القلب يحزن والمدامع غزيرة !!

[راحل عن الديار]

القلب يحزن والمدامع غزيرة ** في جوف نارآ من لهبها تباكيت
والدار ظلمة كانت امي تنيرة ** يا يمة وينك من دونك خلى البيت
قلبي تفطر على الفرقى المريرة ** أمنت بالله وباقدارة تراضيت
الموت حقآ وكلآ له مصيرة ** وموت النبي قبلك يا يمة تعازيت
هذا جلالك وريحك فيه عبيرة ** كل يوم اشمه والليا شفته تغانيت
صوتك يا يمه يا محلى اثيرة ** حنانك يمه يخليني تدفيت
يا يمه منهو اجيله واستشيره ** يعدلني اللياا شفت الصواب وتناحيت
يا يمه كلآ يناظرني بحيرة ** من يوم رحتي وانا اللي ما تواسيت
يا كم تعلم من معاني غزيرة ** يا منهل التعليم منك تربيت
كم قصة قلت وللماضي نسيرة ** واليا جيت عندك سواليفك تسليت
آة يا يمه نظرات الاخيرة ** مليت كفي تراب ثم حفيت
ابشري يمه بدعواتآ كثيرة ** كلما ذكرتك وللرحمن صليت

------------------------------------------------------------------------

[لعيوون الغلا]

القلب يحزن والمدامع غزيرة ** في جوف نارآ من لهبها تباكيت
والدار ظلمة كانت امي تنيرة ** يا يمة وينك من دونك خلى البيت
قلبي تفطر على الفرقى المريرة ** أمنت بالله وباقدارة تراضيت
الموت حقآ وكلآ له مصيرة ** وموت النبي قبلك يا يمة تعازيت
************************************************** *************
صح لسااانك وسلمت يمينك اخوووي على الابيااات الرااائعه والله لايجيب الحزن لدنيااااك يسلم راااسك والك ارق تحيه *****

[راحل عن الديار]

الله يسلمك اخوي العزيز - وجعل جنة الفردوس مثواك ومنزلك ..

[انجال الغضب]

اخي انسان
هكذا الدنيا نزول وأرتحال

رحم الله الفقيده وأحسن مثواه

وجعل له الفردوس الاعلى نزلا

وجمعكم معه يوم القياااامه في جنان النعيم



قصيده رائعه

وكلمات في غاية الروعه

رغم الحـزن الذي عانقهاا

سعدنا بحضـورك وبمعانقة حرووفك
واليوم غابت ام كل المساكين
والخير بفراق الفقيدة حزيني


في قربها كنت أعرف إن الزمن زين
كانت تجي ما بين همي وبيني


وفي بعدها كل الخلايق بعيدين
كن الفرح بغيابها ما يبيني


يالغالية يا الساكنة بالشرايين
يالصورة اللي خالدة في سنيني


ما زلت أمنع في يدي ما طر العين
خايف أصدق موتتك تتركيني


يموت هالعالم ولا إنتي تموتين
لا ما تحمل غيبتك صدقيني


تكفين يمّه لا تروحين تكفين
من قبل ما تمسح يدينك جبيني


حطوك في قبرك وخلوك مقفين
ياليتهم في دفنتك دافنيني


مسكين يا قلبي كن بالقلب سكين
والحزن كله في غيابك يجيني


أهوى رجوعك بس وينك وانا وين
عمر الزمن ما رجع الغايبيني
اخي تقبل مروري وهذياني
دمتم بكل خير

[راحل عن الديار]

الله يسعدك .. ويجعل ايامك مغمورة بالسعادة والسرور
واشكرك على ردك الجميل !