الــقــشــد "من الأطباق الشتوية السعودية " ... بالصور

[الهاشمية]

http://2.bp.blogspot.com/_VV97kxm3WRI/Sf6_9i03gKI/AAAAAAAAM3I/-vfXt9Pt5ks/s400/1.jpg
المقادير:


¾ أصبع زبدة إلى أصبع



كاس ونص طحين بر

كاس أو أقل (حسب الرغبة) تمر كنيز بدون القمع والنوى ..

يعني شيلي النواة والقمع منه

أنا أحط تمر خلاص

نقطة مهمة: لا تحطين تمر معبوط أو اللي يسمونه معجون التمر

½ علبة زبادي

فيه ناس يحطون لبن .. لكن عندي الزبادي ألذ





الطريقة:


نذوب الزبدة




http://4.bp.blogspot.com/_VV97kxm3WRI/Sf7AaFCb_eI/AAAAAAAAM3o/05cKz0-eQzM/s400/5.jpg
ثم نضيف الدقيق ونحرك بالملعقة الخشب باستمرار


الين تطلع ريحة الدقيق .. موب ريحة حرق .. بس ريحة تحميص


http://1.bp.blogspot.com/_VV97kxm3WRI/Sf7AU7LRdeI/AAAAAAAAM3g/PIg3qhO4C0o/s400/4.jpg
بعدين نضيف التمر


http://1.bp.blogspot.com/_VV97kxm3WRI/Sf7APOTMPZI/AAAAAAAAM3Y/ehSFvubcFzM/s400/3.jpg
ونحركه بسرعه ونخلطه مع بعض .. والتحريك يكون كأنك (تدقين)


يعني شفتي لما تدقين شيء في النجر (الهاون = الجرن)


كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه


إلين تحسين ان التمر تجانس مع الدقيق ..


والأفضل تكون بعض قطع التمر باينة يعني مايصير معجون تماماً


(هنا مابانت قطع التمر .. التصوير كان بالجوال إضافة إلى أن التمر اللي عندي كان لين فتجانس أغلبه مع الدقيق)


http://1.bp.blogspot.com/_VV97kxm3WRI/Sf7AKjWi0DI/AAAAAAAAM3Q/tZ7RxFsVY9U/s400/2.jpg
بعدين أضيفي الزبادي وقلبيه بسررررعة قلبتين بس ..


وارفعيه من على النار .. وقلبيه شوي


وبعدين حطيه في الحافظة


http://2.bp.blogspot.com/_VV97kxm3WRI/Sf6_9i03gKI/AAAAAAAAM3I/-vfXt9Pt5ks/s400/1.jpg


يقدم مع القهوة


أو الحليب السااااااخن المخلوط بالسكر و الزنجبيل والهيل والفلفل