شموع و دموع

[مــجــنــو نــهــا]

الليله ذكرى ثلاث سنين من يوم افترقنا..
الليله تذكرت أحلى سنين من يوم تفارقنا..
الليله وكل ليله أشعل شمعه و أخليها..
أراقبها أنا والليل..
تتعذب .. تشعل ظلامي .. و تموت..
و أتذكر بمعاناتها معاناتي..
تواسيني بشجنها..
و أواسيها بألحاني..
تلعب بلهيبها رياح الليل..
و تتمايل مع هبايب الريح..
مثل جفني..
كلما حاولت أغفي..
تلعب به رياح الليل..
و يفز .. يودع راحتي و الأمان..
فتيل الشمعه كأنه لا نهائي..
و فتيل جفني ذكريات و أماني..
مثل هذي الليله .. كتبنا بدموع الشغف حكايتنا..
شخصين في العالم .. احبو بعضهم بجنون..
و عاشو ربيع العمر ولا يدرون..
ان السعاده مجرد لحظه..
و حكايتهم نجمه في مجره..
غيرها آلاف النجوم..
تتعذب .. تشعل الظلام .. وتموت..
الليله ذكرى ثلاث سنين.. لياليها شموع..
تتعذب و أتعذب..
تشعل ظلامي .. و يسهر غرامي..
وتموت الشمعه .. وتحيا الدمعه..
على خد عاشق ما لقى غير الهموم..
يرسل على أطياف الحنين آهات مكتومه..
يكتب لحبه القديم أبيات مغبونه..
يكتبها على صفحة الفضاء .. وتضيع..
ينقشها على صخر القفار .. وتضيع..
مسكين يا حرفي الشقي أفناك الضياع..
مشرد و غريب .. لا ثريا و لا قاع..
و مسكين يا عاشق وهم أفنيت الدموع..
تنثر دموعك قهر و تخطفها الشموع..
و تضيع مع نورها..
و تتعذب .. و تشعل ظلامك .. وتموت..
مثل هذي الليله .. من ثلاث سنين تفارقنا..
كان مع الفراق موعدنا..
توادعنا .. و ودعنا آخر فصول الروايه..
كتبنا بدموع الحسره كلمة النهايه..
و تفارقنا..
و تركنا على صفحات الأيام شمعه..
تضوي ظلام الذكريات..
و تسامرنا في الأمسيات..
و تجلي عن العيون السبات..
و تداعب في دواخلنا الأمنيات..
اننا في يوم من الأيام تلتقي أقدارنا..
و نكتب على جبين الدنيا روايه جديده..
أنتي فيها البدايه و النهايه..
و أنا عاشق يعيش كل أيامه سعيده..
و انتي يا أحلى ما في الوجود..
تخطين بابتسامتك فصول الروايه..
ونعيد كتابة الأحداث من البدايه..
لا عتاب ولا فراق..
كلها وصل و اشتياق..
لكنها أمنيه.. و أحلى أمنيه..
أشعلتها شموع..
و قتلتها دموع..
حبيبتي..
هذي الأمنيه.. في كل ليله..
تتعذب .. وتشعل ظلامي .. وتموت..

[لعيوون الغلا]

صح لســـآنك وسلمت يمنـــــآك .. اخــوي مجنـــونهآ ..

كلمات رائــــعه وطله اروووع ..

الله يعطيك الف عــــــــــآفيه ولا يحرمنا طلاتك ولك احلى تحيـــــــــه ..

[عـــ القوافي ــذب]

مجنونها

صح لسانك اخووي

كلمات رائعه وجميله

يعطيك العافيه

ننتظر جديدك

ودمت بود

.

[محمد الحجاوي]

الله يسلميك وليكي احله مشاركه
بارك الله بك , شكراً أختي الكريمه
تقبلوا خالص تحياتي
أخوكم:محمدالحجاوي

[مــجــنــو نــهــا]

السلام عليكم ورحمة الله وبركاته

اخوي لعيون الغلا
اخوي عذب القوافي
اخوي محمد الحجاوي
الله يعطيكم العافيه على مروركم لقراءة خاطرتي وهذا بعض ما عندكم
تقبلوا خالص تحياتي
أخوكم مجنونها

ملاحظه
اخوي محمد انا ولد fish

[محمد الحجاوي]

انا
اسف جدأأأأأأأ
والله العظيم
ما كنت اعرف
انا اسف جدأأأأأأأأأ
تقبلوا خالص تحياتي
أخوكم

[مــجــنــو نــهــا]

اسفك مقبووول ياغالي ما بين الاخوان عتب
تقبل فائق احترامي جلا ملا يسهو