مات الجمر

[جيتك بقايا حي]

مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه

فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب



الشاعر :: حمد السعيد

[دمعة وله]

كلمات في في قمة الرووعه

سلمت اناملك جيتك
وصح لسان الشاعر حمد السعيد

[الهاشمية]

http://www.dm3twlh.com/up/files/xg0s5pnwcv500bw6soah.jpg

راح العمر ما بين روحه وجيه
يا كثر غلطاتي ولا نيب هايب

http://www.dm3twlh.com/up/files/ofqi8sudu5e9009zby2i.gif

شب الجمر (http://www.dm3twlh.com/vb/showthread.php?t=28781) ما دام الاشواق حيه
وطف العتب والعمر ضحك ومصايب

http://www.dm3twlh.com/up/files/2gleuwf00pgo626mlek1.jpg

يسعدلي قلبك ماننحرم من ابداااعك

[جيتك بقايا حي]

دمعة وله شكرآ لحضورك

[جيتك بقايا حي]

الهاشميه
شكرآ ايضآ لحضورك

[اسيرالقدر]

يسلمو جيتك

يعطيك العافبه

تقبل مروري

[جيتك بقايا حي]

شكرآ اخوي اسير القدر لتعطيرك متصفحي