انا وش سويت يايمه !!!
 

ليلة برد وبرق ورعد *** من خوفي بكت عيني


ولا أحد يحس فيني *** أنا من لي أنا ويني
يايمه ليه تركتيني *** بلا حس يدفيني


يايمه هانت دموعي *** يايمه هانت سنيني
يادنيا وينها أمي؟؟ *** ليه يايمه تعافيني؟؟
أنا ولدك أنا أنتي *** أنا ياكيف تنسيني ؟؟


أنا شسويت يايمه *** أنا شذنبي أنا شفيني
أنا غلطان يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيني؟؟


ياليتك قبل ما أحيى *** أنابجوفك قتلتيني
أنا شسويت يايمه *** أنا شذنبي أنا شفيني
يايمه أحلف بربي *** دعاء منك يحميني


يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني
يهون عليك يايمه *** بلا أسم تخليني


أنا ساره أنا نوره؟؟ *** أنا كيف بتناديني
أحس ببرد يايمه *** أبي صدرك يدفيني
أحس بخوف يايمه *** أبي قلبك يغطيني


أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتيني
وكنت أسمع صدى *** نوحك يوم أنك ولدتيني


أبد ماهانت دموعك *** يوم أنك بكيتيني
يايمه أسألي سجودي *** بأعلى الصوت يدعيني
يايمه أسألي ركوعي = من حالي بيرثيني


يايمه أسألك أنتي = الى يومك تحبيني
يهون عليك يايمه ..*** بثوب العار تكسيني
يهون عليك هالعالم = لقيط الدار يسميني


يايمه سامحك ربي = يوم أنك شقيتيني
يايمه سامحك ربي = يوم أنك خذلتيني
يايمه سامحك ربي = على مر جرعتيني


يايمه أنتي مو أمي = أنا أمي ما تخليني
ياأنتي أيه ياأنتي= أبي تنسي عناويني
وأبي تنسين يوم = أسود يوم أنك ولدتيني


وكل يومي أنا بدعي = لباس الصبر يكسيني
وأنا مؤمن برب الكون = خلقني مايخليني
وأنا مؤمن برب الكون = خلقني مايخليني



.....



قصيده تحكي واقع مؤلم ..

رد: انا وش سويت يايمه !!!
 

http://im62.gulfup.com/minrzd.jpg

رد: انا وش سويت يايمه !!!
 

في صميم تعور القلب

جيتك بقيا حي شكرا لك على مجهودك الرائع

رد: انا وش سويت يايمه !!!
 

في الآونه الاخير كثرة هالمشكله الكبيره

اسأل الله ان يكفينا شر الدنيا وبلاويها


شكرآ على مرورك

رد: انا وش سويت يايمه !!!
 

مشكوووووور والله يعطيك الف عافيه

رد: انا وش سويت يايمه !!!
 

العفو اخوي الوراق

وشكرآ على مرورك

رد: انا وش سويت يايمه !!!
 

رد: انا وش سويت يايمه !!!
 

الاروع مرورك وشكرآ على اطرائك

رد: انا وش سويت يايمه !!!
 

رد: انا وش سويت يايمه !!!
 

شكرآ على المرور