منتدى دمعـــة ولـــه - ليته يجيني **جديد**

السلام عليكم ورحمة الله وبركاته

ليته يجيني **جديد**

هذه قصيدة او خاطرة احببت ان اجاري فيها كلمات اغنية مشهوره للفنانه الاماراتيه ( اريام) حيث تقول كلمات الاغنية /

عندي كلام وخاطري لك اقوله .. وابغيك تفهم مقصدي يااريش العين

ماحدٍ جبرك ولكل شخصٍ ميوله .. واترى الصراحه راحةٍ بين الاثنين

الحب اكبر من كلام نقوله .. واكبر من اللي ينكتب بالدواوين

الى اخر الكلمات ..

فأحببت ان اجاريها لاعجابي بالكلمات اتمنى ان تحوز على رضاكم ***

*** أقول ***

كل الكـلام اللــي بقلبي بقوله .. وابينّه للي يعرف الهوى زين

لي صاحبٍ غايب ولا اقدرانوله .. حال الزمن بيني وبينه من سنين

الله يجازي كل ناسٍ عذوله .. كانوا سبب تفريق حب الخليلين

أفز من نومي اذا شفت زوله .. واجلس أفكر هو حبيبي غدا وين؟

راعي العيون الناعسة والخجوله .. فتنة حلا زادت عذابي عذابين

حبه بقلبي مايزول بسهوله .. لو صار عمري عقبها في الثمانين

وقلبي صعب ماكل بنتٍ تطوله .. إلا غلا اللي ساكنٍ بالشرايين

قد قالها راعي الشعر والمقوله .. ( ماكل حبٍ يسكن القلب يا حسين)

ليته يجيني لو ثوانٍ عجوله .. ويّطمن اللي عايشٍ بين نارين

معقوله ذاك الحب تذبل اصوله.. وعقب الوفا والحب عني تخلين

حبٍ جبرني الوقت لازم اقوله .. وابينّه للي يعرف الهوى زين

وتقبلو تحياتي

حززين الحرف