلم وطمـوح وبالعطـا كفّـي نديـه =
ماعرفت الشح يوم البخـل مايملـك زمامـي
كنت اصـارع للبقـاء ولابقـى فينـي بقيـه =
كنت اجابه والسموم تلفّنـي والقيـظ حامـي
ليـن لوّعنـي زمـانٍ مابقلبـه مرحمـيّـه =
نقّض جروحي عليُّ وْصابني بسهـام رامـي
وابتدا همّي يزيد وضاع حلمـي مـن يديّـه =
لين شفت الجرح تلو الجرح ينهش في عظامي
وقلت اداريها جروحٍ في ثرى صـدري خفيّـه =
عل نـارٍ اشعلتهـا تنطفـي بـرد وسلامـي
لكن ابطت بي جروحي والخوي يلحق خويـه =
كنها تعشق خفوقـي واتّمـادى فـي هيامـي
لين صرت اليـوم تايـه لاشـداد ولامطيـه =
وان كتبت ابيات زادوا عاذليني فـي ملامـي
يحسدوني يوم اصوغ الجرح بحروف ابجديـه =
من رداهم والا انا اللي رافـعٍ ربـي مقامـي
ماكتبت الشعر لجل يشار لـي بيـن البريـه =
هذا شاعر وانا اقول الشعر ورثٍ من عمامـي
ولاكتبت الشعر لجل استعطف قلـوبٍ خليـه =
بين ناسٍ ماتفـرق فـي حـلال ولاحرامـي
القصايد عندي اغلى من قصـور الواصليـه =
قدرها عنـدي رفيـع وبالجواهـر ماتسامـي
ماصخيت ابهـا لوجـهٍ بيّنـت فيـه الرديـه =
حالـفٍ لا ماتسـاق الا علـى حـرٍّ قطامـي
وانعزلت وعن عذولي مبتعـد وآخـذ نحيـه =
دام انا اللي في طريق العز منصوبه خيامـي
وعقب هذا يوم جيتي وش لقيتي بـسْ فيّـه =
مالقيتي غير جرحٍ من طعون الوقـت دامـي