ديوان الشاعر سعد بن علوش

[الحلا كله]

حبيبتي تحفه من النـوع الفريـد



لجيت بمدحهـا اخـاف اذمهـا





لان المديح بها ينقص مـا يزيـد



ولانها خيال وطايش وما همهـا





متمرده وبعقل هـارون الرشيـد



وفي الزين ما عذرى توقف يمها





لو قستها مثلا على الجيل الجديد



تحط حليمه بولنـد فـي كمهـا





من غيها السادات سـواد العبيـد



تحر وتبرك عنـد ركبـة عمهـا





ومن غيها لامن تفنت كـل حيـد



وده يصير انسان لاجـل يلمهـا





ومن غيها حتى الدهن عود العتيد



يسيل في يدهـا عشـان يشمهـا





ومن غيها لا من خذت نفس جديد



تهاوشت الانفـاس علـى فمهـا





لبيهـا ام الفـكـر ام القصـيـد



لبيهـا مـن ضحكهـا لا غمهـا





اللي بقوله الله جعله الحظ السعيد



والله يخليهـا لابوهـا وامـهـا

[الحلا كله]

قصيدةتــــــضيق نــــفسي

تضيق نفسي لين يشره علـى قلبـي فمـي



و أنا أترجّى في أمنيات الحلـول المزمعـه




لا يبن أبوي شلون محتر و أطغي و أحتمي



و الوقت لا منّه زما راس حضّـي يقمعـه




أن جيتها في الاصدقا أوف يا وفـرة دمـي



كم و احدٍ خلاّ جميلي علـى راس أشمعـه




مانيب متحسّف جعل مـال جافينـي سمـي



لان أدري المحراب ما هوب مثل الصومعه




تتغثبـر الدنيـا و لحظـة صفـوّ الأدمـي



اليا سجـد الله و سقّـت دموعـه مدمعـه




وأنا أدمعت عيني وما اكميه عـاده منكمـي



بين أنتظام عروق قلبـي مسـوّي معممعـه




ياوجد حالي و أنكساري و غيبي و عدمـي



وجود من جمّع حلاله و ضاع اللي أجمعه




المشكله مـا هيـب نفسـي وزلاّت قدمـي



و ما هيب بحّة صوت أحبّه و لا عاد أسمعه




المشكله لا جات من بيـن دمّـي و لحمـي



مدري من أخلّي و لا أدري من اوقّف معه

[الحلا كله]

قصيدة أخذيني
أخذيني إليا عجبتـك بـس ردينيـي
و إن ماعجبتك خلاص أخذيني مابيني
ما دامني شفت فيك الطهر و العفـة
باعيف نفسـي ليـا منـك كرهتينـي
أخذيني لو أعتبر من ضمن أشيائـك
و أنـا بحبـك و لا لازم تحبيـنـي
لابي علاقه ولابـي نظـره وبسمـه
أحساسي أني بقربـك بـس يكفينـي
و لو أني انضفت لشيائك غصب عنك
طلي علـي يـا غناتـي لا تخلينـي
تراي لا جا المصامـد مانـي بهيـن
تقـول كـن العـرب لعبـة بيدينـي
شخصيتي مـن غرابتهـا و طيبتهـا
كن الزمن في تحدي بينـه و بينـي
أخذيني الشاعر اللي ما صدق حظـه
لا قلت يا حظ وينك ؟ قال : يا ويني
أخذيني المبـدع المتفلسـف التحفـه
مؤمن و تضحك على العالم شياطيني
شهرة شكسبير و أفلاطون و نيوتـن
لا قلتلي بيت شعر تطيح مـن عينـي
أخذيني العنصر الي صدق متعنصـر
من دون ربعي لو أقطـع شرايينـي
أخذيني اللي ليا منـه طلـب يعطـا
و تكفين لا مـن طلبتـك لا تردينـي
تكفين يا غايتـي يـا بهجـة الدنيـا
أبحرق قلـوب نـاس مـا تدانينـي
أخذيني بكل شـوق و قولـي أحبـه
و أن شككوا فيك و إلا في ضمينـي
قولي سعد و الله أنـه غالـيٍ جـدا
و يا جعل فدوة شبابي و اخر سنيني
و أنا بصدق كلامـك و أعتنـز بالله
و باقول للناس مـا يعنيـك يعنينـي
و أنا علي نذر ما أرخـص جيتـك
و أنتي نذر على أرقبتك أنك ماتخليني

[همس العيون]

يثلمو


حلا


على الطرح


تسلم الايادي


تقبلي طلتي ومروري

[احمد الهاشمي]

يسلمووووووووووووووووووووووووووو الحلا كله يعطيك العافيه


تقبلي مرررررروري

[الحلا كله]

✎اسعدني تواجدكم الرائع بموضوعي شاكره لكم الردود الرائعه تحياتي✎

[الحلا كله]

قصيدهـ لـ { سعد علوش } : آنَكسًِأ‘رَِيٍ .,
انكسرت من الفراق وشوف عيني
شوف عيني وانت تدري بانكساري
كل ما مديت لوصالك يــمــيــنــي .
رحت تتجاهل يميني مع يساري
حتىا صرت اشوف جرحك في يديني
في يديني جاو صداتك مواري
حس فيها لا بلاها حس فيني
لا تعبرها لكن رد اعتباري
وين مقفي جعل منتب منتوني
بالجفا والخوف وانواع الـعزاري
ياهلي يانصف ربعي ياخديني
يا مواني غربتي ياروح داري
يا شموخي يانكشافي يادفيني
يا علوي يابقائي يا نحداري
يا بداياتي يا مائي يا أكسجيني
ياندثاري ياعتدالي يازدهاري
يابلادت حسي وقمه حنيني
ياختياري لا يا عشواء اختياري
اعشقك من عادني في اول سنيني
لين صرت اخذ مع نفسي قراري
من عرفتك وانت ثالث والديني
واللجوء اليك يعني لك فراري
ضمني خل الضرر بينك وبيني
الضرر من ضمتك شي اضطراري
خل يدينك من الجور ا تحميني
من جمودي عيش ولين انصهاري
كل ما ضاقت بعيني يا معيني
ابتسمت وصار لي ليلي نهاري
فلا سكت تروح بالطيش تحكيني
رجعي بطبعك واسلبوك حضوري
ما ذبحني فيك الا انك تبيني
وما سحرني الا حكاك الاستعاري
فلا حكيت احس بشياء تعتريني
ويخشع قلبي وتطري لي طواري
اعشق حكيك واحفضه يا ضنيني
حفض ابن تيميه لحكي الـبخاري
ولا سكت احط يدي في جبيني
وارجي الله لا يطول في انتضاري
ادري اني عندك واسألك ويني
داري لكن ما كاني بـداري
لين شيطاني تلفض بـكلمتين{ي}
ورحت مني ماتبي سمع اعتذاري
لا تبكيني وتفرح عاذليني
لا تخسرني بعد كبر انتصاري
لا تروح بروحتك كل{ن} يجيني
ماني مكابر ولا حتىا مداري
انكسرت من الفراق وشوف عيني
شوف عيني وانت تدري بأنكساري

[آفاق]

قصائد رائعه

لشاعر غني عن التعريف

تسلم يد ناقلها