أنا بشرح لكم حزني وحزني من صدى الوجدان

[الوحيدة]

أنا بشرح لكم حزني وحزني من صدى الوجدان

إذا غاب الحزن عني مسحت إدموعي بيديه

أنا مجروح في جوفي وصوتي للألم عنوان

ونفسي ما تعاف الصبر وهي للحزن مشريه

أسافر في تعب عمري مابين الشوق والحرمان
عسى القى على الشاطىء وله أو شوق أو تحنان

أعالج به دموع العين وأخفف حزني شويه

أنا شمعه في عين الليل وقلبي شايل الأحزان

وعيني ما تذوق النوم وروحي دوم منسيه

يذوب النور في عيني وأظيّع ماعرف الألوان

وأنادي يا عيون الليل ترى هالدنيا وهميه

أنا لوحه حزن تبكي عجز عن رسمها فنان

وظاعت كل ألواني وصارت بس رماديه

رمادي لون أفكاري وحزني لو يشوفه إنسان

تمنى الموت قبل الليل وشاف الموته عاديه

أنا مركب غرامي تاه في الدنيا بلا ربان

رماه الموج في صحرا لها شطأن رمليه
وتاهت جمله أفكاري مابين الذكرى والنسيان

وظاعت كل خطواتي في ليله برد شتويه

وشلت أشواقي وجروحي أوازنها على الميزان

أخاف أشواقي تغلبني وتجبرني على الجيه

ورديت أرسم أحزاني وأسمع أعذب الألحان


عسى ينزاح حزن الأمس وألاقي درب حريه

سمعتوا حرفي الدامي وشفتوا لوعه الحيران

عسى يرتاح كل مجروح ويلقى أفراح تاليه

تحياتي
الوحيدة

[الملكــي]

الوحيده
تعجز اللسانـ عنـ التعبر وربيـ روعهـ روعهـ لكيـ وديـ واحتراميـ
تقبلي تحيااااااتي
^_^

[هيووووم]

تسلمين الوحيده ع القصيده الحلووه

تقبلي مروري هيووووم

[ابو سلمان]

الوحيده
عساه الحزن مايشوفك
ولا يعرف لك درب
الله لايحرمنا منك

[الوحيدة]

مرسي الملكي
مرسي هيوم
مرسي ابو السلمان
الله يعطيكم الف عافيه

[كاف يار]

الوحيدة

/

\


الله يبعد عنك الحزن دوووم مو يووم

والقصيدة جميله

واحساسك الأجمل

ننتظر

من بوح قلمك الرائع

المزيد


لاعدمتك



/

\



كوني بخير