)()( رب جنيف ورب الرياض سبحانه واحد )()( وش اللي فرق والا موضتنا غير

[ClassiCal Class]

السلام عليكم ورحمة الله

هذه قصة حصلت في مطار الملك خالد الدولي في الرياض

من رواية قريب لي يشتغل في الخطوط السعودية

أسم الموظف (( محمد )) عشان الاختصار في السالفه

المهم يقول محمد :

كنت مستلم طائره قادمة من جنيف أخلص اوراقها واتأكد من نزول جميع الركاب منها

واثناء اكتمال نزول جميع الركاب
طلبني سوبر فايزر المضيفين على جهاز الارسال يقول في اثنين من الركاب عيوا ينزلون

قال محمد : وش السبب ؟؟

قال المضيف : هما رجل وامرائته ... والمرأه تقول العباة في الشنطه تحت مع العفش ((( يا حلاوتك )))

قال محمد : طيب والمطلوب ؟؟

قال المضيف : انو الرجال يقول خلونا في الطائره لحد ما يجي اخوي معه العباة والا خلصوا امور العفش وطلعوا عباة حرمتي

قال محمد : لا حنا منتظرين الاخو اللي معه العباة.... والعفش راح يمشي على النظام ...... واذا ما نزلوا اللحين راح يكون شئ فوق الحسبان (( رب الرياض غير رب جنيف )) ينزلون يعني ينزلون والا راح استدعي القوات الجوية تتصرف مع الموضوع

شوي والا ينزل الاخ ومعه حرمته (( المصون ))

عاد يقول محمد يوم شفتها لاعت كبدي كنها سيلانيه لو هو ساتر على عمره ومنزلها من قبل بدون مشاكل ما احد درى انها سعودية والا لا


وحبيت اطرح لكم السالفه والله الله بالردود خوذوا راحتكم كل واحد يقول وجهة نظره

وتقبلوا أجمل تحية

[دمعة وله]

ClassiCal Class:

لا حوله ولا قوه الابالله

الله يهديهم ويهدينا

الفروض يخافو من الله قبل الناس

انا سمعت كثير من السعودية خاصة النساء لا طلعو الطاير فسخو العبااااة

لانه هنا في السعودية في هيئة ماايخافو الا منها معاد همهم الدين

الله يحفظنا

يعطيك العافيه اخوي

وشكرا لك على الموضوع

ودمت بخير

دمعة وله

[كويتيه تحب السعودية]

يسلموووو كلووووووس على هالمشاركه والله شقوولك كلوووس
الله يستر على امت محمد بس بصراااحه يعنى بسعوديه البعض يلبس
العبايه من حد عليها يعنى غصب عنه وليسه ستر ولما تطلع بره تلبس لبسها
العادى لانه انتوا بديرتكم عاداتكم وتقاليدكم غير
يعنى احنا لما نجى لازم نلبس لثام ونتغطى وع انا بديرتنا عادى
من وجهت نظرى يا خووى لو انها مدينه او انه ماخذتها ستر صح كلامك
واذا شئ مقصووبه عليه هذى صعبه ولا انت شراااايك؟


محبتكم

[ClassiCal Class]

دمعة وله و كويتيه

ممتن لكم على مروركم وردودكم كل الامتنان

على ما فهمته انو كلكم تتمحورون حول انها مغصوبه على اللبس في الرياض

انا متفق معكم انها مغصوبه هي وغيرها ... من شروط الاقامة في الدوله للنساء لبس العباة في الاماكن العامه

لكن فيه نقطه الا وهي لحظة وصولها للرياض مسموح لها انها تنزل بدون عباة وتجلس في المطار او حتى تروح بيتها اذا هي مضطره يعني ما فيها مشاكل بنزولها من ناحية النظام

لكن فيه مشاكل بنزولها من ناحية حالتها النفسيه والعادة اللي تعودت عليها ويمكن بعد كل هالمشكله من زوجها ( بحيث انه جوا الديره فيه (( غيرره )) وبرا الديره ما فيه )

وارجع اقوووول مشكوووورين على مروركم كل الشكر

وتقبلوووووووووووووووووووووووا أجمل تحية

[أميرالقوافي]

مرحبااااااا


فيه بعض الناس اذا سافرووو خارج المملكه


بااعو انفسهم بتراااب وانتم بكراامه والسبب

تخلاا عن عاداته الاسلاميه والواجبات

ومن امثلتهم قصه اللي قالها اخوي ClassiCal Class

ثاني شي فوقه حساب وعقاب وهذي الفئه وصفها

الرسول صلى الله عليه وسلم بــ(الديوث)




لكن ما نقول غير الله يهديهم



تقبل احتراامي

[ClassiCal Class]

الله الله يا بيوت القصايد

ومشكور على مرورك وردك

وتقبل أجمل تحية

[كــويــ عـشـقي ــتيـه]

>>> مايحب السفر كلشششششششششش
يعني مرور فقط واقولك يسلمووو دياتك على هالسالفه

[ClassiCal Class]

حيااااك عشقي

وتقبل أجمل تحية