1. عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ [الأرشيف] - الصفحة 2

عيد سمران

03-20-2014, 01:17 AM

من يخبرني.؟

من يخبرني عن اللي غاب نوه
...............حي والا ميت والا وش جراله؟

قرب الشهرين ماقد لاح ضوه
...............ولاوصل مايطمنن لوهو رساله

ودونه الاخبار ما فيها مروه
..............ياحسيب الله على شيٍ حداله

التمست العذر لغيابه وتوه
.............مالفا منهو يريحني اقباله

غير ادير الفكر وتقول اتفوه
............حالتي من غيبته ماهي بحاله

خبروه بحالتي يااهل الحموه
.............وان حصل تسعون مطلوبي وصاله

اعملوا معروف في قلبٍ تشوه
.............من كثر ماهو بتفكيره غداله

والله ان بغيبته بالحال سوه
.............. زاد والخافق سهيرٍ في لياله

والمحاني زايدٍ فيها اضموه
...............مانقطع منه الضما بعد ارتحاله

والشعر بعده كرهنا كل جوه
...............قفلت مشاعري مالي وماله

عيد سمران

04-08-2014, 11:01 PM

ترى غيبتك ماهي رخيصه لامنك غبت
...............تحن الضلوع العوج من فجوة غيابك

مكانك بنيته بالحشا لو بعمري شبت
..............كبرَ مع كبُرْ عمري لو تقفي ركابك

ولو قلت خلك مع هذاك وهذاك وطبت
.............أقول ان ماني لك معاتب كما اعتابك

أبكما بصدري كل مابه ولو عاتبت
..............وآقول الله يعوضن عن الضيق باسبابك

ولاني بمستبدلك فيمن عنه لك جبت
................يظل المحل سنين شاغر على احسابك

مكانك تخبره كان لك خاطر وقربت
...............لو ان للأسف ماعاد مثل اول احبابك

بهم فجوةٍ ياللأسف بالخفا سببت
...............جروحٍ يطول الوقت ماطاب منصابك

كسرتن وتضحك تحسبني بضحكك طبت
...............وانا اسكت مابي ضيقي يصل لك إلى بابك

عيد سمران

04-25-2014, 07:16 AM

لاهتنيت ببادي العمر بك.. ولا .. بلاك

وينه اللي قال والله فلا ياطاك ضيم

.............وان تطول ايامك البيض دام اني معاك

ودام باقي لك عمر غير تسعد بالنعيم
.............وفي حياتك تهتني بين هذاك وهذاك

راح واقفت به لياليه وانا في جحيم
.............مادرابي وش جرالي ولاقال اش بلاك؟

كنت باحلامي معه واحسب ان وعده سليم
.............واثر صكات الليالي نوت لي بانتهاك

لين شفت الذل بالعين والجرح الاليم
.............وشفت مالاشافت عيون خلق الله هلاك

وأتبسم كن ماني بجواتي سقيم
.............وكن مالي بالمعاناه بالقلب احتكاك

وهو يحسب اني بدنياي مبسوط ومقيم
.............ولاحكا لي قال ماشغل ترى قلبي سواك

ليته يشوف الخفايا وما الله به عليم
.............من مواقف كنت به مأمل الوقفه هناك

مير خلاني وانا اللي به املت النعيم
.............وخابت ضنون الخفايا بقلبٍ كم رجاك

بس يامن له تواجه عقب جوٍ عتيم
.............بلغه قل صاحبك ضاع من يوم احتراك

وخابت الهقوه بك يقول وايضا قل عديم
.............عنده الاحساس سبتك صار ابه انفكاك

والمشاعر سبتك مكتسيها شبه ضيم
.............ولايميز عاد ما بين هذاك وهذاك

لأن من مايوفي الوعد لو انه حشيم
.............في عيون اللي به يخيب لو حبك نفاك

قلتها من تجربة عصر مره لي نديم
.............ولايحّول مر الايام حلو الا وفاك

وكان ماتقدر توفي طلبتك لاتهيم
.............يكفي اني ضعت سبتك عايش في رجاك

وياخساره ياشبابي وتاليه السقيم
.............لاهتنيت ببادي العمر بك.. ولا .. بلاك

ابن الملك

04-25-2014, 08:58 PM

