ضـحـكــة الـمـغـصــوب *****

[انجال الغضب]

ضـحـكــة الـمـغـصــوب *****

*|*|*|*


أنـا مدري..عـن الدنيـا ..ولا أدري عـن المكتـوب
_____ دريت إن الفلك .. دوّار .. بعد مادارت أيّامي
0
000
أنا قلبي . سمـا صافـي .. ينجـم اللّيـل يامحبـوب
_____ حضنتك داخل فقلبي .. وجفن العيـن مانامـي
0
000
حضنتك بالمسا . نجمـة . وأصبحنـا جمـر مشبـوب
_____ كفاية حارقٍ قلبي ..! نويت تحطّـم عظامـي
0
000
حسبتك تنقذ الغـارق.! وتعطينـي الأمـل مشـروب.؟
_____ تعشّمني وانا مدري ..؟ بأنّك نـاوي إعدامـي
0
000
مشيت إلك.بخطى عميا وتمشي لـي بأثـر محسـوب
_____ طلعت الخاين الغدّار .. وهادم لـذّة أحلامـي
0
000
مشيـت بدربـي التايـه ..وتوّهنـي وانـا مغـلـوب
_____ ولا أدري.وش تخبي لي.؟ ليالي العمر قدّامي.!
0
000
ياربّي .. ياإله الكـون .. يامفـرّج ضيقـة المكـروب
_____ أنا صبري وصل حدّه .. وقلبي من القهر دامي
0
000
أبي أحزاني مـع أفراحه.تجـي قسمـه .. وبالمقلـوب
_____ كثر ماأشقتني ألامه .. وكثر ماأرتاح لآلامـي
0
000
وابي عينه ..يلاعبها السّهر .. ويجـي لهـا ملعـوب
_____ وأبي همّه على وجهه .. ووجهه للفرح ظامي
0
000
وأبي الضحكة على شفاهه .. مثل مايضحك المغصوب
_____ وأبي صدره . مثل قبره .. يعيش أيّامه أوهامي
0
000
وأبي نهايته حسـرة .. تمنّـى .. لـو رجـع ويتـوب
_____ ونهاية حسرته قصّة .. من إخراجي وإعلامي

وسلا متكم

[الـسفيرة..؟]

ياسلام مبدعة والله يانجال عن جد جيتي على الجرح والله يالغالية


قلم مبدع احساس مرهف لاتحرمينا من قلمك وابداعك يالغالية


تقبلي ارق تحياتي

[999]

أختي انجال

صح لسانك على هالطرح الرائع
وعلى هالقصيده المميزه
واللــه يعطيك الف عافيه
ولا هنتي أختي الكــريمه

دمتي بووود
وحيـــد

[كاف يار]

الغاليه
والله اقف عاجز عن التعبير ولكن ما اقول
الا بيض الله وجهك على الباذخه
وصح لسانك الى مالا نهااااايه
ولاهنتي

ولك خالص ودى

خيك

القلب الحنون

[الأمير / سعود بن سعد]

انجال الغضب


صـــح لسانك


وتسلم اناملك


على هذه الاطلاله


اطال الله في عمرك اختي

[انجال الغضب]

اختي الغاليه السفيره هلا وغلا فيكي .
صح بدنك يالغلا ولا هنتي على مرورك الجميل واللي بعث ريحه العود والعطر على
صفحتي المتواضعه والبسيطه.
وكم هو شرف لي انا ان تكوني اول من ياطا بنانه على حروفي وكلماتي الممتواضعه
لا املك الا انا اقول الله يعطيكي الف عافيه والله لا يحرمني من مرورك العذب
والمميز ..... ولا هنتي يالغلا وعساكي على القوة يارب

تحياتي لك

[انجال الغضب]

اخي الغالي وحيد هلا وغلا فيك .
صح بدنك يالقرم مليون ولا هننتاخي على المرورالرائع والتعقيب الاروع والاجمل
والابداعه هو وربي هو تواجد قلمك بوسط حنايا صفحتي البسيطه وحروفي
المتواضعه الله يعطيك الف عافيه يالغلا والله لا يحرمني من هالقلم ولا من هالمرور

عساك على القوة ان شالله

تحياتي لك

[انجال الغضب]

اخي الغالي القلب الحنون هلا وغلا قيك .
صح بدنك يالغلا ولا هنت على مرورك الجميل واللي بعث ريحه العود والعطر على
صفحتي المتواضعه والبسيطه.المتواضعه
وكم انا حايره وعاجزه عن التعبير بما بعثبت به كلماتك
وردك اللي يوقف ويجف القلم وتفنى الصحف اذا حاولت اني ارد عليه او اجازيه
لا املك الا انا اقول الله يعطيكي الف عافيه والله لا يحرمني من مرورك العذب
والمميز ..... ولا هنت يالغلا وعساكي على القوة يارب

تحياتي لك

[انجال الغضب]

اخي الغالي سعود هلا وغلا فيك
صح بدنك يالقرم مليون ولا هننت . على المرورالرائع والتعقيب الاروع والاجمل
والابداع. وربي هو تواجد قلمك بوسط حنايا صفحتي البسيطه وحروفي
المتواضعه الله يعطيك الف عافيه يالغلا والله لا يحرمني من هالقلم ولا من هالمرور

عساك على القوة يارب
تحياتي لك