ينجـرح قـلـب.. لـكـن ترتـفـع هـامـه
والله اني لامـوت ولاينحنـي راسـي
لــو رمـانـي زمـانـي وسـط..دوامـه
العواصف شديده .. والجبـل راسـي
أنقل الحزن وامشـي منتصـب قامـه
قاسـي الوقـت .. لكـنـي بـعـد قـاسـي
واسمع الحلم يصرخ لحظـه اعدامـه
رابط الجاش ... ماهز الخبر باسـي
عـزتـي غالـيـه ..والـنــاس سـوامــه
قلـت ماابـيـع حـتـى تقـطـع انفـاسـي
زانـت ايـام عمـري .. شانـت ايامـه
مارجيت العزى من رحمـة الناسـي
مـن عـجـز لايــدوس الـهـم باقـدامـه
لازم انـــه مــــع الايــــام يـنـداســي
يندمل جرح القلـبٍ ..ماتـت احلامـه
بس ما اظن يبرى جرح الاحساسي
يـوم صـارت مابيـن القلـب والهامـه
وش ابـي بالحيـاة الياانحنـى راسـي

هذي طبوعي كل ما عسعس الليل
أصلّـح الدلـة وأجـر اللحونـي

بريـةٍ موزونـة البـنّ والهيـل
والماء بوزن وحيّ هاك الوزونـي

منهـا تكيّفنـي ثلاثـة فناجـيـل
وأرتاح ويطير السهر من عيونـي

وأراجع الذكرى وأجـرّ المواويـل
والذكريـات بكـلّ شكـلٍ ولونـي

البعض منها يشرح الصدر بالحيل
والبعض لا والله يجـدد طعونـي

وأرجع وأفكّر في الليال المقابيـل
لعل وقتـي مـا يخيّـب ظنونـي

وأدخل على الله من حياة الغرابيل
حيث إن همّي ما تشيلـه متونـي

كنّك مفصّل فوقي الهـمّ تفصيـل
لين إلتبسني مثل لبـس الجنونـي

حالي كما حال القلوب المشاغيـل
اللي من أطرف شـيء يتأثّرونـي

لو يشتكون الغبن والجور والميـل
للغيظ وسط صدورهـم يكتمونـي

فكّرت الا الموضوع يحتاج تحليـل
وفنّ الدراسة واحدٍ مـن فنونـي

عرفت وش عكّر مزاج المشاكيـل
يوم إنهم مـن وقتهـم يشتكونـي

أول سبب: نقالـة القـال والقيـل
الطغمة اللـي جعلهـم يذهبونـي

قلوبهـم بالحقـد سـودٍ مغاليـل
ومن طبعهم بالمشكلـة يفرحونـي

وثاني سبب: ناسٍ على مثل ما قيل
لا يقطعـون الشّـر ولا ينفعونـي

والله ما يرفع ضغطك إلا المهابيـل
العالم اللي في النحـر ينشبونـي

وثالث سبب: ناسٍ سوات المخاييل
على سلوم الطّيب ما يحرصونـي

خلّو سلوم أجدادهم رغو مع سيـل
وفي عالم التقليد جـو يركضونـي

طشّوا عمايمهم ولبسـوا بناطيـل
والموس فال أشنابهـم والدقونـي

وأرقابهم ما سلمت من السلاسيـل
تطبّعـوا بطبـوع هيـم البطونـي

في ذمتي ماعـاد باقـي رياجيـل
إلا القليـل وجعلهـم يثبتـونـي

صفّة بعد صفّة وجيلٍ بعـد جيـل
كلٍ من اللي قبله أنقص وأدونـي

هذي هي الأسباب من دون تفصيل
شرحت روس أقلام بس أعذروني

صح لسان قايلها ..

وتسلم على القصيده المميزه ..

بصراحة كلمات القصيدة رائعة ..

دوووم هالاختيار الرائع يارب ..

وبانتظار جديدك ..

دمت بحفظ الرحمن

الله يعطيكم العافيه


اشكركم على المرور العذب

والله يوفق الجميع

الله يعطيكم العافيه


وصحت ابدانكم وطول عماركم


اشكركم على المرور العذب

والله يوفق الجميع
__________________


العـــــــــراقي