ابدعت الله يحفظك
بتوفيق

عيد سمران

05-28-2014, 04:18 PM

ابدعت الله يحفظك
بتوفيق

ابن الملك

الابداع حضورك اخي

انرت باطلالتك

عيد سمران

05-28-2014, 04:20 PM

الله يحلك

الله يحلك روح في سكتك روح

......ماعاد تفرق روحتك عن وصولك

وان كان تبغاالجد شف كلي جروح

......لكن كلام الحق لازم ينولك

من باع من يشريه ماهو بمسموح

......وش عذر من بعته الى شاف زولك

لاصار وقت اني بحاجتك مقموح

......وقت السعه وش له تجيني فلولك

وليت اعتذرت وقلت ابا الاذن باروح

......لكن معك خيبت منهم رجوا لك

وانا ماحب ارجي مقفي لو آنوح

.....وعلى الله الامال ماهي بحولك

ولكن سؤالٍ جوى الاعماق مسدوح

......يستفسر بذاتي الى جا وصولك

مادري اعاتب لك وبعتابي آبوح

......والا اعتبر ماصار مو من فعولك

لكن حقيقه ماتوقعتك تروح

.......وانا اللي بحاجتك واقفت خويلك

عيد سمران

05-28-2014, 04:21 PM

ماقول :
غير
الله
يسهل
دروبك..!
شاقول .. غير الله يسهل دروبك

................باكر يعلمك الزمن قيمة الفقد

ومصيرك ضحاح الليال ان عثوا بك
................تتذكر اللي ماحمل قلبه الحقد

اللي معاك اخلص ولاقال دوبك
................سنين متجاوز لجل ودك النقد

واليوم يوم الله كتب وانتحوبك
................ قفيت لو قلبي وقد سبتك وقد

وضاقت بي وساع الفجوج ولقوا بك
................من السعه شيٍ يسر اهل الوجد

لكن تبا تفقد مشاعر اعذوبك
................وتقول ياوجدي على طارفة نجد

وتعرف قيمتهم ولو مارخصوا بك
................قومٍ رقـوا بالمجتمع قمة المجـد

اللي لك اول حدروا وارتقوا بك
................كســابة العليا وذباحة النجد

اللي بفعل الطيب ماعذربوا بك
................واليوم صدك محرق قلوبهم وجد

لكن ماقول الا بروحتك دوبك
................دوبك ترى خاف الحشا منهجد هجد

وانته تعرف انا ضحايا اسلوبك
................وان القلوب من الوله عافت الرقـد

وماقول غير الله يسهل دروبك
................ باكر يعلمك الزمن قـيمة الـفقد

عيد سمران

05-28-2014, 04:22 PM

كيف ادور لك عذر في وسط ذاتي

.....وكيف ابجتاز العتب ويا امنياتي

وكيف ابنسى شي ماله طب جوى

.....زعزع اعماق الثقه جوى ثباتي

مابقا بي شي يقبل لاعتذارك

.....من بعد ماكنت اعد القلب دارك

انكسر جسر الامل بعد اندثارك

....والامل بك خالف حساب امنياتي

ليت قلب لك وهبته بارتياحي

....استعيده منك في كل انشراحي

وامنعه لايتبعك بعد المراحي

....لجل تعرف عن تهورك بقرارك

وبعد ماكنا زمن ماضي احبه

....دست ابو حب مضى وافلس مغبه

والوفا اللي كان لك قلبي يصبه

....بعت له ياللأسف بين الضواري

وانتهت قصة غرامٍ مابعدها

....قصةٍ بإيدك وضعته في لحدها

من بعد ماهي لك من اول مهدها

.....بعتها السوام لو ماهو بشاري

وراحت اخطاك بتثاقل واتركتني

....ثم دارت بك سنينك واذكرتني

وبعد ماراح العمر جت وارتجتني

....وعفتها لو باقي بقلبي غلاها

لان ماذقته بغيبتها كواني

....ودونها عشت العمر ذل وهوان

يوالكلام اللي به تبين بلياني

....عافته نفسي وطابت ماهوتها

وهذي القصه وذي كل الحكايه

....الغلا لامات مايرجع معايه

والوفا اللي بك بنيته بالبدايه

....سبتك روحه دفناها بلحدها

عيد سمران

05-28-2014, 04:23 PM

لاتقول لي وش غيرك وانت داري
....ادرا عواقيب الفعايل والاسباب
واحذر ترى الصده ماهي باختياري
....النفس لاطابت من الشي ماتجاب

