الأمير / سعود بن سعد
11-16-2006, 12:21 PM
بنت نجد الزين فيها والدلـع مابـه مثيلـه=الرزينه والجميلـه وافيـه كـل الخصايـل
بنت نجد وكنّها ورد القرنفـل فـي خميلـه=وردةٍ ماهي ورود المزهريـه فـي الخمايـل
بنت نجد ليا مشت يطرق على ردفه جديله=كنّه الليل ليا فلّت فوق الامتـان الجدايـل
بنت نجد ليا حكت كن الشهد مدرج مسيله=والشفايف جمرتين وهمسها يشفي العلايـل
بنت نجد عيونها حرّ علـى راس الطويلـه=عين حرٍ فوق رجمه ماحـد للحـر طايـل
بنت نجد برمشها لاسلهمـت والله قتيلـه=تذبح اللي شافها ماقلت انا عندي دلايـل
بنت نجد وثوبها يخجل من الجسم ويشيلـه=يستحي كنّه يقول اخشى على زين الدلايل
بنت نجد وطبعها يحكي لنـا مليـون ليلـه=كنّه مألف كتـاب لشهـرزاد ام الجمايـل
بنت نجد محشمه لا هي قصيـر ولا طويلـه=زين مع عفّه وطهر وزود من نسل الحمايـل
بنت نجد وحظ منهو صارت لشوفه حليلـه=اشهد انه اسعد العالم عسف زين الاصايـل
بنت نجد احلى البنات بكل مافيهـا جميلـه=لو تدوّر في البلاد ولو تدوّر فـي القباايـل
بنت نجد حروف شعري يوم اوصّفها قليله=ماوفيت بحقّها في الوصف مار ابدي الحصايل
بنت نجد وبنت نجد وبنت نجد انتي اصيلـه=قلتها يوم ان قلبي مع بنيّـت نجـد مايـل
بنت نجد وكنّها ورد القرنفـل فـي خميلـه=وردةٍ ماهي ورود المزهريـه فـي الخمايـل
بنت نجد ليا مشت يطرق على ردفه جديله=كنّه الليل ليا فلّت فوق الامتـان الجدايـل
بنت نجد ليا حكت كن الشهد مدرج مسيله=والشفايف جمرتين وهمسها يشفي العلايـل
بنت نجد عيونها حرّ علـى راس الطويلـه=عين حرٍ فوق رجمه ماحـد للحـر طايـل
بنت نجد برمشها لاسلهمـت والله قتيلـه=تذبح اللي شافها ماقلت انا عندي دلايـل
بنت نجد وثوبها يخجل من الجسم ويشيلـه=يستحي كنّه يقول اخشى على زين الدلايل
بنت نجد وطبعها يحكي لنـا مليـون ليلـه=كنّه مألف كتـاب لشهـرزاد ام الجمايـل
بنت نجد محشمه لا هي قصيـر ولا طويلـه=زين مع عفّه وطهر وزود من نسل الحمايـل
بنت نجد وحظ منهو صارت لشوفه حليلـه=اشهد انه اسعد العالم عسف زين الاصايـل
بنت نجد احلى البنات بكل مافيهـا جميلـه=لو تدوّر في البلاد ولو تدوّر فـي القباايـل
بنت نجد حروف شعري يوم اوصّفها قليله=ماوفيت بحقّها في الوصف مار ابدي الحصايل
بنت نجد وبنت نجد وبنت نجد انتي اصيلـه=قلتها يوم ان قلبي مع بنيّـت نجـد مايـل