كاف يار
09-15-2006, 09:34 PM
مقدمه
صحيح شاعر والشعر محتويني =وأدري أحاسيسي أحاسيس شاعر
والموت ماهو موت الأحساس فيني=الموت أحساسي بموت المشاعر
http://music.6arab.com/3abdo..ma3ad-badry1.ram
ياكثر مارددت ودى وودي=واللي بودي ماحصل لو تمناه
لاجيت أحقق ودى الوقت ضدى=وأن قلت ودى جاتني منه غاراه
تقصف أمانيي وانا قول هدى=هدى زمانك خالف العرف ممشاه
يمسى يقول ان المنى ملك يدى=ويصبح حياتي كلها ملك يمناه
حتى الحلم لو كان من عذب مدى=يسرق خياله قبل الاعماق ترواه
وان قلت أبي حلمي غدى الكل ندى=حتى الوجوه اللي تبسم لي شفاه
لا ناظرتنى نظرته في تحدى=مدري علام الناس وش فيه وش جاه
نقيضها المذهل للأعماق هدى=وماعدت أميز داني القوم وأقصاه
وبالجو لي نظره اذا الطرف لدى=أشوف منها معجم الوقت واقراه
اقري به أصنام ٍ على كل حدى=وأشباح وأشكال ٍ غريبه وأشباه
والصرخة اللي صوتها مايودى=مكنونها شيله على أشناب شرواه
والحارس اللي بين جيد ٍ و قدى=يسرق عبايرها وهى تحمي أرجاه
تعطيه من عطره مع الورد ندى=وهو في جناب الليل يطعن محياه
بالمختصر معذور لو باح سدى=دام الأمل محسود في حلـم لقيـاه
شي ٍ يخلي هامـت الشـوق تنـدى=دمع ٍ على خد القمر ينثـر أشـلاه
واللي بودى حدنى غصـب حـدى=على التمنى بين لولا ولولاه
أسهر وأردد أسمها دون عدى=وأنسى شواطي رحلت العمر وياه
وأسلى معه ما بين مزح ٍ وجـدى=وأهمس له بصوت ٍ من الوجد لباه
وأقول أقرب وأمسك أرجوك يدي =لاتسري الفرحه والايام عجلاه
ولا تحسبنـى بالعمـر تـو أهـدى=راحت حياتي وأجمل العمر فتناه
ياودى اللـي ماحصـل منـك ودى=ليه الحلم ننساه من قبل نصحـاه
وياليت حلمي بيـن عينـي وخـدى=منزاله جفونـي والوجـان مفـلاه
يسرح ويمرح في خيالـي وسهـدى=واليا حضر قلبي من الشوق حيـاه
وأقول منهو بالله اليوم قدى=له صاحب ٍ يضحك على البدر لو جاه
الصاحب اللي له خفوقي مـودى=ولوهو مجافني عسى الـروح تفـداه
ويفداه قلب ٍ جاوز اليوم حدى=ينوح بأسمـه كـل مامـر طريـاه
قلب ٍ عجز لا يخدعه كل قدى=لو ميلت قدام عينه تحاشاه
قلب ٍحنون وقال ياهوووه ودى=أحظن خيالك لو بالاحلام والقاه
القلب الحنون
صحيح شاعر والشعر محتويني =وأدري أحاسيسي أحاسيس شاعر
والموت ماهو موت الأحساس فيني=الموت أحساسي بموت المشاعر
http://music.6arab.com/3abdo..ma3ad-badry1.ram
ياكثر مارددت ودى وودي=واللي بودي ماحصل لو تمناه
لاجيت أحقق ودى الوقت ضدى=وأن قلت ودى جاتني منه غاراه
تقصف أمانيي وانا قول هدى=هدى زمانك خالف العرف ممشاه
يمسى يقول ان المنى ملك يدى=ويصبح حياتي كلها ملك يمناه
حتى الحلم لو كان من عذب مدى=يسرق خياله قبل الاعماق ترواه
وان قلت أبي حلمي غدى الكل ندى=حتى الوجوه اللي تبسم لي شفاه
لا ناظرتنى نظرته في تحدى=مدري علام الناس وش فيه وش جاه
نقيضها المذهل للأعماق هدى=وماعدت أميز داني القوم وأقصاه
وبالجو لي نظره اذا الطرف لدى=أشوف منها معجم الوقت واقراه
اقري به أصنام ٍ على كل حدى=وأشباح وأشكال ٍ غريبه وأشباه
والصرخة اللي صوتها مايودى=مكنونها شيله على أشناب شرواه
والحارس اللي بين جيد ٍ و قدى=يسرق عبايرها وهى تحمي أرجاه
تعطيه من عطره مع الورد ندى=وهو في جناب الليل يطعن محياه
بالمختصر معذور لو باح سدى=دام الأمل محسود في حلـم لقيـاه
شي ٍ يخلي هامـت الشـوق تنـدى=دمع ٍ على خد القمر ينثـر أشـلاه
واللي بودى حدنى غصـب حـدى=على التمنى بين لولا ولولاه
أسهر وأردد أسمها دون عدى=وأنسى شواطي رحلت العمر وياه
وأسلى معه ما بين مزح ٍ وجـدى=وأهمس له بصوت ٍ من الوجد لباه
وأقول أقرب وأمسك أرجوك يدي =لاتسري الفرحه والايام عجلاه
ولا تحسبنـى بالعمـر تـو أهـدى=راحت حياتي وأجمل العمر فتناه
ياودى اللـي ماحصـل منـك ودى=ليه الحلم ننساه من قبل نصحـاه
وياليت حلمي بيـن عينـي وخـدى=منزاله جفونـي والوجـان مفـلاه
يسرح ويمرح في خيالـي وسهـدى=واليا حضر قلبي من الشوق حيـاه
وأقول منهو بالله اليوم قدى=له صاحب ٍ يضحك على البدر لو جاه
الصاحب اللي له خفوقي مـودى=ولوهو مجافني عسى الـروح تفـداه
ويفداه قلب ٍ جاوز اليوم حدى=ينوح بأسمـه كـل مامـر طريـاه
قلب ٍ عجز لا يخدعه كل قدى=لو ميلت قدام عينه تحاشاه
قلب ٍحنون وقال ياهوووه ودى=أحظن خيالك لو بالاحلام والقاه
القلب الحنون