عيد سمران

05-28-2014, 04:24 PM

لو نبذل الغالي لجل ناس غالين....
مابادلونا بذلهم والموده

ومنهو لجل غـــالي تبع ناس مقفين........
لابد ماسود الليالي تصده

عيد سمران

05-28-2014, 04:25 PM

يالله عسى ماتكره النفس خيره

.........وعسى لنا في باق الايام تيسير

وعسى الامور اللي تلكت عسيره

........يجي لها بعد الضنك فاتحة خير

سنين مازار المعاني بشيره

........ولاشاف ربح الا فجوج المخاسير

واليوم بعد الصبر جاله نذيره

.......وتكالبت عقب السِعِيّ المعاسير

والليل طال وثقلت اخطا مسيره

.......والصبح ماشفنا فجوجه مظاهير

وين انت ياللي كنت عندي ذخيره

.......وبنيت لي جسر الأمل بك عن الغير

اليوم شف وشلون حالي كسيره

.......مافاد في ساق المكسّر تجابير

قفيت واقفت بك ليالٍ خشيره

........هي والعنا جتني مثل نافخ الكير

وحلومي اللي بي زمن مستطيره

........فاقت على الواقع وصوف وتعابير

وقنعت فيما شفت شره وخيره

........ورجيت ربي عقب مر العنا خير

وعسى عقب ذيك الليال المريره

........تفرج همومٍ بالمحاني طوابير

وتنزح معاناة الوجيه الضريره

.........وتبصر عيونٍ بالكفف زلت السير

وحلمٍ تلاشا في عيونٍ سهيره

........ بك يالولي كل الامل تجلي الضير

وتفتح لي ابواب احكمت بالظهيره

........حتى الاناره ضوها فيه تقصير

ولالي رجا الا واحدٍ ماش غيره

........جابر عظام الادمي عقب تكسير

عليه تكلاني بخيرٍ وخيره

.........وبيده جميع الامر في كل تدبير

يالله عسى ماتكره النفس خيره

.........وعسى لنا في باق الايام تيسير

وعسى الامور اللي تلكت عسيره

........يجي لها بعد الضنك فاتحة خير

عيد سمران

05-28-2014, 04:28 PM

اسج القدم

على خير تصبح يابعد روح من يغليك

....وانا خل لي كل السهر يابعد حالي

حداني على سهري زمانن ماهو حدايك
.....زمان عسى مايضربك منه الاشكالي

اسج القدم مابي اتضايق ولاطريك
......وترجع بي الذكرى عليك اول وتالي

عسى الله يهون كل ماحل لي طاريك
......وانا ابي اتناسا كن مانته على بالي

واعيد التوجد بالشعر وارجع احاكيك
......ولالي جدى الا بالخيال اتحكا لي

الا يابعد روح سكن ودها خافيك
.....والا يابعد من يضربن فيه الامثالي

تفوق بجمالك في عيوني من يحاليك
......وتكفي بذوقي رغبة ودها طالي

وتروي ظما خاف الحشا لانطوى راجيك
.....وجفة شنون العشق به يالحلا الحالي

وعسى رغبة بك ولعت خافق هاويك
.....تولع خفوقك به وتشعل تشعالي

يالينك من اشواق الوله لاتحرك فيك
......تمنى تجي تجلس معي مامعك والي

تحس بغرام ماشتعل بالخفا كاويك
..............وتقدر غرام كم ليله تهيالي

وتلفي بكيفك سايقك عشقك وطاويك

.....وانا اقول توك ماشتعل شوقك الصالي

(http://www.vb.fadhaa.com/showthread.php?286698-)

