اذا المراجل لبسة شماغ وعقـال...قل للعـذاري يلبسـن العمايـم

[الفهد المفترس]

اذا المراجل لبسة شماغ وعقـال
قل للعـذاري يلبسـن العمايـم


ماعاد يفرق زول حرمة ورجـال
دام الفعايل تشبه البعـض دايـم


المرجلة ماهيـب كلمـة وتنقـال
وتروح ماراحت هبوب النسايـم


ولا خشونة صوت اورفع الاثقـال
او رزة صدور وفعـل الزلايـم


ولاهي بعد مفتاح موتـر وجـوال
والا ردى لسانن حديثـة شتايـم


المرجلة شيمه عن القيـل والقـال
رفيع نفسن حـر باجـو حايـم


المرجلة عقل وزن وزنـه جبـال
ودون العقل وش فرقنا والبهايـم


المرجلة ياخوي هي طولة البـال
هي العزم هي الصبر فالظلايـم


فيها الكرم عـزة دلـه وفنجـال
فيهاالكرامه عن ردى الطبع شايم


والدين لامنه خذا القلـب منـزال
مشى طريق الحق وابليس نايـم


ومن لاعرف ربه في طيب الحال
لابد وقت الضيق بالهـم هايـم


حتى صلاتك مع جماعات ورجال
في خيرها ياخوي نعـم الغنايـم


ولامن نصف ليلك قم صفي البـال
ياعظم اجرك بين ساجد وقايـم


ولامن رفع ربي له كل الاعمـال
حسن الذكر لاقالوا فلان صايـم


وخلك شريف القصد ياطيب الفال
سوء المقاصد فالبيوت الهدايـم


واحذر تبيع النفس في دب الأنذال
وتتبع خوي ابليس راع النمايـم


النفس خيل لك اذا كنـت خيـال
ومن لاقوى نفسه قوته الهزايـم


ولاصرت ماتدري لوش انت رجال
والله خسارة فيك ذبـح التمايـم

[حلا وثقل]

صح السانك وعلا شانك يالفهد

تسلم الايادي يارب


ما ننحرم منك ومن جديدك

دمت بخير

[عطـ ـري آنفـآسـك]

المرجلة عقل وزن وزنـه جبـال
ودون العقل وش فرقنا والبهايـم

فعلا الرجال تعرفها بالعقل

الفهد المفترس

صح لسانك والله لا يهينك على القصيدة

وننتظر روعــه إبداعك

[{..Rashh DaFa..•~]

صح لسآآنك وصح قلبكـ
شاعر متمكن نسجها بكل عذووبـه
لاهنت
لروووعة القصيده

تقبل مروري..~

[عشق نوره]

تسلم أياديك التي أبدعت في

كتاباتها وصح السان قائلها

قصيده روعة كاروعة ناقلها

تسلم أخوي الفهد على ماكتبت

ودام عزك وعتلا شانك .........

تقبل مروري وأحترامي