حسبنـــــــــا الله ونعم الوكيل
قصيده اعجبتني لأحد الشعراء عن غلا الاسعار
بَعَد ماسْرجت لحروفي حصاني****على الأسعار مادري وش حداني
غلاها عالمـي مـدري محلّـي****لَكِنّ اللي طوى العالم طوانـي
وقمت اسأل وادوّر لـي اجابـه****وجاوبني بعـد فتـره لسانـي
يقـول انّ الغـلا شـيٍّ يـروّع****وموجه طاول كبـار المبانـي
بعد ماكانت الاشيـا رخيصـه****تزايد سعرهـا قاصـي ودانـي
طمع مدري جشع مدري ولكـن****وش اللي يجعل التاجر أنانـي
يساوم فالسلـع ويزيـد فيهـا****والا مِن باع باع بْسِعْـر ثانـي
دبل فوق الدّبل وادبـل ياعمّـي****ولاتهتـم دام العمـر فـانـي
ولا تنظـر بعيـنـك للغـلابـه****وِقُول اللـي كواهـم ماكوانـي
وخُذَ الأموال واجْمَع كد غيـرك****ترى مانته بأوّل شخص جانـي
أقولـه والغـلا يـزداد كيلـه****وكل الخلق من فعلـه تعانـي
ولابه حاجةٍ مـن غيـر سِبّـه****كلام الصدق واشهـد يازمانـي
سبب هذا الغلا ! ذنب وخطيّـه****وشؤم المعصيه عَجْل الأوانـي
لكن ياناس للرحمـن عـودوا****وناجوا منزل السبـع المثانـي
هو الخافض هو الرافع هو اللي****يقول ادعوا واجيب لمن دعاني
والا يارب من يركـع ويسجـد****وطاف البيت والركن اليمانـي
مُنِعْنا القَطْـر والآبـار جفّـت****وغار المـا وجفّـنّ السوانـي
ومات الزرع والأسعار غِلْيَـت****غلا باسبابه تْضيـق المحانـي
والا يـارب ترحمنـا وتلطُـف****وترزقنا المطر وامْـن وامانـي
وترفع هالغلا عن كـل مسلـم****سجد لرضاك من قاصي وداني
اللهـــــــم ارفع الغلااااء عن المسلمين
اللهم امين
تسلمين اختي
كل الود