سونه

05-28-2014, 04:28 PM

يثلموو عيد سمران ابدعت

عيد سمران

05-28-2014, 04:29 PM

http://www.alaan.cc/newsimages/06_01_2010125428AM_3688491032.jpg

احبتي متابعي مدونتي

جميع

ماتقرأونه هنا

هو

مجموعة اشعار بسيطه مما جادت به قريحتي

وهي مجموعة تعابير تصويريه منها ماجاء من مواقف

ومنها ماجاء تصوير لمشاعر كثير ممن حولي بابيات صغتها بنفسي

وليس كل قصيده او ابيات تمثل هنا الشاعر نفسه
ولكن الشاعر

لسان ناطق لغيره ممن يحيطون به من المجتمع ومعبر
شعرياً بمواقفهم بتصوير شعري
مرتب حسب المواقف

((بقلم))
محبكم/عيد سمران

عيد سمران

05-28-2014, 04:33 PM

يثلموو عيد سمران ابدعت

يسلمك ربي سونه

والابداع حضورك واطلالتك

عيد سمران

08-14-2014, 02:55 AM

مـــن الــعــايــديــن
من العايدين وجعل عيدك عليك يعود

.....لو انك بعيد وغيبتك ماقوى اواطنها

ولكن لابد اعايدك لو بحرف الجود

.... وعدنا هنا تلق الرساله مضامنها

لانك مثل حلمٍ يمرن لاقمت آنود

....يجيبك منامي بالنفوس وبواطنها

اعايدك وآقول انت ياعيدي الموعود

....لو اني بصدري ضيقةٍ ماقدر اعلنها

اخاف الشماته واهلها والعباد رقود

....حواسيدنا في غيبتك طلِقت ارسنها

ولادري مردك ويش هو والخفا ملهود

....سكوتك قتل حالٍ بها الهم دافنها

غيابك فضح زيف ابتساماتي المعهود

....لو ان استعير الضحكه ارجع واكفنها

على امل عساك تعايدين ياوفي الجود

....قبل ماخفايا الروح تظهر دفاينها

تعبت آتصبر واتظاهر بزود برود

....وانا مالقيت مغيبتك من يسكنها

بنادولي انت وبلسم الخافي الملهود

....ودوى علة اللي غيبتك يشتكي منها

ياوسعي على طول المغيبه على المفقود

....وياوسعه على الغيبه تقل مادرى عنها

مضت كامل اعيادي وانا في رجا المعبود

....يجيبه عقب غيبه وروحي يطمنها

ماودي آطيل الوجد خايف من المنقود

....ولكن شهادة حق ماغيرها منها

نوادر بنات الانس عن غيرها مفرود

....وصايف حوتها غيرها ماتمكنها

شعل ودها خاف الضماير آقول تعود

....امني لنفسي عودته وارجع امنها

لو ان العيادي روحت ذكرها موجود

....وسكنها لروحٍ عايشه فيني ايمنها

عيد سمران

08-14-2014, 02:58 AM

سكنا الجروح بجوى الاعماق تتعبك
....لاصار من شخصٍ عزيزٍ مقره

وتذهبك لو تجحد لها حيل تذهبك
....وفكرٍ تجاهل بالتجاهل تضره

وفكرٍ تسج اعن الشقى وتسبكه سبك
....اثر عليه اللي بدربه يمره

ويبعد مواضيعٍ تبي تحبكه حبك
....ويحجّر التفكير عما يسره

متأثرٍ باللي بوقته دبك دبك
....دنياً عواصفها على الكبد مره

تتجاهل اشيا لكن اشياء ترهبك
....وضيم العنا له جوى الاعماق كره

تثور غزواته ويكثر بها العبك
.... وميدانها جوى الضماير مقره

هذا الذي لاجيت اريد اسبكه سبك
....شوش على التفكير واشتاط حره

عيد سمران

08-14-2014, 03:00 AM

امشي ولكن الصحيح الذبوحي
....ان الجسد لوهو مشى ميت الروح

وين انت يامن في غيابك جروحي
....كادت بسبة غيبتك تنزع الروح

ماتدري انك بلسمي يالمزوحي
....وسمٍ الى من غبت للكبد ذاحوح

طولت وجروح المعنى تفوحي
....سم الغياب اجبر شفاهي على البوح

