تالي نهار

[بعض البشر]

تالي نهار وعاتق الشمس مذبوح
والوقت لو تدرين للوقت ذباح

كن السما صوت من الذعر مبحوح
والليل خيل سود للضي تجتاح

وسحايب فوق الشفق كنها قروح
على جبين ما شكى كثر ما طاح

لاذت عصافير المسا في ذرا الدوح
وتنفس سراج الوهن بين الألواح

حبيبتي ضاق الفضى وين باروح
وان رحت ظلم النفس للنفس ما راح

مجروح ماهو هم لو قلت مجروح
يالله عسى ما اصير في قلبك جراح

تبسمي برق على ثغرك يلوح
بشد له مدام في العمر مرواح

غزيت وجه الصبح من غير مصلوح
وانكفت دون الشمس هقوات ورماح




الامير مهندس الكلمه بدر بن عبدالمحسن :rose:

[الهاشمية]

حبيبتي ضاق الفضى وين باروح
وان رحت ظلم النفس للنفس ما راح

مجروح ماهو هم لو قلت مجروح
يالله عسى ما اصير في قلبك جراح

http://forum.unocafe.net/imgcache/img_unocafe_1315638801_244.gif


يسلمووو بعض البشر
ماننحرم منك ومن ابدعك
ومن جديدك

[همس الوله]

يسلموووبعض البشر
ابدعــت
يعطيك الف عافيه