ولاودي افصح للمتابع طموحي
....انه بعودة غايبي مبلغ الشوح

ارجيه وصله لو بوصله شحوحي
....وكني على وصله بدنياي مطروح

امشي ولكن الصحيح الذبوحي
....ان الجسد لوهو مشى ميت الروح

تنازع الروح البسيطه بروحي
....متشبثه باخر امل منه مذبوح

ومتأمل ان آخر لقا منه يوحي
....انه يبا يعوض غيابه لي سموح

لو كان مافي غيبته شي يوحي
....انه تباتجيبه لياليه ويبوح

مكابره ماعاد خلا صلوحي
....وذكراه ماحة ماخفا بخافقي موح

ونفسي على وصله تزيد الطروحي
....لو كان ماعدت ارغب الشعر والبوح

لكن لما سبب بنزف الجروحي
....استوطن الشعر المواقع هنا اشروح

وعلى امل عودتك ياروح روحي
....اشعلت لجلك شمعة اشعاري صروح

عيد سمران

08-14-2014, 03:01 AM

حالة استعمار

ترانا كما اوطانٍ لها بحالة استعمار
....تمنى التحرر واغلبت حكمها دوله

نكابد وناطا والقدم حافيه للنار
....معاناتنا كمعادله غير محلوله

تسير القدم في قيدها بماتبا مشوار
....وحل التحرر كامل قواه مشلوله

يامن ياصل اللي ماوصل لي عنه اخبار
....من العام ادور عنه الاخبار من حوله

ولكن كموا عني وش اللي بعدنا صار
....حياةٍ بها سر المعاناه مجهوله

يعيشون عيشة عز والا زمنهم جار
....يامن يبلغن عن غايبي قصره وطوله

عسى ماوطاه اللي وطاني من الامرار
....لوبغيبته كل المعاليق مذهوله

عيد سمران

08-14-2014, 03:05 AM

غبنا وغصب بسود الايام غبنا
.......ماهي بيدي غصب الزمن غيبن عنك

واليوم جيتك بعد مالله وهبنا
....... حرية التعبير وافسح مساكنك

والموطن اللي به سكنت وجذبنا
.......مثل ماهو هو موطني صار موطنك

اسكن مكانٍ به سكنت وجذبنا
.......وارتح مدام ان ارتياحي به اسكنك

وش لي بغيرك لو خفوقه وهبنا
.......عيت تقبل نفس مغليك محزنك

يعني قل لمن يبي دونك طربنا
.......ان الشعر عيا لغيرك يجي عنك

واحساسنا اللي بالمشاعر سكبنا
.......يوم انسكب جاب اسمك ببسمته منك

يعني تريح لو يقولون شبنا
.......شبنا على حبك من ايسرك لايمنك

عيد سمران

08-14-2014, 03:05 AM

عيونك هي وطن ذاتي بها اسكن يااجمل الاوطان
....تعال اسكن في عيونك لانك اجمل اوطاني

مدام اني غريب بلا وطن وايضا ادفع الاثمان
....تكفيني عيونك حي .. ولامت عيونك اكفاني

بها قبري صبي العين الاسود والبياض اكفان
....عليه عيونك تغطي عرايه بين الاجفاني

ولدت بدنيتي بارضٍ خلا فيها العرا عنوان
....ونفاني موطني لاني بلا موطن كذا شاني

وجميع شعوب هالعالم تبرت ماكأن انسان
....هنا عانا يبي موطن كذا الموطن تناساني

غريب ابحث عن احدٍ به اشد ازري بمن وامان
....ولكني بلا موطن ولدت بداخل اوطاني

غريب وقصتي لو هي سمعها شخص مهما كان
....له القدره على التوطين اضنه يغسل احزاني

ولكن ضعت ماياصل صدى صوتي على البيبان
....غريبٍ في وطن موصد لي ابوابه وخلاني

وانا ماني غريب اعن الوطن وايضا الوطن ماهان
....ولكن فيه فجوه بين توطيني واوطاني

تبي فك الرموز وشفرة التلميح بالعنوان
....وانا ماعندي اكثر منه شي ماله اثماني

ابي حريتي بسم الوطن فيها عليّ الشان
....مابي اسم الوطن احمل وانا احمل معيه احزاني

مللنا من احتكار اشياء بها احنا احق مهما كان
....ومللنا من احتجاز الذات فــ اللا أياة عنواني

اذا حريتك شبكت ومسكنك امتهن غلطان
....تصم افمك عن التعبير تخشى رد الاخواني

قم ازعج صوتك وعبر كفا ظلم وقهر واحزان
....ترى لي حق من قبل الجوار افرح بمسكاني

وطن مالي به الحق اني املك به بكل احسان
....واعيش بعز به ماهو وطن ..غربه لعنواني

بكت عيني وانا ساكت واعيش الضيم والحقران
....كفا ماضي عمر فات وصدى صوتي بلا الحاني

غريب وعشت بالغربه بلا ملجأ ولا عنوان
....كذا يعني مشرد بوطني والرعب عنواني

وانا ماني وحيد بدون ملجأ عالمي مليان
....بشر عاشت مثل ماعشت واحلامه بلا اثماني

غدت بارض الوحل متخالطه في طينته سيان
....على جال الرصيف تحطني والصبح تلقاني

عيد سمران

08-14-2014, 03:07 AM

ترى عنك مايمنع خفوقي مهب الريح

.....يسوق الوله نطح الهوى خافقي يمك

ولو ان الملامه من ربوعك لها تجريح

....تحملت لعيونك واقاوم بني عمك

لكن البلا جيش الوله بالخفوق يسيح

....وانا اللي ضحيه للوله وانت ماهمك

تدلع علي وتقول اخشى العرب لابيح

....وانا اللي معك من زود ودك شرب سمك

ولادري من الصادق ومن عاشق التلميح

....تساوت بعيني جدك وخفته دمك

لكن الوكاد اني مثل من مشى ويطيح

....ولكن بعد مازلت صامد وملتمك

يضمك خفوقي بالحنايا بمحل مريح

....وغيرك يكابد عن خفوقي يبا يزمك

مقاسيم ماغيرك بقلبي له التبريح

....يعمك خفوقي بالغلا يالغلا يعمك

وترى عنك مايمنع خفوقي مهب الريح

.....يسوق الوله نطح الهوى خافقي يمك

عيد سمران

08-14-2014, 03:10 AM

عيد سمران

08-15-2014, 04:10 AM

الخطوط الحمراء

رغم كثر المواجع والالم فـ الصدور
.......انتظاهر بضحكة سن قدم الملا

لجل مايفرحون مدورين الشرور
.......ولايتصيد هل الغفلات والهملا

كم كمينا المواجع بالخفا لاتثور
.......وكم كبحنا جماح الجهل الغفلا

وكم نصحنا الجواهل بالخطا لاتبور
.......وكم دروسٍ خذينا مُر ماهي حلا

علمتنا الليالي بالرفيق البتور
........وعلمتنا الليال الحشو والزّملا

الجمل في حموله لاستوا له يثور
........والحشو كان زاد الحمل عنَّه جلا

والمراجل تبي له رجل مابه غرور
........وتبي عاقل يقيس ويازن اللي يلا

والبشر ماتعذرك لاحصل بك قصور
........وجبةٍ دسمه انت وضاع منك الولا

فيك يفطر صيام القوم قبل الفطور
.......ويجزرونك بليا تسميه وكّلا

من تجارب زمنا حاسمين الامور
.......نعرف بنظرة الرجال مايجهلا

قبل يبدا نعرفه تقل شي مخبور
.......الفراسه من الله ماهي بيع بغلا

والملامح تبين غل بعض الصدور
....... كل شخص بوجهه نعرف ان ماسلا

ونحسب حسابها قبل البنادق تثور
.......ونتجنب شرور الخلق قبل تعلا

وان تعلت ابينا مارضينا بجور
......نقصفه قصفتن مايعيش بين الملا

ماورى عزة النفس الابيه صبور
.......دونها خطوط حمراء ماهي حكي اجهلا

عيد سمران

10-28-2014, 01:17 AM

سر المواجع

انت ياسر المواجع في سكون حشاي قلي
...........لامتى وانته وسري والمواجع في حشايه
لو تكرم واحدٍ منكم يغادر من محلي
...........ملت اركان الحشا تقول مافيها كفايه
وسعوا بالله على افكار الشعر شيٍ حصلي
...........مابقا به للشعر في مارد الافكار غايه
غبت من لي كم شهر ومواسدن لي مثل ضلي
...........مافقدته في مكان الا وهو ماشي معايه
تعبت افكار الضمير اللي تبي شعرٍ يسلي
...........وانتهى حلم التخلص مالقى مخرج روايه
كل خطوه به تزاحمني وانا لله ياللي
...........كل ماضايقتني ترتاح واصبح لك هوايه
واخر افكاري غدت من سبتك لاشي يسلي
...........غير صمتي والتضجر من جماهيرٍ ورايه

عيد سمران

10-28-2014, 01:18 AM

مثل الغريب

انا مثل الغريب اللي بلا موطن غريب ديار
...........سكن في دولته لكن غريب ولاوجد ذاته
ادور ذاتي ولكن غديت بسكتي محتار
...........على آمال اني القا من تركني في متاهاته
قريب وهو بعيد ابعد على من آخر الاقطار
...........لو انه باخر الدنيا بخفاقي محطاته
مكانه ماسكنه احد بغيابه لو وصاله صار
...........علي من الصعاب المستحيلات بمجراته
ولكن الوكاد اني غريب بموطني والدار
...........غريبٍ مالقى له موطنٍ ينعم بخيراته

عيد سمران

10-28-2014, 01:20 AM

موطن اشفاه

قالوا وطن قلت الوطن موطن اشفاه

.....ذاك الوطن والا عدا ذاك عادي

هو الوطن جعلي هنا من فداياه

.....وجعلي معه في دفوتي مع برادي

انشهد انه تل قلبي من اقصاه

.....وتل الخفوق ولاقويت اجتلادي

ابي اتجلد بس مابه مداراه

.....به جاذبيه فاقت اي اجتهادي

جاني يوادعني وانا اطالع اياه

.....يقول سامحني اذا كنت غادي

لكن تعاظ بخير والفقد تلقاه

.....بعدي تجلد بالشعر ياسنادي

ان ضقت عبر لك بالابيات ورواه

.....واصمد على فقدي ليالٍ جدادي

واللي صبر ينعاض فيمن تناساه

.....عند الولي للصابرين المرادي

قلت آآآآه واعزي لقلبي وماجاه

.....من صاحبٍ جاني يودع وزادي

ودع وبكّا القلب واركى كواياه

.....والقلب منه بماوطاه استزادي

اضما خفوقي بالرحيل وتوطاه

.....وجفت عروق القلب شيٍ وكادي

ولزمت منه الصمت والعين طرفاه

.....مغرورقه بالدمع في صمت هادي

ورديت طيب وش تبي غيرها اوصاه

.....وصيتك ذي وصلت اقصى بلادي

وسكت وقال تسامحن قلت ويلاه

.....اهم شي سعادتك يامرادي

والا انا عادي حياتي كذياه

.....من خلقتي واللي عمرته هدادي

ارقى سنود وحظي الياس يبراه

.....يطويه راد الحظ طي انفرادي

وقال استعن بالله وصبرك تحلاه

.....خلك مثل خبري على الصبر بادي

وسكتْ قلت الله يحلك بالاوماه

.....والا الحكي مالي عليه اعتمادي

خانتني حروفه وبلمت به شفاه

.....غير الاشاره وانكماش الايادي

وقفيت مالي بعد توديع لقياه

.....غير السكوت ونثر شعر الهجادي

وروح وانا روحت والكل ذكراه

.....لامن طرت يجهش من اقصى الفؤادي

ودارت عقب ذيك السعاده بالافواه

.....ايام فاتت عقب ذيك العيادي

ايام حل الحزن فيها من اقصاه

.....بكت بها سمر الليال الهجادي

وضمى بها جوفٍ كم اوصاله اسقاه

.....عقب الروى جاه المحل والنكادي

وغابت اعني شمس الامل عقب فقداه

.....وصارت ليال البعد بعده نكادي

ويالله يامحيي هشيم نشف ماه

.....احي القلوب اللي طواها البعادي

تعبت قدم رجلي وانا اسابق اخطاه

.....عسى تجيبه صدفةٍ شبه غادي

باشوف بعد البعد وشلون حلياه

.....ووشلون صار اليوم بعد البعادي

يمكن الى شفته ووقفت و اياه

.....تعود لي روحٍ بها البعد حادي

سونه

10-28-2014, 06:23 AM

هو الوطن جعلي هنا من فداياه

.....وجعلي معه في دفوتي مع برادي

صح لسانك عيد سمران
يثلموو
الله يسعدك

رمز الهنا

11-17-2016, 05:33 PM

جزاااكم الله خير

عيد سمران

10-10-2021, 01:30 AM

من بعد سبع سنين غايب ولاجيت
اليوم جيت لموطني غير عادي
رديت والاشواق بي بانيه بيت
بيتٍ عمر جوى المحاني وكادي
ياقو شوقي لو تماديت وابطيت
لكن ظروف الوقت حدت مرادي
واليوم جيت وتقل ماغبت من جيت
جيّت محبٍ ضاع عمره ينادي
ولاحدٍ يجاوب وين مايوم ناديت
لكن لعل يجيب من له ننادي...

وليد

10-11-2021, 03:04 AM

المبدع : عيد سمران

جهود طيبة وقلم رااائع كلمات تحمل فى طياتها كثير من الابداع

يعطيك العافية

اطيب الود

وليد

عيد سمران

10-12-2021, 10:38 AM

المبدع : عيد سمران

جهود طيبة وقلم رااائع كلمات تحمل فى طياتها كثير من الابداع

يعطيك العافية

اطيب الود

وليد

من ذوقك اخي وليد
واشكر لك مرورك العذب

عيد سمران

10-12-2021, 10:38 AM

ماكل صاحب نعده صاحبٍ وافي
******************* ياكم لنا اصحاب نص الدرب خلونا
يوم ان جاهم مقسمهم بالانصافي
***************** دسايس الوقت تكشفهم على الهونا
بوجيهنا ماحكا في فعله الخافي
***************************** مير الليالي تبين كل مكنونا
ليت انهم قبل يصل الامر الاسرافي
************************ مامثلوا معه بالضحكه وغشونا
تعبت ادور عذر واقفت بلا انكافي
*********************** والوقت له دورةٍ ماهو بمضمونا
لين الليال اكشفت مابسترها الضافي
******************* **** لاسامح الله وجيه بغشها جونا
وتجارب الوقت مايصفي بها اسنافي
*********************** ******* الا نوادر رجالٍ مايخونونا
تلقاه في خوته على النقا وافي
************************ مع مخلف الوقفه ابدا مايلينونا

نونه المزيونه

10-13-2021, 02:34 AM

مرحبا شاعرنا الفاضل عيد سمران

نوورت مدونتك

عيد سمران

10-27-2021, 03:16 PM

مرحبا بك اكثر

والنور مرورك هنا اختي

عيد سمران

10-27-2021, 03:27 PM

وذ نكهه وشله"

روابع ليالي وقتنا ماعليها لوم
ملامك على من يعقد الحبل ويحله
الى صار روس القوم مالت مع ادنا القوم
فلا تلوم وقتك وانت تدري وش العله
تركد وخل مجادل الخافي المحتوم
كما هو ولاتسأل عن الدين والمله
تعبنا نحاول نحسن اضنونا ونشوم
وندرا الخطا ونجنب الصاحب الزله
ولكن مامن حدٍ يقّدر ولاحد يشوم
يالين ان مرسال العنا الخافي احتله
وشغل فكرنا واصبح بجوا الخفوق يعوم
وهو يحسب ان الوضع "وذ نكهه" وشله
وحنا رجال عند وقت اللزوم نقوم
مقامٍ يبرد كبد الاصحاب ويبله
ومن لاحتما الميقاف جعله حلال القوم
على ويش ترجي من وجوده مثل ضله
عيد سمران